“မြင်တွေ့မိ မချိရင်ထဲ စာနာဆဲပါ”

[Unicode]

အရုပ်ဆိုးအကျည်းတန်သည့် မြင်ကွင်းများက ကမ္ဘာအနှံ့တွေ့နေရသည်။

ဒီကမ္ဘာမှာ အခုရက်ပိုင်းအတွင်း အင်မတန်မှ ထိတ်လန့်ကြောက်ရွံ့ဖွယ်ရာ အနိဋ္ဌာရုံတို့ ဖြစ်သွားခဲ့ခြင်းပင် ဖြစ်သည်။

ကျွန်တော်တို့ လူသားတွေက အလွန်ကို ခိုင်မာတည်မြဲသည်ဟု ထင်ထားသည့် ကမ္ဘာမြေကြီးက မတည်မြဲသည့် လုပ်ရပ်တို့ကို လုပ်ပြသွားခဲ့သည်။

လူတို့၏ ပယောဂကြောင့်ဖြစ်သည့် စစ်တလင်းပြင်တို့သည်လည်း ကမ္ဘာမြေတည်ငြိမ်မှုပျက်ပြားစေသလို ကမ္ဘာမြေကြီးကိုယ်တိုင်ကလည်း မတည်ငြိမ်ခြင်းကြောင့် လူသားအသိုက်မြုံအများအပြား ပျက်စီးခဲ့ကြပြန်သည်။

လူ့သက်တမ်းနှစ်တစ်ရာအတွင်း တစ်ကွေ့မဟုတ်တစ်ကွေ့တော့ဖြင့် ဒီဖြစ်ရပ်ဆိုးများ ထိပ်တိုက်တိုးကြရပါမည်။ နောက်မျိုးဆက်တို့လည်း သူတို့သက်တမ်းအတွင်း ဘယ်နှစ်ကြိမ် ကြုံတွေ့ကြဦးမည်နည်း။ကျွန်တော်ဖြတ်သန်းရသည့် နှစ်ငါးဆယ်ကျော်အတွင်းမှာပင် ပြည်တွင်းနှင့်ကမ္ဘာမှာပါ ထင်ရှားသည့်ဖြစ်ရပ်ဆိုးများ မမှတ်မိလောက် အောင် ဖြစ်ခဲ့ပြီးပါပြီ။

ယခုလည်း လာပြန်ပါပြီ။ဖေဖေါ်ဝါရီ ၆ ရက်၊တနင်္လာနေ့အစောပိုင်းတွင် တူရကီတောင်ပိုင်းနှင့်ဆီးရီးယား မြောက်ပိုင်းတွင် ဖြစ်သွားသော အင်အား၇.၈မဂ္ဂနီကျူ့ရှိသည့် မြေငလျင်ကြီးသည် လူသားအပါဝင် လူသားတို့၏ အိုးအိမ်ဆောက်အအုံအမြောက်အများကို အင်အားကြီးကြီး ဖျက်ဆီးသွားခဲ့ပြန်ပါပြီ။တူရကီဘက်မှာပင် အဆောက်အအုံ ၅,၇၀၀ ကျော် ပျက်ဆီးခဲ့ကြောင်းသိရသည်။သေဆုံးသူများသည်လည်း လက်ရှိကြာသပတေး နေ့အချိန်ထိ ၁၅,၀၀၀ ဝန်းကျင်ထိရှိခဲ့ပြီဖြစ်ကြောင်းသိရသည်။

အဆောက်အအုံများ ပြိုကျမှုတွင် ဒဏ်ရရသူနှင့် မသေဘဲ ပိတ်မိနေသူတို့မှာလည်း ကယ်ဆယ်ရခက်ခဲခြင်း တို့ကြောင့်လည်း ရက်ကြာလာလျှင် မတွေးဝံ့စရာ ကိစ္စတို့ဖြစ်သွားနိုင်ပါသည်။

ဒီဖြစ်စဉ်မှ ကြေကွဲမှုပုံရိပ်တို့သည်လည်း တွေ့မြင်ရသည့်ကျွန်တော့်ရင်ကို အလွန်ပင်ထိခိုက် ကြေကွဲရပါသည်။ ဆီးရီးယားနိုင်ငံဘက်မှာတော့ အပျက်အစီးကြားတွင် တစ်ရက်ခွဲကြာပိတ်မိနေသည့် ကလေးငယ်နှစ်ယောက် အဖြစ်ကလည်း ထိတ်လန့်ရွံ့ကြောက်မှုတွေကြာထဲကနေ အစ်မဖြစ်သူက သူ့မောင်ငယ်လေးကို ဖက်ထားပြီး “သူတို့ကို ဒီအပျက်အစီးတွေထဲက ထုတ်ပေးရင် ဘာမဆိုလုပ်ပေးပါ့မယ်” ဆိုပြီး ကယ်ဆယ်သူတွေကို အားကိုးတကြီး တောင်းဆိုနေသည်ကိုတွေ့ရတော့ ရင်မှာထိခိုက်လှပါသည်။

