နွေပူမကြောက် မိုးမကြောက်သည့် စိန်ပန်း

[Unicode]

ကျွန်တော်က နွေရာသီ၏အပူဒဏ်ကို ကြောက်သည်။ထို့ကြောင့် အပူသက်သာရာကိုရှာတတ်သည်။ ထီးကိုမကိုင်ချင်သော်လည်း နွေရာသီမှာ အပြင်ထွက်လျှင် အပူဒဏ်သက်သာစေဖို့ ထီးကိုမဖြစ်မနေ ယူသွားသည်။ လူသားဖြစ်သူကျွန်တော်က အပူဒဏ်ကနေ သက်သာဖို့ ရှောင်တိမ်းနိုင်သော်လည်း ကျွန်တော်နှစ်သက်လှသည့် ငုဝါ၊ပိတောက်နှင့် စိန်ပန်းတို့ကတော့ ပူပြင်းလှသည့် နွေ၏အပူကိုပင် အမှုမထားဘဲ သူတို့မှာရှိသည့် အလှတရားတို့ကို အစွမ်းကုန်ပြကြသည်။

နွေဦးနှင့်အတူ ငုဝါပန်းတို့သည် နွေရာသီတလျှောက် အခိုင်အတွဲနှင့် အပြိုင်ကြဲပြီး ပွင့်ကြသည်။ထိုအထဲမှာမှ ပိတောက်က တစ်ရက်လောက်လာပြီး ဖျော်ဖြေပြသည်။

ထိုအတူ နွေတစ်ပိုင်း မိုးတစ်ပိုင်း မင်းသားကြီးကတော့ စိန်ပန်းပင်တို့ပင်ဖြစ်သည်။

စိန်ပန်းတို့ပွင့်ပြီဆိုလျှင် ငုဝါတို့ အပွင့်မတုံးသေးပေ။ငုဝါတို့ မတုံးသေးခင်စိန်ပန်းတို့ ပွင့်တတ်သောကြောင့် အဝါနှင့်အနီတို့ ရောယှက်ပြီး အလှကြီးလှနေတတ်သည့် နွေရာသီပန်းရှုခင်းကြီးကို ကြည့်ရသည်မှာ ကြည်နူးခြင်းဖြစ်ရပါသည်။

ပန်းဆိုသော်လည်း စိန်ပန်းပွင့်သည် ငုဝါပန်းကဲ့သို့ပင် မမွှေး။မမွှေးသော်လည်း အလှတရားရှိသည်။ထိုအလှကိုပင် ကျွန်တော်နှစ်သက်သည်။

စိန်ပန်းက နွေကိုလည်းမကြောက်၊မိုးကိုလည်းမကြောက်ဟု ကျွန်တော်ထင်သည်။နွေတစ်ပိုင်းကို မီသော စိန်ပန်းက နွေရာသီမှာလည်း အပူနှင့်ပင် ရဲရဲနီအောင်ပွင့်သည်။

မိုးတစ်ပိုင်းကိုလည်းမီသော စိန်ပန်းက လေနှင့်မိုးတို့ အပြင်းအထန်ချွေဆော့သည့်ဒဏ်ကို ခံရင်းလည်း ရဲရဲနီအောင် ပွင့်ပြတတ်သည်။ပင်မြင့်မှာလှသလိုပင်ခြေမှာလည်း ရဲရဲနီအောင်လှသည်။

လှသည့်အပြင် လောကဒဏ်ရင်ဆိုင်ပြသည့် ခွန်အားတို့ သူမှာရှိသည်ဟု ကျွန်တော်က နိမိတ်ယူသည်။

ထို့ကြောင့်ကျွန်တော်က စိန်ပန်းကို ကဗျာလေးတစ်ပုဒ်ဖွဲ့ခဲ့ဖူးသည်။ကဗျာခေါင်းစဉ်ကိုလည်း “စိန်ပန်း” ဟုပင် ခပ်ရှင်းပေးထားသည်။

“စိန်ပန်း”

တန်ခူးကုန်ဆုံး

ပိတောက်တုံးပြီ

ကျော့ဆုံးမြင်လား

ဒီမိုးသားထဲ

မိုးချွေလည်းလေ

ရဲရဲနီအောင်ပွင့်သည့်ပန်း။ ။တဲ့ဗျာ

အမိုက်မှောင် မိုးလေတို့ ဘယ်လောက်ပင်ချွေချွေ လောကကြီးအတွက် လှအောင်ဝေအောင်ပွင့်ဦးမှာ… လှအောင်ဝေအောင် ပွင့်ပေးကြဦးမှာပင်။ ။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

