လှည်းဝင်ရိုးသံ တညံညံ၏ မိုးကောင်းကင်

[Unicode]

[မှတ်ချက်။ အီတလီ စာရေးဆရာမ အဲလစ် ဘီယန်ချီနီ (Alice Bianchi) ရေးသားသော There's no better way to appreciate Burmese temples than on a hot-air balloon ride ဆောင်းပါးကို ဆီလျော်အောင် မြန်မာပြန်ဆိုပါသည်]

• ဧရာဝတီမြစ် အရှေ့ဘက်ကမ်းတွင် တည်ရှိပြီး စေတီပုထိုးပေါင်း ၂၀၀၀ ကျော်ရှိ

• ၁၁ ရာစုမှ ၁၃ ရာစုအကြားဆောက်လုပ်ခဲ့ခြင်းဖြစ်

• ပုဂံတွင် ကမ္ဘာလှည့်ခရီးသည်များ လည်ပတ်နေသည်ကို Daily Mail သတင်းဌာနမှ Alice Bianchi က တွေ့မြင်ခဲ့

ကျွန်မတို့ မီးပုံးပျံကို လေဟုန်အတိုင်း တိတ်ဆိတ်စွာ စုန်ခဲ့ကြသည်။

မိုးကုတ်စက်ဝိုင်းဆီတွင်ကား ရှက်ရွံ့ရွံ့နေမင်းသည် မြင့်တက်လာနေပြီး ကောင်းကင်တစ်ခုလုံးမှာ ပန်းသွေးဖျော့ ရောင်သမ်းနေ၏။

ကျွန်မတို့ မီးပုံးပျံအောက်တွင်ကား မြန်မာပြည်၏ မြေပြင်မှာ ကော်ဇောတစ်ချပ် ဖြန့်ခင်းထားသည့်သဖွယ်ပင်။

ကျေးလက်ဒေသ ကျေးရွာလေးများ၏ ရှုခင်းများ ယှက်ဖောက်ထားရာ သက်ကယ်မိုး တဲကလေးများ၊ အစာရှာနေသော ကြက်ကလေးများတွေ့ရကာ မိန်းကလေးများမှာ ကျွန်ုပ်တို့၏ မီးပုံးပျံကို ဝှေ့ယမ်းလက်ပြနေ ကြ၏။

ကျွန်မတို့၏ မီးပုံးပျံမှာ မန်ကျည်းပင်များနှင့် စေတီပုထိုးများပေါ် ဖြတ်သန်းလာခဲ့ကြသည်။ မန်ကျည်းပင်များနှင့် စေတီများမှာ သန္တာရောင် နေမင်းကို နောက်ခံပြုလျက် အရိပ်မည်းမည်းသဏ္ဍာန်များအဖြစ် တွေ့ရသည်။

အဝေးဆီတွင်ကား ပုဂံရှေးဟောင်းမြို့တော် ရှိ၏။

မြန်မာပြည်တွင် နေထိုင်လျက်ရှိသော ဗြိတိန်နိုင်ငံသူ အေမီက ကျွန်မကို ဤသို့ တိုက်တွန်းခဲ့သည်။

“ဒီဘုရားကျောင်းကန်တွေကို ဖူးမျှော်ဖို့ အကောင်းဆုံးနည်းလမ်းက ကောင်းကင်ကနေသွားကြည့်ပါ” ဟု သူက တိုက်တွန်း၏။

(တိတ်ဆိတ်သော မီးပုံးပျံခရီးစဉ်- ပုဂံဘုရားပေါင်း ၂၂၀၀ ကျော်ကို မီးပုံးပျံဖြင့် ဖူးမျှော်သူများမှာ ကျေးလက်ဒေသရှုခင်းများ၏ ကောင်းကင်မြင်ကွင်းကိုပါ ရှုမြင်ရမည် ဖြစ်သည်။)