တူရကီဘက်မှာလည်း အပျက်အစီးများ၏အောက်တွင် သေနေပြီဖြစ်သည့် သမီး၏လက်ကလေးကိုကိုင်ကာ ကြေကွဲနေရရှာသည့် ဖခင်တစ်ဦး၏ ပုံရိပ်ကလည်း ရင်မှာနင့်ကနဲဖြစ်ရပါသည်။

ထို့အတူ အဆောက်အအုံ အပျက်အစီးများ၏အောက်တွင် လာကယ်မည့်သူကို မျှော်လင့်တကြီး ဆက်လက် စောင့်နေသူများလည်း ရှိနေပါလိမ့်ဦးမည်။

မစောင့်နိုင်လို့(သို့မဟုတ်)စောင့်လို့မဖြစ်လောက်အောင် ပြင်းထန်သည့် ဝေဒနာများကြောင့်လည်း ဇီဝိန်ချုပ်သွားကြသူများလည်း ရှိနေပါလိမ့်ဦးမည်။

သဘာဝဘေးဒဏ်ကြောင့် ကြုံတွေ့ကြရသည့် ဖြစ်ရပ်ဆိုးများကိုတော့ ကျွန်တော်တို့ရှောင်လွှဲခြင်းငှာ မတတ်နိုင်ကြပါ။ သို့ပါသော်လည်း လူတို့ပယောဂ မကင်းသည့် လုပ်ရပ်များကြောင့် ဖြစ်ပေါ်လာသည့် ပုံရိပ်ဆိုးများကိုတော့ ဖြစ်နိုင်လျှင် ကမ္ဘာမြေကြီးမှာ ရှိမလာစေဖို့ ဆုတောင်းလိုက်ရပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

Credit to Photo  - CNN

ဇော်ပိုင်ဦး (မြန်မာပြည်သား) ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

“ျမင္ေတြ႔မိ မခ်ိရင္ထဲ စာနာဆဲပါ”

အရုပ္ဆိုးအက်ည္းတန္သည့္ ျမင္ကြင္းမ်ားက ကမၻာအႏွံ႔ေတြ႔ေနရသည္။

ဒီကမၻာမွာ အခုရက္ပိုင္းအတြင္း အင္မတန္မွ ထိတ္လန္႔ေၾကာက္ရြံ႕ဖြယ္ရာ အနိ႒ာရုံတို႔ ျဖစ္သြားခဲ့ျခင္းပင္ ျဖစ္သည္။

ကၽြန္ေတာ္တို႔ လူသားေတြက အလြန္ကို ခိုင္မာတည္ျမဲသည္ဟု ထင္ထားသည့္ ကမၻာေျမႀကီးက မတည္ျမဲသည့္ လုပ္ရပ္တို႔ကို လုပ္ျပသြားခဲ့သည္။

လူတို႔၏ ပေယာဂေၾကာင့္ျဖစ္သည့္ စစ္တလင္းျပင္တို႔သည္လည္း ကမၻာေျမတည္ၿငိမ္မႈပ်က္ျပားေစသလို ကမၻာေျမႀကီးကိုယ္တိုင္ကလည္း မတည္ၿငိမ္ျခင္းေၾကာင့္ လူသားအသိုက္ၿမဳံအမ်ားအျပား ပ်က္စီးခဲ့ၾကျပန္သည္။

လူ႔သက္တမ္းႏွစ္တစ္ရာအတြင္း တစ္ေကြ႔မဟုတ္တစ္ေကြ႔ေတာ့ျဖင့္ ဒီျဖစ္ရပ္ဆိုးမ်ား ထိပ္တိုက္တိုးၾကရပါမည္။ ေနာက္မ်ိဳးဆက္တို႔လည္း သူတို႔သက္တမ္းအတြင္း ဘယ္ႏွစ္ႀကိမ္ ႀကဳံေတြ႔ၾကဦးမည္နည္း။ကၽြန္ေတာ္ျဖတ္သန္း ရသည့္ ႏွစ္ငါးဆယ္ေက်ာ္အတြင္းမွာပင္ ျပည္တြင္းႏွင့္ကမၻာမွာပါ ထင္ရွားသည့္ျဖစ္ရပ္ဆိုးမ်ား မမွတ္မိေလာက္ ေအာင္ ျဖစ္ခဲ့ၿပီးပါၿပီ။

