မရှိဒုက္ခ ၊ ရှိဒုက္ခ ၊ မသိဒုက္ခ

[Unicode]

ခန္ဓာကိုယ်ရဲ့ပါစကမီးက အလွန်ပဲတောက်လောင်အားကောင်းသည်။ ရှိခြင်း မရှိခြင်းသူနားမလည်။ သူနားလည်သည်က သူ့အချိန်ရောက်ရင် အချက်ပေးမည်။ပါစကမီးက အချက်ပေးလို့မှ လောင်စာမထည့်နိုင်ရင် ရှိတဲ့အရာတွေကို လောင်မြိုက်ပစ်ရမည်။ဒါကသူ့အလုပ်။

သူ့ကိစ္စ သူလုပ်တတ်တဲ့ ဝမ်းဗိုက်ကို ဂရုမထားပဲနေလိုက်တယ်ဆိုရင် နောက်ဆက်တွဲ ဝေဒနာတွေက လိုက်လာတတ်တယ်။သူ့အချိန်နဲ့ သူပေါ့။မမေ့မလျော့ သတိလေးတွေ ထားပါမှ။

မနက်ပိုင်း အစာတစ်ခုမှ မစားဘဲနေလိုက်မိရင် ခေါင်းတွေဟာ မကြည်မလင် ဖြစ်လာတတ်တယ်။ဒါက မနက်ပိုင်း အချိန်လေးအတွင်းမှာတင်ကို ဖြစ်လာတာ။လောင်မြိုက်စရာ အစာလိုလို့တောင်းတာကို ကော်ဖီပေးလိုက်ရင် ပိုတောင် အနေရအထိုင်ရခက်လောက်အောင် ခြေတုန်လက်တုန်တွေ ဖြစ်လာတတ်ပါတယ်။

ပါစကမီးရဲ့လောင်မြိုက်နိုင်စရာ အစာလေး အရင်ထည့်လိုက်မှ ရှေ့လာမယ့်အချိန်တွေကို အဆင်ပြေပြေ တည်တည်ငြိမ်ငြိမ်လေး ဖြတ်သန်းသွားနိုင်မှာပေါ့။

တချို့က ပါစကမီးအတွက် စားခြင်းသောက်ခြင်းအမှုကို ဂရုစိုက်ချင့်ချိန်တတ်ကြတယ်။အချို့ကြတော့လည်း မလောင်မမြိုက်နိုင်အောင် တနင့်တပိုးထိုးထည့်ကြတယ်။ခန္ဓာကိုယ်နဲ့ သင့်၏မသင့်၏ မစဉ်းစားဘဲ တရားလက်လွတ် လုပ်တတ်တဲ့အတွက် နောက်ဆက်တွဲဆိုးကျိုးတွေ တန်းစီပါလာတတ်ပါရောလား။

ရှိတဲ့သူတွေမှာ လျှာအလိုလေးကို တစိမ့်စိမ့်လိုက်လိုက်ဖြည့်ပေးတတ်တာကြောင့် အဆီအိမ့်တို့တက်ပြီး လူဟာလူနဲ့ မတူအောင် ဖြစ်လာတတ်တယ်။

ဘယ်လောက်ချက်အားကောင်းတဲ့ ပါစကဝမ်းမီးတွေ ကိုယ့်ကိုယ်လောင်မြိုက်နေစေဦးတော့ မရှိတဲ့သူများကတော့ စားချင်ပေမယ့်လည်း နှစ်နပ်ပေါင်းစားရတာနဲ့။နှစ်ရက်ပေါင်းစားရတာနဲ့။ချည့်နဲ့နဲ့ အနေအထားတွေကို တွေ့ခဲ့ရတယ်။

အရိုးမပါတဲ့ အကြောနှစ်ခုရဲ့ အလိုကို မလိုက်နဲ့လို့ ဆရာတော်ကြီးတစ်ပါးက မိန့်ခဲ့ဘူးပါတယ်။ အလိုလိုက်တာရယ် အလိုကို လိုသလောက်တောင် ဖြည့်ဆည်းမပေးနိုင်တာကြောင့် လူတွေဟာ လူရုပ်မပေါ်အောင်ဖြစ်လာတတ်တယ်။ ဒါတွေဟာ မရှိဒုက္ခ ရှိဒုက္ခလို့ ပြောရမယ်ထင်တယ်။