အေမီ၏ အကြံပြုချက်မှာ သွေးထွက်အောင်မှန်ကန်ပါသည်။

ဧရာဝတီမြစ်၏ အရှေ့ဘက်ကမ်း စတုရန်းမိုင် ၄၀ လွင်ပြင်တွင် ၁၁ ရာစုမှ ၁၃ ရာစုအတွင်း စေတီပုထိုးပေါင်း ၁၀၀၀၀ ခန့် ဆောက်လုပ်ခဲ့သည့်အနက် ၂၂၀၀ ခန့်သာ ကျန်ရစ်တော့သည်။

ကြီးကျယ်ခမ်းနားမှုသည်ကား ကမ္ဘောဒီးယားမှ အန်ကောဝပ်ကျောင်းတော်ဝန်းနှင့် အလားတူပင်။

ကျွန်မတို့ မီးပုံးပျံကို မောင်းနှင်သူက လီဗာတစ်ခုကို နှိပ်လိုက်ရာ မီးပုံးပျံထဲသို့ ဓာတ်ငွေ့များ ပိုဝင်လာသည်။

မီးပုံးပျံမှာ အမြင့်ဆီသို့ ပိုတက်သွားရာ ကျွန်မအမျိုးသား တိုဘီက ကျွန်မ မကြောက်စေရန် ခါးကို လာဖက်ပေးထား၏။

“ကျွန်မတို့ ဘယ်နားမှာ ဆင်းကြမှာလဲ” ဟု ကျွန်မ မေးလိုက်၏။

“မပြောတတ်သေးပါဘူးခင်ဗျ။ ဒီလိုမသိတာလည်း စွန့်စားမှုရဲ့ တစိတ်တပိုင်းပါပဲ”ဟု ကျွန်မတို့၏ မီးပုံးပျံကို မောင်းနှင်သူက ဖြေသည်။

ကျွန်မတို့ မီးပုံးပျံဆင်းသက်မှုမှာ အနည်းငယ်ကြမ်းတမ်းပါသည်။ သို့သော် ရှန်ပိန်ခွက်ဖြင့် ရှန်ပိန် တည်ခင်းဧည့်ခံသောကြောင့် မီးပုံးပျံ၏ ကြမ်းတမ်းမှုကို ခွင့်လွှတ်လိုက်ပါသည်။

(အဲလစ်သည် ရန်ကုန်မြို့၊ တော်ဝင်လမ်း၊ သံရုံးရပ်ကွက်တွင် တည်ရှိသော ကြာကန်များအလယ်မှ Belmond Governor’s Residence တွင် တည်းခိုခဲ့သည်)

Air Mandalay လေကြောင်းလိုင်းဖြင့် ရန်ကုန်မြို့သို့ ပြန်လည်ရောက်ရှိခဲ့သည်။ ရန်ကုန်မြို့၏ အကြီးဆုံးဆွဲဆောင်မှုမှာ ရွှေတိဂုံဘုရား ဖြစ်ပါသည်။

ရန်ကုန်၏ အီဖဲမျှော်စင်ဟု တင်စားကြသော ရွှေတိဂုံဘုရားသည် ရန်ကုန်၏ ကောင်းကင်မြင်ကွင်းကို လွှမ်းမိုးထားသည်။

ကျွန်မတို့သည် ရန်ကုန်မြို့တွင် ကိုလိုနီခေတ်လက်ရာ Belmond Governor’s Residence တွင် တည်းခိုခဲ့ကြပါသည်။

ကြာကန်များအလယ်တွင် တည်ရှိပြီး ကုန်လွန်သွားသော ခေတ်တစ်ခုကို ပြန်ပြောင်းသတိရစေသည်။

ညနေခင်းတွင် မြက်ခင်းများပေါ် ခင်းကျင်းထားသော ကျွန်းကုလားထိုင်များတွင်ထိုင်ရင်း ဒေါ်အောင်ဆန်းစုကြည်၏ အတ္ထုပ္ပတ္တိ ရုပ်ရှင်တစ်ခုဖြစ်သော The Lady ဇာတ်ကားကို ကြည့်ရှုခဲ့ကြပါသည်။

