တစ်ခါတုန်းက အဖြစ်လေးတွေ (၄၅)

[Unicode]

စာပြိုင်ပွဲ

ကျွန်တော်တို့ လေးတန်းကျောင်းသားဘဝ အတန်းတွင်း စာပြိုင်ပွဲလေးတွေ ကြုံရတယ်။ ပြိုင်ပွဲတိုင်းနီးပါး ကျွန်တော်ရှုံးတယ်။ လျှာပါးအာပါးမဟုတ်တဲ့ ကျွန်တော်က လျှာသွက် အာသွက် မိန်းကလေးတွေနဲ့ ပြိုင်တိုင်း အရှုံးပေးလိုက်ရတာက များတယ်။

လျှပ်တစ်ပြက်အတွင်း အလီတွေဖြေရတဲ့အခါမှာ ကျွန်တော်က အလီတွေရနေဦးတော့ တစ်ဖက်မိန်းကလေးက ခပ်သွက်သွက် အရင်ဖြေလိုက်တာနဲ့ပဲ ကျွန်တော်က ရှုံးသွားပြီ။

ကျွန်တော်က နှုတ်လေးလျှာလေးသမား။ နှုတ်လေးလျှာလေးလွန်းလို့ အိမ်သားတွေက ကျွန်တော်ကို ရှမ်းကြီးလို့တောင် ခေါ်ကြတယ်။ စကားလုံးတစ်ခုခု ပြောထွက်ဖို့ကို လေးပင်နေတာရယ်၊ စကားသံ ထွက်လာရင်လည်း တစ်တုံးတစ်ခဲ လေးလေးပင်ပင်ကြီး ဖြစ်နေတတ်တယ်လို့ ပြောကြတယ်။

စာပြိုင်တဲ့ အခါမှာလည်း ယောက်ျားလေးချင်း ပြိုင်ရတာမဟုတ်ပါဘူး။ ယောက်ျားလေးတစ်ဖက် မိန်းကလေးတစ်ဖက် ပြိုင်ကြရတာက များပါတယ်။ မိန်းကလေးဆိုတဲ့ အမျိုးကလည်း အဲဒီနေရာမျိုးဆို ကျွန်တော်တို့ ယောက်ျားလေးတွေထက်ကို ပိုသွက်နေသလိုပါပဲ။ ယောက်ျားလေး အတော်များများလည်း အဲဒီလိုပြိုင်ပွဲတိုင်း အပြောနောက်ကျတာနဲ့ကို ရှုံးကြတာများသလိုပါပဲ။

စာပြိုင်တဲ့အခါ နိုင်တဲ့သူက ရှုံးတဲ့သူကို စာသင်ခန်းထဲက အလယ်လျှောက်လမ်းအတိုင်း နားရွက်ကို ဆွဲပြီး ခေါက်တုံ့ခေါက်ပြန် သွားပြကြရတယ်။

တစ်ခါတစ်ရံ ရှုံးတဲ့သူက နိုင်တဲ့သူကို ကျောပိုးထမ်းပြီး လျှောက်ပြကြရတယ်။ ယောက်ျားလေးဆိုတဲ့ အမျိုးကလည်း ဒီလိုမျိုးလုပ်ရလို့ ရှက်ရကောင်းမှန်းမသိဘူး။ တဟီးဟီးသဘောကျပြီး လုပ်တတ်တယ်။

မိန်းကလေးနဲ့ ယောက်ျားလေး သင်္ချာအလီတွေ အရွတ်ပြိုင်ကြမယ်၊ရှုံးတဲ့သူက နိုင်တဲ့သူကို ကျောပိုးထမ်းပြီး လျှောက်ရမယ်လို့ ဆရာက ပြောလိုက်ရင် အဲဒီလိုအခါမျိုး ဘယ်ကောင်မှ ပြိုင်ဘက်မိန်းကလေးကို အနိုင်မယူဘူး။ အရှုံးပေးတတ်ကြတယ်။

