တစ်ခါတုန်းက အဖြစ်လေးတွေ (၄၉)

[Unicode]

ကဗျာကိုပင် နားနှင့်သင်ခဲ့

ကလေးသာသာအရွယ်ဆိုတော့ သိပ်ကိုအအိပ်မက်တာပေါ့။ မိုးလင်းကာနီးလေ ပိုအိပ်ချင်လာလေပါပဲ။ အညာဆောင်းရာသီက အိပ်ချင်ခြင်းနဲ့ မအိပ်နိုင်ခြင်းတို့ကဆန့်ကျင်ဘက် ဒွန်တွဲတတ်ပါတယ်။ မှေးစက်အိပ်ချင်စိတ်နဲ့အတူ နားမှာကြားနေရသည်က ကဗျာ။ အိပ်ချင်မူးတူးစိတ်ကို ကဗျာနှင့် အိပ်မွေ့ချခြင်းလေလား။

ဖေဖေက အိပ်ရာကနေ အစောကြီး ထပါတယ်။ သူအိပ်ရာထချိန်က မိုးပင်မလင်းသေး။ မျက်နှာသစ်ပြီး ဘုရားစာတွေ ရွတ်ပါတယ်။

အေးလှတဲ့ဆောင်းကြောင့် ကျွန်တော်တို့ကလည်း နိုးနေတတ်ပါတယ်။ စောင်ခြုံထဲကတော့ အပြင်ကို မထွက်ရဲသေးပါ။ ဖေဖေ့အသံကိုသာ နိုးတစ်ဝက်နှင့်ကြားနေရပါတယ်။ ဘုရားစာတွေရွတ်ဆိုပြီးတော့ ညကကြွေခဲ့တဲ့ ယူကလစ်ရွက်ခြောက်တွေနဲ့ အခြားသစ်ရွက်ခြောက်တွေကို လှည်းကျင်းရင်း ဖေဖေဟာ သူအာဂုံဆောင်ထားခဲ့တဲ့ ကဗျာတွေကို တစ်ပုဒ်ပြီးတစ်ပုဒ် ရွတ်နေတတ်ပါတယ်။

ဒီလိုလုပ်တာကလည်း တစ်ရက်မဟုတ် နေ့တိုင်းနီးပါး။ နေ့တိုင်းရွတ်တော့ ကျွန်တော်တို့ကလည်း နေ့တိုင်းကြားကြရပါတယ်။ နေ့တိုင်းကြားရတော့ နားရည်ဝလာတယ်။ စာတွေကနောက်မှ သင်ရတယ်။ ကျွန်တော်တို့ ညီအစ်ကိုတစ်တွေကတော့ ကဗျာတွေကို အရင်သင်ခဲ့ကြရတယ်။

တကယ်တော့ တခုတ်တရကြီး သင်ခဲ့ရတာတော့မဟုတ်ပါဘူး။ ဖေဖေက ဘယ်လို ရည်ရွယ်ချက်နဲ့ ရွတ်တာလဲ ဆိုတာမသိပေမယ့် ဖေဖေရွတ်ခဲ့တဲ့ ကဗျာတွေထဲက ကဗျာအတော်များများကို ကျွန်တော်တို့ ညီအစ်ကိုတွေ နားနဲ့ သင်ခွင့်ရခဲ့ကြတယ်။

ကဗျာကို သရုပ်ခွဲဖို့ ကျွန်တော့်အနေနဲ့ မတတ်နိုင်ပါဘူး။ ဒါပေမယ့် ကဗျာထဲက အချိတ်အဆက် အသံလေးတွေက ရွတ်ဆိုသူအတွက် အဆင်ပြေချောမွေ့နေသလို နားနဲ့ကြားနေရတဲ့ ကျွန်တော်တို့အတွက်လည်း ဒီအချိတ်အဆက် အသံလေးတွေကြောင့် မြန်မြန်လိုက်ပြီး ရွတ်ဆိုလာနိုင်သလိုပါပဲ။ မှတ်ရလည်း အလွန်ကို လွယ်ကူနေခဲ့ပါတယ်။