ကြယ်စုံလင်သော မိုးကောင်းကင်အောက်တွင် အုန်းမှုတ်ခွံများဖြင့် ကော့တေးများ ဧည့်ခံပြီး ငှက်ပျောရွက် ကတော့များဖြင့် ပြောင်းဖူးပေါက်ပေါက်များ ကျွေးမွေးသည်။ ယင်းကား ကမ္ဘာပေါ်တွင် အကောင်းဆုံး ရုပ်ရှင်ရုံပင်တည်း။

(ခရီးသွားအချက်အလက်များ)

ဗြိတိန်နိုင်ငံသားများအတွက် TransIndus (transindus.co.uk) က မြန်မာပြည်သို့ ၁၁ ရက်ခရီးစဉ်ကို ပေါင် ၃၉၅၀ ဖြင့် ခရီးစဉ်စီစဉ်ပေးပြီး အပြန်လေကြောင်းခရီးစဉ်များ၊ ၉ ညတာ အိပ်စက်စရာနှင့် မနက်စာ၊ ပုဂံတွင် မီးပုံးပျံစီးခြင်း၊ ပြည်တွင်း ခရီးသွားခြင်းနှင့် ဧည့်လမ်းညွှန်ဝန်ဆောင်မှုတို့ ပါဝင်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Soaring above a pagoda paradise: There's no better way to appreciate Burmese temples than on a hot-air balloon ride (dailymail)

[Zawgyi]

လွည္းဝင္ရိုးသံ တညံညံ၏ မိုးေကာင္းကင္

[မွတ္ခ်က္။ အီတလီ စာေရးဆရာမ အဲလစ္ ဘီယန္ခ်ီနီ (Alice Bianchi) ေရးသားေသာ There's no better way to appreciate Burmese temples than on a hot-air balloon ride ေဆာင္းပါးကို ဆီေလ်ာ္ေအာင္ ျမန္မာျပန္ဆိုပါသည္]

• ဧရာဝတီျမစ္ အေရွ႕ဘက္ကမ္းတြင္ တည္ရွိျပီး ေစတီပုထိုးေပါင္း ၂၀၀၀ ေက်ာ္ရွိ

• ၁၁ ရာစုမွ ၁၃ ရာစုအၾကားေဆာက္လုပ္ခဲ့ျခင္းျဖစ္

• ပုဂံတြင္ ကမၻာလွည့္ခရီးသည္မ်ား လည္ပတ္ေနသည္ကို Daily Mail သတင္းဌာနမွ Alice Bianchi က ေတြ႔ျမင္ခဲ့

ကၽြန္မတို႔ မီးပံုးပ်ံကို ေလဟုန္အတိုင္း တိတ္ဆိတ္စြာ စုန္ခဲ့ၾကသည္။

မိုးကုတ္စက္ဝုိင္းဆီတြင္ကား ရွက္ရြံ႕ရြံ႕ေနမင္းသည္ ျမင့္တက္လာေနျပီး ေကာင္းကင္တစ္ခုလံုးမွာ ပန္းေသြးေဖ်ာ့ ေရာင္သမ္းေန၏။

ကၽြန္မတို႔ မီးပံုးပ်ံေအာက္တြင္ကား ျမန္မာျပည္၏ ေျမျပင္မွာ ေကာ္ေဇာတစ္ခ်ပ္ ျဖန္႔ခင္းထားသည့္သဖြယ္ပင္။

ေက်းလက္ေဒသ ေက်းရြာေလးမ်ား၏ ရႈခင္းမ်ား ယွက္ေဖာက္ထားရာ သက္ကယ္မိုး တဲကေလးမ်ား၊ အစာရွာေနေသာ ၾကက္ကေလးမ်ားေတြ႔ရကာ မိန္းကေလးမ်ားမွာ ကၽြႏု္ပ္တို႔၏ မီးပံုးပ်ံကို ေဝွ႔ယမ္းလက္ျပေန ၾက၏။

