သစ္စာထား မှားသော်လည်း

23 Dec 2022 1:43 pm တွင် တင်ခဲ့သည်

1566 ကြိမ် ကြည့်ရှု့ပြီး

ဗဟုသုတ | Posted by အေးမြတ်သူ

[Unicode]

စောင့်ထိန်းရခက်ခဲသည်ကိုမှ မြတ်နိုးစွာစောင့်ထိန်းချင်သည်က ကျွန်မရဲ့သစ္စာပါမောင်…။

ဟော့ဒီနေရလေးမှာ မောင်နှင့်အတူ ကြည်ဖြူမျှတ ထာဝရလို့ သစ္စာဆိုခဲ့ကြဖူးသည်…။

မမြင်နိုင်တဲ့ကံကြမ္မာ ဆိုတဲ့ အကြောင်းတရားတွေကြောင့် ချစ်ခြင်းမေတ္တာအပြည့်ရှိနေကြပေမယ့် မောင်နဲ့ ကျွန်မ ဝေးကွာဖို့များကြုံခဲ့ရင်…။..ပိုင်ဆိုင်မှုမရှိသေးတဲ့ ဘဝတွေအဖြစ်နဲ့လည်း..ရှိနေခဲ့သေးရင်…။ ဒီနေရာလေးမှာ တစ်နှစ်တစ်ခေါက် သစ္စာကိုပြန်တိုင်တည်ဖို့ ကတိပြုခဲ့ဖူးသည်။

မောင်ဘယ်ဆီရောက်နေခဲ့ပြီကို ကျွန်မ မသိနိုင်ခဲ့။စိမ်းရက်သူက သစ်စိမ်းချိုး ချိုးခဲ့လေပြီလား..။ ဒီလိုလည်း မဟုတ်တန်ကောင်းဖူးလို့ စိတ်မှာထင်မိသည်။

ဒါပေမဲ့..မောင့်အပေါ်ထားခဲ့တဲ့ ကျွန်မရဲ့သစ္စာအရရော..။မောင့်ကိုချစ်လျက်ပါဆိုတဲ့ သစ္စာအရရော..။ ငါးနှစ်သက်တမ်းအတွင်း သမုဒယ သစ္စာတိုင်တည်ရာ ဒီနေရာကို နှစ်တိုင်းကျွန်မရောက်ဖြစ်ခဲ့သည်…။

……………………………………

ယနေ့နံနက်စောစော အရှေ့ဘက်စောင်းတန်းမှ ကျွန်မတက်ခဲ့သည်။ဒီဇင်ဘာ၏ ပထမပတ်သည် အေးသင့်သလောက်အေးသော်လည်း လျှောက်လှမ်းတက်ရသည့် အကွာအဝေးသည် အခြားသောတက်လမ်းများထက် ရှည်သဖြင့် ချွေးစို့စို့ အနေအထားကို ခံစားရ၏။ ဘုရားကုန်းတော်ခါးလည်ရှိ ကားဖြတ်လမ်းကို ကျော်လိုက်ပြီး ဓာတ်လှေကားဖြင့်တက်ရန်အတွက် ဖိနပ်အပ်နှံရာဌာနတွင် ဖိနပ်ကိုအပ်ထားလိုက်သည်။

ဓာတ်လှေကားဖြင့်တက်လာပြီး ဘုရားရင်ပြင် ခြေချလိုက်ပြီဆိုသည်နှင့် ရင်၌အတန်ပင် ကြည်လင်အေးမြ သွား၏။ ဘယ်ဘက်အနည်းငယ်ချိုးကွေ့ပြီး သံသေပြဒါးသေဘုရားရှေ့၌ထိုင်၍ ရှိခိုးမှုကိုအရင်ဆုံး ပြုလိုက်သည်။

ဘုရားကို အာရုံပြုရှိခိုးလျက်နှင့်ပင် မောင့်အကြောင်း၊မောင့်ပုံရိပ်လွှာတို့က ရင်မှာ အသစ်တစ်ဖန် ဝင်ရောက်လာသေး၏။