ဝမ်းမီးအပူဟာ အခြားအပူတွေထက် လက်တွေ့မှာ ဆိုးလှပါတယ်။ကောင်းတဲ့အသိစိတ်တွေ နည်းပါးသွားပြီ ဖြစ်တဲ့ အရူးလိုလူတစ်ချို့တောင် ဝမ်းမီးအပူကို ပြေစေဖို့ ရှာဖွေစားသောက်ကြရပါတယ်။ ပေးကမ်းသူရှိလို့ စားရသလို။ ပေးကမ်းလှူဒါန်းသူမရှိတော့လည်း အမှိုက်ပုံးကို လှန်လောပြီး အဆိုးအကောင်းမသိ စားလို့ရတယ်ထင်တဲ့ဟာကို မြိန်ရည်ယှက်ရည် စားတော့တာပါဘဲ။

ဒီလိုလူအတွက်ကတော့ မရှိဒုက္ခ၊ရှိဒုက္ခထက်၊ မသိဒုက္ခ ပိုဆိုးနေပါရောလား။သူ့အတွက်က မသိဒုက္ခတောင် ဟုတ်ပါ့မလား။အသိစိတ်လွတ်နေသူအတွက် ညစ်ပတ်နံစော်နေတဲ့ အမှိုက်ပုံထဲက စားကြွင်းစားကျန်ကိုရရင် နတ်သုဒ္ဓါလို့ ထင်နေရင် ဘယ်သို့ရှိပါ့။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

မိုးယံလင်းထင် ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

မရွိဒုကၡ ၊ ရွိဒုကၡ ၊ မသိဒုကၡ

ခႏၶာကိုယ္ရဲ႕ပါစကမီးက အလြန္ပဲေတာက္ေလာင္အားေကာင္းသည္။ ရွိျခင္း မရွိျခင္းသူနားမလည္။ သူနားလည္သည္က သူ႔အခ်ိန္ေရာက္ရင္ အခ်က္ေပးမည္။ပါစကမီးက အခ်က္ေပးလို႔မွ ေလာင္စာမထည့္ႏိုင္ရင္ ရွိတဲ့အရာေတြကို ေလာင္ၿမိဳက္ပစ္ရမည္။ဒါကသူ႔အလုပ္။

သူ႔ကိစၥ သူလုပ္တတ္တဲ့ ဝမ္းဗိုက္ကို ဂ႐ုမထားပဲေနလိုက္တယ္ဆိုရင္ ေနာက္ဆက္တြဲ ေဝဒနာေတြက လိုက္လာတတ္တယ္။သူ႔အခ်ိန္နဲ႔ သူေပါ့။မေမ့မေလ်ာ့ သတိေလးေတြ ထားပါမွ။

မနက္ပိုင္း အစာတစ္ခုမွ မစားဘဲေနလိုက္မိရင္ ေခါင္းေတြဟာ မၾကည္မလင္ ျဖစ္လာတတ္တယ္။ဒါက မနက္ပိုင္း အခ်ိန္ေလးအတြင္းမွာတင္ကို ျဖစ္လာတာ။ေလာင္ၿမိဳက္စရာ အစာလိုလို႔ေတာင္းတာကို ေကာ္ဖီေပးလိုက္ရင္ ပိုေတာင္ အေနရအထိုင္ရခက္ေလာက္ေအာင္ ေျခတုန္လက္တုန္ေတြ ျဖစ္လာတတ္ပါတယ္။

ပါစကမီးရဲ႕ေလာင္ၿမိဳက္ႏိုင္စရာ အစာေလး အရင္ထည့္လိုက္မွ ေရွ႕လာမယ့္အခ်ိန္ေတြကို အဆင္ေျပေျပ တည္တည္ၿငိမ္ၿငိမ္ေလး ျဖတ္သန္းသြားႏိုင္မွာေပါ့။