ကၽြန္မတို႔၏ မီးပံုးပ်ံမွာ မန္က်ည္းပင္မ်ားႏွင့္ ေစတီပုထိုးမ်ားေပၚ ျဖတ္သန္းလာခဲ့ၾကသည္။ မန္က်ည္းပင္မ်ားႏွင့္ ေစတီမ်ားမွာ သႏၱာေရာင္ ေနမင္းကို ေနာက္ခံျပဳလ်က္ အရိပ္မည္းမည္းသ႑ာန္မ်ားအျဖစ္ ေတြ႔ရသည္။

အေဝးဆီတြင္ကား ပုဂံေရွးေဟာင္းျမိဳ႕ေတာ္ ရွိ၏။

ျမန္မာျပည္တြင္ ေနထုိင္လ်က္ရွိေသာ ျဗိတိန္ႏိုင္ငံသူ ေအမီက ကၽြန္မကို ဤသို႔ တိုက္တြန္းခဲ့သည္။

“ဒီဘုရားေက်ာင္းကန္ေတြကို ဖူးေမွ်ာ္ဖို႔ အေကာင္းဆံုးနည္းလမ္းက ေကာင္းကင္ကေနသြားၾကည့္ပါ” ဟု သူက တိုက္တြန္း၏။

(တိတ္ဆိတ္ေသာ မီးပံုးပ်ံခရီးစဥ္- ပုဂံဘုရားေပါင္း ၂၂၀၀ ေက်ာ္ကို မီးပံုးပ်ံျဖင့္ ဖူးေမွ်ာ္သူမ်ားမွာ ေက်းလက္ေဒသရႈခင္းမ်ား၏ ေကာင္းကင္ျမင္ကြင္းကိုပါ ရႈျမင္ရမည္ ျဖစ္သည္။)

ေအမီ၏ အၾကံျပဳခ်က္မွာ ေသြးထြက္ေအာင္မွန္ကန္ပါသည္။

ဧရာဝတီျမစ္၏ အေရွ႕ဘက္ကမ္း စတုရန္းမိုင္ ၄၀ လြင္ျပင္တြင္ ၁၁ ရာစုမွ ၁၃ ရာစုအတြင္း ေစတီပုထိုးေပါင္း ၁၀၀၀၀ ခန္႔ ေဆာက္လုပ္ခဲ့သည့္အနက္ ၂၂၀၀ ခန္႔သာ က်န္ရစ္ေတာ့သည္။

ၾကီးက်ယ္ခမ္းနားမႈသည္ကား ကေမၻာဒီးယားမွ အန္ေကာဝပ္ေက်ာင္းေတာ္ဝန္းႏွင့္ အလားတူပင္။

ကၽြန္မတို႔ မီးပံုးပ်ံကို ေမာင္းႏွင္သူက လီဗာတစ္ခုကို ႏွိပ္လိုက္ရာ မီးပံုးပ်ံထဲသို႔ ဓာတ္ေငြ႔မ်ား ပိုဝင္လာသည္။

မီးပံုးပ်ံမွာ အျမင့္ဆီသို႔ ပိုတက္သြားရာ ကၽြန္မအမ်ဳိးသား တိုဘီက ကၽြန္မ မေၾကာက္ေစရန္ ခါးကို လာဖက္ေပးထား၏။

“ကၽြန္မတို႔ ဘယ္နားမွာ ဆင္းၾကမွာလဲ” ဟု ကၽြန္မ ေမးလိုက္၏။

“မေျပာတတ္ေသးပါဘူးခင္ဗ်။ ဒီလိုမသိတာလည္း စြန္႔စားမႈရဲ႕ တစိတ္တပိုင္းပါပဲ”ဟု ကၽြန္မတို႔၏ မီးပံုးပ်ံကို ေမာင္းႏွင္သူက ေျဖသည္။