Credit to Photo - google

ကိုမေတ္တာ (တောင်ပေါ်သား) ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

ေႏြပူမေၾကာက္ မိုးမေၾကာက္သည့္ စိန္ပန္း

ကြၽန္ေတာ္က ေႏြရာသီ၏အပူဒဏ္ကို ေၾကာက္သည္။ထို႔ေၾကာင့္ အပူသက္သာရာကို႐ွာတတ္သည္။ ထီးကိုမကိုင္ခ်င္ေသာ္လည္း ေႏြရာသီမွာ အျပင္ထြက္လွ်င္ အပူဒဏ္သက္သာေစဖို႔ ထီးကိုမျဖစ္မေန ယူသြားသည္။ လူသားျဖစ္သူကြၽန္ေတာ္က အပူဒဏ္ကေန သက္သာဖို႔ ေ႐ွာင္တိမ္းႏိုင္ေသာ္လည္း ကြၽန္ေတာ္ႏွစ္သက္လွသည့္ ငုဝါ၊ပိေတာက္ႏွင့္ စိန္ပန္းတို႔ကေတာ့ ပူျပင္းလွသည့္ ေႏြ၏အပူကိုပင္ အမႈမထားဘဲ သူတို႔မွာ႐ွိသည့္ အလွတရားတို႔ကို အစြမ္းကုန္ျပၾကသည္။

ေႏြဦးႏွင့္အတူ ငုဝါပန္းတို႔သည္ ေႏြရာသီတေလွ်ာက္ အခိုင္အတြဲႏွင့္ အၿပိဳင္ႀကဲၿပီး ပြင့္ၾကသည္။ထိုအထဲမွာမွ ပိေတာက္က တစ္ရက္ေလာက္လာၿပီး ေဖ်ာ္ေျဖျပသည္။

ထိုအတူ ေႏြတစ္ပိုင္း မိုးတစ္ပိုင္း မင္းသားႀကီးကေတာ့ စိန္ပန္းပင္တို႔ပင္ျဖစ္သည္။

စိန္ပန္းတို႔ပြင့္ၿပီဆိုလွ်င္ ငုဝါတို႔ အပြင့္မတုံးေသးေပ။ငုဝါတို႔ မတုံးေသးခင္စိန္ပန္းတို႔ ပြင့္တတ္ေသာေၾကာင့္ အဝါႏွင့္အနီတို႔ ေရာယွက္ၿပီး အလွႀကီးလွေနတတ္သည့္ ေႏြရာသီပန္း႐ႈခင္းႀကီးကို ၾကည့္ရသည္မွာ ၾကည္ႏူးျခင္းျဖစ္ရပါသည္။

ပန္းဆိုေသာ္လည္း စိန္ပန္းပြင့္သည္ ငုဝါပန္းကဲ့သို႔ပင္ မေမႊး။မေမႊးေသာ္လည္း အလွတရား႐ွိသည္။ထိုအလွကိုပင္ ကြၽန္ေတာ္ႏွစ္သက္သည္။

စိန္ပန္းက ေႏြကိုလည္းမေၾကာက္၊မိုးကိုလည္းမေၾကာက္ဟု ကြၽန္ေတာ္ထင္သည္။ေႏြတစ္ပိုင္းကို မီေသာ စိန္ပန္းက ေႏြရာသီမွာလည္း အပူႏွင့္ပင္ ရဲရဲနီေအာင္ပြင့္သည္။

မိုးတစ္ပိုင္းကိုလည္းမီေသာ စိန္ပန္းက ေလႏွင့္မိုးတို႔ အျပင္းအထန္ေခြၽေဆာ့သည့္ဒဏ္ကို ခံရင္းလည္း ရဲရဲနီေအာင္ ပြင့္ျပတတ္သည္။ပင္ျမင့္မွာလွသလိုပင္ေျခမွာလည္း ရဲရဲနီေအာင္လွသည္။

လွသည့္အျပင္ ေလာကဒဏ္ရင္ဆိုင္ျပသည့္ ခြန္အားတို႔ သူမွာ႐ွိသည္ဟု ကြၽန္ေတာ္က နိမိတ္ယူသည္။

ထို႔ေၾကာင့္ကြၽန္ေတာ္က စိန္ပန္းကို ကဗ်ာေလးတစ္ပုဒ္ဖြဲ႕ခဲ့ဖူးသည္။ကဗ်ာေခါင္းစဥ္ကိုလည္း “စိန္ပန္း” ဟုပင္ ခပ္႐ွင္းေပးထားသည္။

“စိန္ပန္း”

တန္ခူးကုန္ဆုံး

ပိေတာက္တုံးၿပီ

ေက်ာ့ဆုံးျမင္လား

ဒီမိုးသားထဲ

မိုးေခြၽလည္းေလ

ရဲရဲနီေအာင္ပြင့္သည့္ပန္း။ ။တဲ့ဗ်ာ

အမိုက္ေမွာင္ မိုးေလတို႔ ဘယ္ေလာက္ပင္ေခြၽေခြၽ ေလာကႀကီးအတြက္ လွေအာင္ေဝေအာင္ပြင့္ဦးမွာ… လွေအာင္ေဝေအာင္ ပြင့္ေပးၾကဦးမွာပင္။ ။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767  သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

Credit to Photo - google

ကိုေမတၱာ (ေတာင္ေပၚသား) ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com