ပျော်ပျော်ကြီး အရှုံးပေးပြီး ကျောပိုးထမ်းကြပါတော့တယ်။

ပထမတုန်းက မြန်မြန်နဲ့ စာကို အနိုင်ရအောင် လုပ်နေတဲ့ကောင်တွေတောင် အဲဒီလို အပြစ်ပေးမယ်ဆိုရင် အရှုံးပေးပြီး အပြစ်ဒဏ်ကို ကျေကျေနပ်နပ်ကို ခံယူတတ်ကြတယ်။

တစ်ခါများတော့ ဆရာက တပည့်တွေကို ဒီနေ့ အလီရွတ်ပြိုင်ကြရမယ်။ ရှုံးတဲ့သူက နိုင်တဲ့သူကို ကျောပိုးလျှောက်ရမယ်လို့ ပြောတော့ ကျောင်းသားအားလုံးပျော်တာပေါ့။ မိန်းကလေးကျောင်းသူတွေဘက် ကြည့်ပြီး စာနာခြင်း၊ သနားခြင်းတွေနဲ့ အရှုံးပေးလိုက်ကြမယ့် ပုံစံမျိုးတွေနဲ့ ကျောင်းသားတွေက ဂိုက်တွေဖမ်းကြတာပေါ့။

ဆရာက ဘယ်ကောင် ဘယ်ကောင်တွေထဆိုတော့မှ ယောက်ျားလေးချင်း ပြိုင်ခိုင်းတော့မယ်ဆိုတာ သိရတော့တာပဲ။

အဲဒီတော့မှ မောင်မင်းကြီးသားတွေ သူ့ထက်ငါ အနိုင်ရဖို့ လုပ်ကြတော့တာပေါ့။

ဆရာက သင်ပုန်းကြီးပေါ် ၉ နဲ့ အမြှောက်ဂဏန်းလေး ရေးထားပြီး နောက်ထပ် မြှောက်ရမယ့်ဂဏန်း ရေးပြီးပြီဆိုတာနဲ့ အဖြေမှန်ကို ကျွန်တော်တို့က အမြန်တန်းပြီး ရွတ်နိုင်ကြရပါမယ်။နောက်ကျပြီးမှ ရွတ်ရင်တော့ ယောက်ျာလေးချင်း ထမ်းကြပေဦးပေါ့။

ယောက်ျားလေးဆိုတာက ဆန့်ကျင့်ဘက် လိင်အပေါ်မှာသာ သက်သက်ညှာညှာရှိတာ လိင်တူချင်းအပေါ်ဆိုရင် တယ်မလွယ်လှပါဘူး။ ဒါကြောင့် သူနိုင်ငါနိုင် အပြိုင်ကြဲတော့တာပါပဲ။

အခုလို ပြိုင်ပွဲမှာ နိုင်လို့ ရှုံးတဲ့သူကို ကျောပိုးစီးရပြီဆိုရင် ရိုးရိုးစီးတာမဟုတ်ဘူး။ ကျောပိုးလည်းစီးသေးတယ်၊ နားရွက်လည်းဆွဲသေးတယ်။ကျောပါ်ကနေ တကယ့်မြင်းစီးသလို ခုန်ဆွခုန်ဆွကလည်း လုပ်သေးတယ်။ အောက်ကကျတဲ့အကောင်တော့ သေပေရော့ပဲ။

ကျွန်တော်တို့ မူလကျောင်းသားဘဝ အခန်းတွင်း စာပြိုင်ပွဲတွေမှာ ယောက်ျားလေးချင်း ပြိုင်ဖို့ ကြုံလာရင်တော့ အဲဒီလို အကြိတ်အနယ်ရှိလှပါကြောင်း….။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

မိုးယံလင်းထင် ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

တစ္ခါတုန္းက အျဖစ္ေလးေတြ (၄၅)

စာၿပိဳင္ပြဲ

ကြၽန္ေတာ္တို႔ ေလးတန္းေက်ာင္းသားဘဝ အတန္းတြင္း စာၿပိဳင္ပြဲေလးေတြ ၾကဳံရတယ္။ ၿပိဳင္ပြဲတိုင္းနီးပါး ကြၽန္ေတာ္႐ႈံးတယ္။ လွ်ာပါးအာပါးမဟုတ္တဲ့ ကြၽန္ေတာ္က လွ်ာသြက္ အာသြက္ မိန္းကေလးေတြနဲ႔ ၿပိဳင္တိုင္း အ႐ႈံးေပးလိုက္ရတာက မ်ားတယ္။