သတိတရ အမှတ်ရစရာတို့တွင် ဤနေရာသည်လည်း တစ်ခုအပါအဝင်ပင်ဖြစ်သည်။ဂုဏ်တော်တွေကို ဘုရားကိုးဆူ တစ်ဆူကိုးပတ် ပုတီးစိပ်ရာတွင် တစ်ရက်တည်း အပြီးစိတ်ဖို့ အဓိဌာန်ပြုရာတစ်ခုအဖြစ် ယခုဘုရားသည်လည်း အပါအဝင်ဖြစ်ခဲ့သည်။

ထိုနေရာတွင် ဝတ်ပြုမှု ခဏလုပ်ပြီး ရွှေတိဂုံဘုရားကို လက်ယာရစ်ပတ်၏။ကျွန်မမွေးနေ့ထောင့် ဘုရားကို ချန်ထားခဲ့ပြီး မောင့်မွေးနေ့ တနင်္ဂနွေထောင့်ရှိဘုရားအား မောင့်အသက်နှင့်ထပ်တူ ရေစင်သွန်းဖြန်းကာ ပူဇော်လိုက်သည်။ဘုရား၊တရား၊သံဃာ ရတနာသုံးပါးကို ရည်ရွယ်၍ ဖယောင်းတိုင်သုံးတိုင်ကို မီးထွန်းညှိပူဇော်လိုက်၏။အမွှေးတိုင်နှစ်ထုပ်ယူလာရာ တစ်ထုပ်ဖောက်ပြီး အမွှေးနံ့သာထွန်းညှိပူဇော်လိုက်၏။ ပြီးမှ ဘုရားဝတ်ပြုဖို့ စင်္ကြန်ကြွေပြားရှိ သစ်သားအခင်းပေါ်တွင်ထိုင်ကာ မောင့်အတွက် ဆုတောင်းခြင်း၊ မေတ္တာပို့ခြင်းတွေကိုပြုလုပ်၏။

တိုင်တည်သစ္စာတို့ပြုပြီးကာမှ မောင်နဲ့ကျွန်မကို ဘယ်ကံကြမ္မာဆိုးက ကွေကွဲစေခဲ့လေသနည်း။မောင့်အနေနဲ့တော့မသိဘူး။

စောင့်ထိန်း ရခက်သည့် သစ္စာကို ကျွန်မကတော့ မြတ်မြတ်နိုးနိုးစောင့်ထိန်းခဲ့သည်။မောင်လည်း ကျွန်မနဲ့ တစ်သဘောတည်းရှိမည်ဟု ထင်ပါသည်။

……………………………………..

ကာလအတိုင်းအတာကို သတိရခြင်းဆိုတဲ့ အလွမ်းတွေနဲ့ ကျွန်မဖြတ်သန်းခဲ့ရသည်။ ပြန်ဆုံချိန်ရောက်တိုင်း သစ္စာပြုရာဤဌာနသို့ ကျွန်မမှန်မှန်လာခဲ့သည်။ဤရက်ရောက်တိုင်း မောင့်ရဲ့မွေးနေ့ထောင့်မှာ သူ့ကိုတွေ့ခဲ့ရသည်။

တိုက်ဆိုင်မှုတွေက တစ်ကြိမ်တည်းမဟုတ်။မောင်နဲ့ သစ္စာထားခဲ့သည့်ရက်မှ မောင်ပျောက်ဆုံးသွားသည့် ငါးနှစ်တိုင်အောင် သူ့ကို ဒီအချိန်တိုင်း ဒီနေရာမှာ တိုက်ဆိုင်စွာ ဆုံဖြစ်နေခဲ့သည်။