ယခုလည္း လာျပန္ပါၿပီ။ေဖေဖၚဝါရီ ၆ ရက္၊တနလၤာေန႔အေစာပိုင္းတြင္ တူရကီေတာင္ပိုင္းႏွင့္ဆီးရီးယား ေျမာက္ပိုင္းတြင္ ျဖစ္သြားေသာ အင္အား၇.၈မဂၢနီက်ဴ႕ရွိသည့္ ေျမငလ်င္ႀကီးသည္ လူသားအပါဝင္ လူသားတို႔၏ အိုးအိမ္ေဆာက္အအုံအေျမာက္အမ်ားကို အင္အားႀကီးႀကီး ဖ်က္ဆီးသြားခဲ့ျပန္ပါၿပီ။တူရကီဘက္မွာပင္ အေဆာက္အအုံ ၅,၇၀၀ ေက်ာ္ ပ်က္ဆီးခဲ့ေၾကာင္းသိရသည္။ေသဆုံးသူမ်ားသည္လည္း လက္ရွိၾကာသပေတး ေန႔အခ်ိန္ထိ ၁၅,၀၀၀ ဝန္းက်င္ထိရွိခဲ့ၿပီျဖစ္ေၾကာင္းသိရသည္။

အေဆာက္အအုံမ်ား ၿပိဳက်မႈတြင္ ဒဏ္ရရသူႏွင့္ မေသဘဲ ပိတ္မိေနသူတို႔မွာလည္း ကယ္ဆယ္ရခက္ခဲျခင္း တို႔ေၾကာင့္လည္း ရက္ၾကာလာလွ်င္ မေတြးဝံ႔စရာ ကိစၥတို႔ျဖစ္သြားႏိုင္ပါသည္။

ဒီျဖစ္စဥ္မွ ေၾကကြဲမႈပုံရိပ္တို႔သည္လည္း ေတြ႔ျမင္ရသည့္ကၽြန္ေတာ့္ရင္ကို အလြန္ပင္ထိခိုက္ ေၾကကြဲရပါသည္။ ဆီးရီးယားႏိုင္ငံဘက္မွာေတာ့ အပ်က္အစီးၾကားတြင္ တစ္ရက္ခြဲၾကာပိတ္မိေနသည့္ ကေလးငယ္ႏွစ္ေယာက္ အျဖစ္ကလည္း ထိတ္လန္႔ရြံ႕ေၾကာက္မႈေတြၾကာထဲကေန အစ္မျဖစ္သူက သူ႔ေမာင္ငယ္ေလးကို ဖက္ထားၿပီး “သူတို႔ကို ဒီအပ်က္အစီးေတြထဲက ထုတ္ေပးရင္ ဘာမဆိုလုပ္ေပးပါ့မယ္” ဆိုၿပီး ကယ္ဆယ္သူေတြကို အားကိုးတႀကီး ေတာင္းဆိုေနသည္ကိုေတြ႔ရေတာ့ ရင္မွာထိခိုက္လွပါသည္။

တူရကီဘက္မွာလည္း အပ်က္အစီးမ်ား၏ေအာက္တြင္ ေသေနၿပီျဖစ္သည့္ သမီး၏လက္ကေလးကိုကိုင္ကာ ေၾကကြဲေနရရွာသည့္ ဖခင္တစ္ဦး၏ ပုံရိပ္ကလည္း ရင္မွာနင့္ကနဲျဖစ္ရပါသည္။

ထို႔အတူ အေဆာက္အအုံ အပ်က္အစီးမ်ား၏ေအာက္တြင္ လာကယ္မည့္သူကို ေမွ်ာ္လင့္တႀကီး ဆက္လက္ ေစာင့္ေနသူမ်ားလည္း ရွိေနပါလိမ့္ဦးမည္။

မေစာင့္ႏိုင္လို႔(သို႔မဟုတ္)ေစာင့္လို႔မျဖစ္ေလာက္ေအာင္ ျပင္းထန္သည့္ ေဝဒနာမ်ားေၾကာင့္လည္း ဇီဝိန္ခ်ဳပ္သြားၾကသူမ်ားလည္း ရွိေနပါလိမ့္ဦးမည္။

သဘာဝေဘးဒဏ္ေၾကာင့္ ႀကဳံေတြ႔ၾကရသည့္ ျဖစ္ရပ္ဆိုးမ်ားကိုေတာ့ ကၽြန္ေတာ္တို႔ေရွာင္လႊဲျခင္းငွာ မတတ္ႏိုင္ၾကပါ။ သို႔ပါေသာ္လည္း လူတို႔ပေယာဂ မကင္းသည့္ လုပ္ရပ္မ်ားေၾကာင့္ ျဖစ္ေပၚလာသည့္ ပုံရိပ္ဆိုးမ်ားကိုေတာ့ ျဖစ္ႏိုင္လွ်င္ ကမၻာေျမႀကီးမွာ ရွိမလာေစဖို႔ ဆုေတာင္းလိုက္ရပါသည္။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767  သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

Credit to Photo  - CNN

ေဇာ္ပိုင္ဦး (ျမန္မာျပည္သား) ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com