လွ်ပ္တစ္ျပက္အတြင္း အလီေတြေျဖရတဲ့အခါမွာ ကြၽန္ေတာ္က အလီေတြရေနဦးေတာ့ တစ္ဖက္မိန္းကေလးက ခပ္သြက္သြက္ အရင္ေျဖလိုက္တာနဲ႔ပဲ ကြၽန္ေတာ္က ႐ႈံးသြားၿပီ။

ကြၽန္ေတာ္က ႏႈတ္ေလးလွ်ာေလးသမား။ ႏႈတ္ေလးလွ်ာေလးလြန္းလို႔ အိမ္သားေတြက ကြၽန္ေတာ္ကို ႐ွမ္းႀကီးလို႔ေတာင္ ေခၚၾကတယ္။ စကားလုံးတစ္ခုခု ေျပာထြက္ဖို႔ကို ေလးပင္ေနတာရယ္၊ စကားသံ ထြက္လာရင္လည္း တစ္တုံးတစ္ခဲ ေလးေလးပင္ပင္ႀကီး ျဖစ္ေနတတ္တယ္လို႔ ေျပာၾကတယ္။

စာၿပိဳင္တဲ့ အခါမွာလည္း ေယာက်္ားေလးခ်င္း ၿပိဳင္ရတာမဟုတ္ပါဘူး။ ေယာက်္ားေလးတစ္ဖက္ မိန္းကေလးတစ္ဖက္ ၿပိဳင္ၾကရတာက မ်ားပါတယ္။ မိန္းကေလးဆိုတဲ့ အမ်ိဳးကလည္း အဲဒီေနရာမ်ိဳးဆို ကြၽန္ေတာ္တို႔ ေယာက်္ားေလးေတြထက္ကို ပိုသြက္ေနသလိုပါပဲ။ ေယာက်္ားေလး အေတာ္မ်ားမ်ားလည္း အဲဒီလိုၿပိဳင္ပြဲတိုင္း အေျပာေနာက္က်တာနဲ႔ကို ႐ႈံးၾကတာမ်ားသလိုပါပဲ။

စာၿပိဳင္တဲ့အခါ ႏိုင္တဲ့သူက ႐ႈံးတဲ့သူကို စာသင္ခန္းထဲက အလယ္ေလွ်ာက္လမ္းအတိုင္း နား႐ြက္ကို ဆြဲၿပီး ေခါက္တုံ႔ေခါက္ျပန္ သြားျပၾကရတယ္။

တစ္ခါတစ္ရံ ႐ႈံးတဲ့သူက ႏိုင္တဲ့သူကို ေက်ာပိုးထမ္းၿပီး ေလွ်ာက္ျပၾကရတယ္။ ေယာက်္ားေလးဆိုတဲ့ အမ်ိဳးကလည္း ဒီလိုမ်ိဳးလုပ္ရလို႔ ႐ွက္ရေကာင္းမွန္းမသိဘူး။ တဟီးဟီးသေဘာက်ၿပီး လုပ္တတ္တယ္။

မိန္းကေလးနဲ႔ ေယာက်္ားေလး သခ်ၤာအလီေတြ အ႐ြတ္ၿပိဳင္ၾကမယ္၊႐ႈံးတဲ့သူက ႏိုင္တဲ့သူကို ေက်ာပိုးထမ္းၿပီး ေလွ်ာက္ရမယ္လို႔ ဆရာက ေျပာလိုက္ရင္ အဲဒီလိုအခါမ်ိဳး ဘယ္ေကာင္မွ ၿပိဳင္ဘက္မိန္းကေလးကို အႏိုင္မယူဘူး။ အ႐ႈံးေပးတတ္ၾကတယ္။