မောင်ပျောက်ဆုံးသွားပြီး ပထမတစ်နှစ်ကပေါ့..။မောင့်မွေးနံထောင့် ဘုရားမှာ ရေသပ္ပါယ်ပြီး ရှိခိုးရာနေရာကနေ ရှိခိုးပြီး ဘာဖြစ်နေလည်းမသိတဲ့မောင့်အတွက် ဆုတောင်းအမျှဝေမှုတွေလုပ်အပြီး မွေးနေ့ထောင့်ဘုရားကို ပြန်မော့အဖူးမှာ ရင်ခုံမှုတွေနဲ့ ဆက်ဆက်တုန်သွားခဲ့ရသည်။

ဗဟန်းရွှေဂုံတိုင် လုံးချင်းမြေကွက်အရောင်း

43,200 သိန်း (ကျပ်)

ဗဟန်း | ရန်ကုန်တိုင်းဒေသကြီး

အလုံမြို့နယ်ရှိ Paragon Residence Penthouse အရောင်း / Paragon Residence Penthouse for Sales Ahlone T

22,500 သိန်း (ကျပ်)

အလုံ | ရန်ကုန်တိုင်းဒေသကြီး

မရမ်းကုန်းမြို့နယ် (၉) မိုင် အေဝမ်းလမ်းမ မေးတင်မြေကွက် သီးသန့်ရောင်းမည်။

45,000 သိန်း (ကျပ်)

မရမ်းကုန်း | ရန်ကုန်တိုင်းဒေသကြီး

မောင်… မောင်မှမောင်ပါဟုစိတ်မှာထင်လိုက်မိသည်။ရေသပ္ပါယ်နေသည့် သူ့ကို နောက်ကျောဖက်က မြင်နေရသည်။မြင်ရသည့် ဟန်ပန်က မောင့်ကိုယ်ဟန် အနေအထား။ရင်ခုန်စွာနှင့် ထအရပ်လိုက်တွင် မိမိဘက် သူလှည့်လာသည်။

အို… အံ့ဩေခြင်းနှင့်အတူ စိတ်မကောင်းခြင်းတို့ ဝမ်းနည်းခြင်းတို့ကို တစ်ပြိုင်တည်းခံစားလိုက်ရသည်။ သူ့မျက်နှာက ဘယ်လိုအကြောင်းတွေကြောင့် ဒီလောက်တောင် ပျက်ဆီးနေရသနည်း။ချိုင်းတွင်လည်း ချိုင်းထောက်ပါသည်။ရွေလျားမှုကို တစ်ခုလုပ်တိုင်း ခက်ခဲပင်ပန်းစွာလုပ်နေရသည်ကိုတွေ့ရသည်။

သူ့ကိုကြည့်ပြီး စိတ်ထဲတွင် သံသယတို့လည်းဖြစ်ရသည်။မျက်ရည်တို့လည်း အလိုလိုဝေလာမိခဲ့သည်။ ရှိခိုးနေရာကနေ သူလုပ်သမျှကိုစောင့်ကြည့်နေခဲ့မိသည်။တစ်နှစ်မဟုတ် ခွဲခွာခြင်းအစပြုခဲ့သည်မှ ယခုထိတိုင်။

နှစ်တိုင်းနှစ်တိုင်း ဒီအချိန်ရောက်တိုင်း မောင်နဲ့ပြန်ဆုံတွေ့နိူးနှင့် သစ္စာကိုယ်စောင့်ထိန်းရင်း။သူသည်လည်း ဘယ်သူ့အတွက် ဘယ်အကြောင်းတွေကြောင့် ဒီနေရာ ဒီအချိန်တွေမှာ တိုက်ဆိုင်စွာလာဆုံနေခဲ့ပါသလဲ…။

ဒီလို ဘာမှန်းမသိနိုင်သည့် သစ္စာတရားအပေါ် မြတ်နိုးစွာထားခဲ့တာကို မှားတယ်လိုပြောရင်တောင် ကျွန်မလေ ဒီမှားတဲ့သစ္စာကို ကျွန်မဆက်ပြီးစောင့်ထိန်းနေဦးမှာပါပဲလေ…။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ခွန်နောင်လွင်ထူး ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