ကၽြန္မတို႔ မီးပံုးပ်ံဆင္းသက္မႈမွာ အနည္းငယ္ၾကမ္းတမ္းပါသည္။ သို႔ေသာ္ ရွန္ပိန္ခြက္ျဖင့္ ရွန္ပိန္ တည္ခင္းဧည့္ခံေသာေၾကာင့္ မီးပံုးပ်ံ၏ ၾကမ္းတမ္းမႈကို ခြင့္လႊတ္လိုက္ပါသည္။

(အဲလစ္သည္ ရန္ကုန္ျမိဳ႕၊ ေတာ္ဝင္လမ္း၊ သံရံုးရပ္ကြက္တြင္ တည္ရွိေသာ ၾကာကန္မ်ားအလယ္မွ Belmond Governor’s Residence တြင္ တည္းခိုခဲ့သည္)

Air Mandalay ေလေၾကာင္းလိုင္းျဖင့္ ရန္ကုန္ျမိဳ႕သို႔ ျပန္လည္ေရာက္ရွိခဲ့သည္။ ရန္ကုန္ျမိဳ႕၏ အၾကီးဆံုးဆြဲေဆာင္မႈမွာ ေရႊတိဂံုဘုရား ျဖစ္ပါသည္။

ရန္ကုန္၏ အီဖဲေမွ်ာ္စင္ဟု တင္စားၾကေသာ ေရႊတိဂံုဘုရားသည္ ရန္ကုန္၏ ေကာင္းကင္ျမင္ကြင္းကို လႊမ္းမိုးထားသည္။

ကၽြန္မတို႔သည္ ရန္ကုန္ျမိဳ႕တြင္ ကိုလိုနီေခတ္လက္ရာ Belmond Governor’s Residence တြင္ တည္းခိုခဲ့ၾကပါသည္။

ၾကာကန္မ်ားအလယ္တြင္ တည္ရွိျပီး ကုန္လြန္သြားေသာ ေခတ္တစ္ခုကို ျပန္ေျပာင္းသတိရေစသည္။

ညေနခင္းတြင္ ျမက္ခင္းမ်ားေပၚ ခင္းက်င္းထားေသာ ကၽြန္းကုလားထုိင္မ်ားတြင္ထိုင္ရင္း ေဒၚေအာင္ဆန္းစုၾကည္၏ အတၳဳပၸတၱိ ရုပ္ရွင္တစ္ခုျဖစ္ေသာ The Lady ဇာတ္ကားကို ၾကည့္ရႈခဲ့ၾကပါသည္။

ၾကယ္စံုလင္ေသာ မိုးေကာင္းကင္ေအာက္တြင္ အုန္းမႈတ္ခြံမ်ားျဖင့္ ေကာ့ေတးမ်ား ဧည့္ခံျပီး ငွက္ေပ်ာရြက္ ကေတာ့မ်ားျဖင့္ ေျပာင္းဖူးေပါက္ေပါက္မ်ား ေကၽြးေမြးသည္။ ယင္းကား ကမၻာေပၚတြင္ အေကာင္းဆံုး ရုပ္ရွင္ရံုပင္တည္း။

(ခရီးသြားအခ်က္အလက္မ်ား)

ျဗိတိန္ႏိုင္ငံသားမ်ားအတြက္ TransIndus (transindus.co.uk) က ျမန္မာျပည္သုိ႔ ၁၁ ရက္ခရီးစဥ္ကို ေပါင္ ၃၉၅၀ ျဖင့္ ခရီးစဥ္စီစဥ္ေပးျပီး အျပန္ေလေၾကာင္းခရီးစဥ္မ်ား၊ ၉ ညတာ အိပ္စက္စရာႏွင့္ မနက္စာ၊ ပုဂံတြင္ မီးပံုးပ်ံစီးျခင္း၊ ျပည္တြင္း ခရီးသြားျခင္းႏွင့္ ဧည့္လမ္းညႊန္ဝန္ေဆာင္မႈတို႔ ပါဝင္သည္။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767  သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Soaring above a pagoda paradise: There's no better way to appreciate Burmese temples than on a hot-air balloon ride (dailymail)