တခ်ိဳ႕က ပါစကမီးအတြက္ စားျခင္းေသာက္ျခင္းအမႈကို ဂ႐ုစိုက္ခ်င့္ခ်ိန္တတ္ၾကတယ္။အခ်ိဳ႕ၾကေတာ့လည္း မေလာင္မၿမိဳက္ႏိုင္ေအာင္ တနင့္တပိုးထိုးထည့္ၾကတယ္။ခႏၶာကိုယ္နဲ႔ သင့္၏မသင့္၏ မစဥ္းစားဘဲ တရားလက္လြတ္ လုပ္တတ္တ့ဲအတြက္ ေနာက္ဆက္တြဲဆိုးက်ိဳးေတြ တန္းစီပါလာတတ္ပါေရာလား။

ရွိတဲ့သူေတြမွာ လွ်ာအလိုေလးကို တစိမ့္စိမ့္လိုက္လိုက္ျဖည့္ေပးတတ္တာေၾကာင့္ အဆီအိမ့္တို႔တက္ၿပီး လူဟာလူနဲ႔ မတူေအာင္ ျဖစ္လာတတ္တယ္။

ဘယ္ေလာက္ခ်က္အားေကာင္းတဲ့ ပါစကဝမ္းမီးေတြ ကိုယ့္ကိုယ္ေလာင္ၿမိဳက္ေနေစဦးေတာ့ မရွိတဲ့သူမ်ားကေတာ့ စားခ်င္ေပမယ့္လည္း ႏွစ္နပ္ေပါင္းစားရတာနဲ႔။ႏွစ္ရက္ေပါင္းစားရတာနဲ႔။ခ်ည့္နဲ႔နဲ႔ အေနအထားေတြကို ေတြ႕ခဲ့ရတယ္။

အ႐ိုးမပါတဲ့ အေၾကာႏွစ္ခုရဲ႕ အလိုကို မလိုက္နဲ႔လို႔ ဆရာေတာ္ႀကီးတစ္ပါးက မိန္႔ခဲ့ဘူးပါတယ္။ အလိုလိုက္တာရယ္ အလိုကို လိုသေလာက္ေတာင္ ျဖည့္ဆည္းမေပးႏိုင္တာေၾကာင့္ လူေတြဟာ လူ႐ုပ္မေပၚေအာင္ျဖစ္လာတတ္တယ္။ ဒါေတြဟာ မရွိဒုကၡ ရွိဒုကၡလို႔ ေျပာရမယ္ထင္တယ္။

ဝမ္းမီးအပူဟာ အျခားအပူေတြထက္ လက္ေတြ႕မွာ ဆိုးလွပါတယ္။ေကာင္းတဲ့အသိစိတ္ေတြ နည္းပါးသြားၿပီ ျဖစ္တဲ့ အ႐ူးလိုလူတစ္ခ်ိဳ႕ေတာင္ ဝမ္းမီးအပူကို ေျပေစဖို႔ ရွာေဖြစားေသာက္ၾကရပါတယ္။ ေပးကမ္းသူရွိလို႔ စားရသလို။ ေပးကမ္းလွဴဒါန္းသူမရွိေတာ့လည္း အမႈိက္ပုံးကို လွန္ေလာၿပီး အဆိုးအေကာင္းမသိ စားလို႔ရတယ္ထင္တဲ့ဟာကို ၿမိန္ရည္ယွက္ရည္ စားေတာ့တာပါဘဲ။

ဒီလိုလူအတြက္ကေတာ့ မရွိဒုကၡ၊ရွိဒုကၡထက္၊ မသိဒုကၡ ပိုဆိုးေနပါေရာလား။သူ႔အတြက္က မသိဒုကၡေတာင္ ဟုတ္ပါ့မလား။အသိစိတ္လြတ္ေနသူအတြက္ ညစ္ပတ္နံေစာ္ေနတဲ့ အမိႈက္ပုံထဲက စားႂကြင္းစားက်န္ကိုရရင္ နတ္သုဒၶါလို႔ ထင္ေနရင္ ဘယ္သို႔ရွိပါ့။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767  သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

မိုးယံလင္းထင္ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com