ဖေဖေရွတ်ခဲ့တဲ့ ကဗျာလေးတွေကလည်း ရိုးရှင်းလွန်းလှပါတယ်။ ကျွန်တော်တို့နေ့စဉ် မြင်တွေ့နေရတဲ့ မြင်ကွင်းလေးတွေကို ရေးထားသလို ဆိုတော့ ဒီကဗျာလေးတွေရဲ့ ပုံဖော်ထားမှုလေးတွေကို ကျွန်တော်တို့ လိုက်ပြီး မြင်ခွင့်ရခဲ့တယ်။ ကျွန်တော်တို့အတွက် ကဗျာရဲ့ အနက်အဓိပ္ပါယ်ဟာ အခက်အခဲမရှိခဲ့ဘူး။

အသံသာသလို မြင်ကွင်းတို့ရှင်းလှတဲ့ ကဗျာလေးတွေကြောင့် ကဗျာကို ချစ်ခင်လာတယ်။

နောက်ပိုင်းအရွယ်ရောက်လို့ ကျောင်းမှာသင်ခဲ့ရတဲ့ ကဗျာတိုင်းဟာ ကျွန်တော်အလွတ်ရအောင်ကို ကြိုပြီး ကျက်ထားမိတတ်တယ်။

ကဗျာလေးတွေကို နားနဲ့ သင်ခဲ့ရတဲ့နောက်မှာတော့ ကဗျာချစ်တတ်တဲ့ နှလုံးသားက ကျွန်တော်မှာ ရှိခဲ့ပုံရပါတယ်။ ကဗျာတွေကို ချစ်တာကြောင့် သင်ရိုးမှာ မပါခဲ့တဲ့ ကဗျာတွေကိုပါ ရှာကြံပြီး ရွတ်ဖတ်ခဲ့တယ်။ အကုန်လုံးတော့ မဟုတ်ပါဘူး။ လက်လှမ်းမီရာ ကဗျာတွေကိုပေါ့။ ရွတ်ရင်းနဲ့ ကြိုက်တာတွေကိုလည်း အလွတ်ကျက်ခဲ့တယ်။

ဒါပေမယ့် အရွယ်ရမှ ကျက်ခဲ့တဲ့ ကဗျာတွေက အကြောင်းကိစ္စတွေ များလာတဲ့ လူမှုကိစ္စတွေရဲ့နောက်မှာ ပြန်ပြန်မေ့သွားတတ်လို့ အချိန်ရရင်ပြန်ပြန်နွှေးနွှေးပေးမှ ရွတ်နိုင်ခဲ့တော့တယ်။

ဟိုငယ်ငယ်တုန်းက ကကြီးခခွေးတောင် ကောင်းကောင်းမရေးတတ်သေးခင်က ဖေဖေရွတ်လို့ မှတ်သားသင်ယူခဲ့ရတဲ့ ကဗျာတွေကတော့ ကျွန်တော့်နှလုံးသားမှာ အခုထိ မပျောက်မပျက် နေရာယူဆဲပါ။

သေရာညောင်စောင်းထိ ယူသွားမယ့် ကဗျာတွေဆိုရင်လည်း မမှားဘူးလို့ ပြောရမယ်ထင်ပါတယ်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ခွန်နောင်လွင်ထူး ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

တစ္ခါတုန္းက အျဖစ္ေလးေတြ (၄၉)