ေပ်ာ္ေပ်ာ္ႀကီး အ႐ႈံးေပးၿပီး ေက်ာပိုးထမ္းၾကပါေတာ့တယ္။

ပထမတုန္းက ျမန္ျမန္နဲ႔ စာကို အႏိုင္ရေအာင္ လုပ္ေနတဲ့ေကာင္ေတြေတာင္ အဲဒီလို အျပစ္ေပးမယ္ဆိုရင္ အ႐ႈံးေပးၿပီး အျပစ္ဒဏ္ကို ေက်ေက်နပ္နပ္ကို ခံယူတတ္ၾကတယ္။

တစ္ခါမ်ားေတာ့ ဆရာက တပည့္ေတြကို ဒီေန႔ အလီ႐ြတ္ၿပိဳင္ၾကရမယ္။ ႐ႈံးတဲ့သူက ႏိုင္တဲ့သူကို ေက်ာပိုးေလွ်ာက္ရမယ္လို႔ ေျပာေတာ့ ေက်ာင္းသားအားလုံးေပ်ာ္တာေပါ့။ မိန္းကေလးေက်ာင္းသူေတြဘက္ ၾကည့္ၿပီး စာနာျခင္း၊ သနားျခင္းေတြနဲ႔ အ႐ႈံးေပးလိုက္ၾကမယ့္ ပုံစံမ်ိဳးေတြနဲ႔ ေက်ာင္းသားေတြက ဂိုက္ေတြဖမ္းၾကတာေပါ့။

ဆရာက ဘယ္ေကာင္ ဘယ္ေကာင္ေတြထဆိုေတာ့မွ ေယာက်္ားေလးခ်င္း ၿပိဳင္ခိုင္းေတာ့မယ္ဆိုတာ သိရေတာ့တာပဲ။

အဲဒီေတာ့မွ ေမာင္မင္းႀကီးသားေတြ သူ႕ထက္ငါ အႏိုင္ရဖို႔ လုပ္ၾကေတာ့တာေပါ့။

ဆရာက သင္ပုန္းႀကီးေပၚ ၉ နဲ႔ အေျမႇာက္ဂဏန္းေလး ေရးထားၿပီး ေနာက္ထပ္ ေျမႇာက္ရမယ့္ဂဏန္း ေရးၿပီးၿပီဆိုတာနဲ႔ အေျဖမွန္ကို ကြၽန္ေတာ္တို႔က အျမန္တန္းၿပီး ႐ြတ္ႏိုင္ၾကရပါမယ္။ေနာက္က်ၿပီးမွ ႐ြတ္ရင္ေတာ့ ေယာက်္ာေလးခ်င္း ထမ္းၾကေပဦးေပါ့။

ေယာက်္ားေလးဆိုတာက ဆန္႔က်င့္ဘက္ လိင္အေပၚမွာသာ သက္သက္ညႇာညႇာ႐ွိတာ လိင္တူခ်င္းအေပၚဆိုရင္ တယ္မလြယ္လွပါဘူး။ ဒါေၾကာင့္ သူႏိုင္ငါႏိုင္ အၿပိဳင္ႀကဲေတာ့တာပါပဲ။

အခုလို ၿပိဳင္ပြဲမွာ ႏိုင္လို႔ ႐ႈံးတဲ့သူကို ေက်ာပိုးစီးရၿပီဆိုရင္ ႐ိုး႐ိုးစီးတာမဟုတ္ဘူး။ ေက်ာပိုးလည္းစီးေသးတယ္၊ နား႐ြက္လည္းဆြဲေသးတယ္။ေက်ာပၚကေန တကယ့္ျမင္းစီးသလို ခုန္ဆြခုန္ဆြကလည္း လုပ္ေသးတယ္။ ေအာက္ကက်တဲ့အေကာင္ေတာ့ ေသေပေရာ့ပဲ။

ကြၽန္ေတာ္တို႔ မူလေက်ာင္းသားဘဝ အခန္းတြင္း စာၿပိဳင္ပြဲေတြမွာ ေယာက်္ားေလးခ်င္း ၿပိဳင္ဖို႔ ၾကဳံလာရင္ေတာ့ အဲဒီလို အႀကိတ္အနယ္႐ွိလွပါေၾကာင္း….။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767  သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

မိုးယံလင္းထင္ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com