ကဗ်ာကိုပင္ နားႏွင့္သင္ခဲ့

ကေလးသာသာအ႐ြယ္ဆိုေတာ့ သိပ္ကိုအအိပ္မက္တာေပါ့။ မိုးလင္းကာနီးေလ ပိုအိပ္ခ်င္လာေလပါပဲ။ အညာေဆာင္းရာသီက အိပ္ခ်င္ျခင္းနဲ႔ မအိပ္ႏိုင္ျခင္းတို႔ကဆန္႔က်င္ဘက္ ဒြန္တြဲတတ္ပါတယ္။ ေမွးစက္အိပ္ခ်င္စိတ္နဲ႔အတူ နားမွာၾကားေနရသည္က ကဗ်ာ။ အိပ္ခ်င္မူးတူးစိတ္ကို ကဗ်ာႏွင့္ အိပ္ေမြ႕ခ်ျခင္းေလလား။

ေဖေဖက အိပ္ရာကေန အေစာႀကီး ထပါတယ္။ သူအိပ္ရာထခ်ိန္က မိုးပင္မလင္းေသး။ မ်က္ႏွာသစ္ၿပီး ဘုရားစာေတြ ႐ြတ္ပါတယ္။

ေအးလွတဲ့ေဆာင္းေၾကာင့္ ကြၽန္ေတာ္တို႔ကလည္း ႏိုးေနတတ္ပါတယ္။ ေစာင္ျခဳံထဲကေတာ့ အျပင္ကို မထြက္ရဲေသးပါ။ ေဖေဖ့အသံကိုသာ ႏိုးတစ္ဝက္ႏွင့္ၾကားေနရပါတယ္။ ဘုရားစာေတြ႐ြတ္ဆိုၿပီးေတာ့ ညကေႂကြခဲ့တဲ့ ယူကလစ္႐ြက္ေျခာက္ေတြနဲ႔ အျခားသစ္႐ြက္ေျခာက္ေတြကို လွည္းက်င္းရင္း ေဖေဖဟာ သူအာဂုံေဆာင္ထားခဲ့တဲ့ ကဗ်ာေတြကို တစ္ပုဒ္ၿပီးတစ္ပုဒ္ ႐ြတ္ေနတတ္ပါတယ္။

ဒီလိုလုပ္တာကလည္း တစ္ရက္မဟုတ္ ေန႔တိုင္းနီးပါး။ ေန႔တိုင္း႐ြတ္ေတာ့ ကြၽန္ေတာ္တို႔ကလည္း ေန႔တိုင္းၾကားၾကရပါတယ္။ ေန႔တိုင္းၾကားရေတာ့ နားရည္ဝလာတယ္။ စာေတြကေနာက္မွ သင္ရတယ္။ ကြၽန္ေတာ္တို႔ ညီအစ္ကိုတစ္ေတြကေတာ့ ကဗ်ာေတြကို အရင္သင္ခဲ့ၾကရတယ္။

တကယ္ေတာ့ တခုတ္တရႀကီး သင္ခဲ့ရတာေတာ့မဟုတ္ပါဘူး။ ေဖေဖက ဘယ္လို ရည္႐ြယ္ခ်က္နဲ႔ ႐ြတ္တာလဲ ဆိုတာမသိေပမယ့္ ေဖေဖ႐ြတ္ခဲ့တဲ့ ကဗ်ာေတြထဲက ကဗ်ာအေတာ္မ်ားမ်ားကို ကြၽန္ေတာ္တို႔ ညီအစ္ကိုေတြ နားနဲ႔ သင္ခြင့္ရခဲ့ၾကတယ္။

ကဗ်ာကို သ႐ုပ္ခြဲဖို႔ ကြၽန္ေတာ့္အေနနဲ႔ မတတ္ႏိုင္ပါဘူး။ ဒါေပမယ့္ ကဗ်ာထဲက အခ်ိတ္အဆက္ အသံေလးေတြက ႐ြတ္ဆိုသူအတြက္ အဆင္ေျပေခ်ာေမြ႕ေနသလို နားနဲ႔ၾကားေနရတဲ့ ကြၽန္ေတာ္တို႔အတြက္လည္း ဒီအခ်ိတ္အဆက္ အသံေလးေတြေၾကာင့္ ျမန္ျမန္လိုက္ၿပီး ႐ြတ္ဆိုလာႏိုင္သလိုပါပဲ။ မွတ္ရလည္း အလြန္ကို လြယ္ကူေနခဲ့ပါတယ္။

ေဖေဖ႐ြတ္ခဲ့တဲ့ ကဗ်ာေလးေတြကလည္း ႐ိုး႐ွင္းလြန္းလွပါတယ္။ ကြၽန္ေတာ္တို႔ေန႔စဥ္ ျမင္ေတြ႕ေနရတဲ့ ျမင္ကြင္းေလးေတြကို ေရးထားသလို ဆိုေတာ့ ဒီကဗ်ာေလးေတြရဲ႕ ပုံေဖာ္ထားမႈေလးေတြကို ကြၽန္ေတာ္တို႔ လိုက္ၿပီး ျမင္ခြင့္ရခဲ့တယ္။ ကြၽန္ေတာ္တို႔အတြက္ ကဗ်ာရဲ႕ အနက္အဓိပၸါယ္ဟာ အခက္အခဲမ႐ွိခဲ့ဘူး။

အသံသာသလို ျမင္ကြင္းတို႔႐ွင္းလွတဲ့ ကဗ်ာေလးေတြေၾကာင့္ ကဗ်ာကို ခ်စ္ခင္လာတယ္။

ေနာက္ပိုင္းအ႐ြယ္ေရာက္လို႔ ေက်ာင္းမွာသင္ခဲ့ရတဲ့ ကဗ်ာတိုင္းဟာ ကြၽန္ေတာ္အလြတ္ရေအာင္ကို ႀကိဳၿပီး က်က္ထားမိတတ္တယ္။

ကဗ်ာေလးေတြကို နားနဲ႔ သင္ခဲ့ရတဲ့ေနာက္မွာေတာ့ ကဗ်ာခ်စ္တတ္တဲ့ ႏွလုံးသားက ကြၽန္ေတာ္မွာ ႐ွိခဲ့ပုံရပါတယ္။ ကဗ်ာေတြကို ခ်စ္တာေၾကာင့္ သင္႐ိုးမွာ မပါခဲ့တဲ့ ကဗ်ာေတြကိုပါ ႐ွာၾကံၿပီး ႐ြတ္ဖတ္ခဲ့တယ္။ အကုန္လုံးေတာ့ မဟုတ္ပါဘူး။ လက္လွမ္းမီရာ ကဗ်ာေတြကိုေပါ့။ ႐ြတ္ရင္းနဲ႔ ႀကိဳက္တာေတြကိုလည္း အလြတ္က်က္ခဲ့တယ္။

ဒါေပမယ့္ အ႐ြယ္ရမွ က်က္ခဲ့တဲ့ ကဗ်ာေတြက အေၾကာင္းကိစၥေတြ မ်ားလာတဲ့ လူမႈကိစၥေတြရဲ႕ေနာက္မွာ ျပန္ျပန္ေမ့သြားတတ္လို႔ အခ်ိန္ရရင္ျပန္ျပန္ေႏႊးေႏႊးေပးမွ ႐ြတ္ႏိုင္ခဲ့ေတာ့တယ္။

ဟိုငယ္ငယ္တုန္းက ကႀကီးခေခြးေတာင္ ေကာင္းေကာင္းမေရးတတ္ေသးခင္က ေဖေဖ႐ြတ္လို႔ မွတ္သားသင္ယူခဲ့ရတဲ့ ကဗ်ာေတြကေတာ့ ကြၽန္ေတာ့္ႏွလုံးသားမွာ အခုထိ မေပ်ာက္မပ်က္ ေနရာယူဆဲပါ။

ေသရာေညာင္ေစာင္းထိ ယူသြားမယ့္ ကဗ်ာေတြဆိုရင္လည္း မမွားဘူးလို႔ ေျပာရမယ္ထင္ပါတယ္။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767  သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ခြန္ေနာင္လြင္ထူး ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com