သစၥာထား မွားေသာ္လည္း

ေစာင့္ထိန္းရခက္ခဲသည္ကိုမွ ျမတ္ႏိုးစြာေစာင့္ထိန္းခ်င္သည္က ကၽြန္မရဲ႕သစၥာပါေမာင္…။

ေဟာ့ဒီေနရေလးမွာ ေမာင္ႏွင့္အတူ ၾကည္ျဖဴမွ်တ ထာဝရလို႔ သစၥာဆိုခဲ့ၾကဖူးသည္…။

မျမင္ႏိုင္တဲ့ကံၾကမၼာ ဆိုတဲ့ အေၾကာင္းတရားေတြေၾကာင့္ ခ်စ္ျခင္းေမတၱာအျပည့္ရွိေနၾကေပမယ့္ ေမာင္နဲ႔ ကၽြန္မ ေဝးကြာဖို႔မ်ားၾကဳံခဲ့ရင္…။..ပိုင္ဆိုင္မႈမရွိေသးတဲ့ ဘဝေတြအျဖစ္နဲ႔လည္း..ရွိေနခဲ့ေသးရင္…။ ဒီေနရာေလးမွာ တစ္ႏွစ္တစ္ေခါက္ သစၥာကိုျပန္တိုင္တည္ဖို႔ ကတိျပဳခဲ့ဖူးသည္။

ေမာင္ဘယ္ဆီေရာက္ေနခဲ့ၿပီကို ကၽြန္မ မသိႏိုင္ခဲ့။စိမ္းရက္သူက သစ္စိမ္းခ်ိဳး ခ်ိဳးခဲ့ေလၿပီလား..။ဒီလိုလည္း မဟုတ္တန္ေကာင္းဖူးလို႔ စိတ္မွာထင္မိသည္။

ဒါေပမဲ့..ေမာင့္အေပၚထားခဲ့တဲ့ ကၽြန္မရဲ႕သစၥာအရေရာ..။ေမာင့္ကိုခ်စ္လ်က္ပါဆိုတဲ့ သစၥာအရေရာ..။ ငါးႏွစ္သက္တမ္းအတြင္း သမုဒယ သစၥာတိုင္တည္ရာ ဒီေနရာကို ႏွစ္တိုင္းကၽြန္မေရာက္ျဖစ္ခဲ့သည္…။

……………………………………

ယေန႔နံနက္ေစာေစာ အေရွ႕ဘက္ေစာင္းတန္းမွ ကၽြန္မတက္ခဲ့သည္။ဒီဇင္ဘာ၏ ပထမပတ္သည္ ေအးသင့္သေလာက္ေအးေသာ္လည္း ေလွ်ာက္လွမ္းတက္ရသည့္ အကြာအေဝးသည္ အျခားေသာတက္လမ္းမ်ားထက္ ရွည္သျဖင့္ ေခၽြးစို႔စို႔ အေနအထားကို ခံစားရ၏။ ဘုရားကုန္းေတာ္ခါးလည္ရွိ ကားျဖတ္လမ္းကို ေက်ာ္လိုက္ၿပီး ဓာတ္ေလွကားျဖင့္တက္ရန္အတြက္ ဖိနပ္အပ္ႏွံရာဌာနတြင္ ဖိနပ္ကိုအပ္ထားလိုက္သည္။

ဓာတ္ေလွကားျဖင့္တက္လာၿပီး ဘုရားရင္ျပင္ ေျခခ်လိုက္ၿပီဆိုသည္ႏွင့္ ရင္၌အတန္ပင္ ၾကည္လင္ေအးျမ သြား၏။ ဘယ္ဘက္အနည္းငယ္ခ်ိဳးေကြ႕ၿပီး သံေသျပဒါးေသဘုရားေရွ႕၌ထိုင္၍ ရွိခိုးမႈကိုအရင္ဆုံး ျပဳလိုက္သည္။

ဘုရားကို အာ႐ုံျပဳရွိခိုးလ်က္ႏွင့္ပင္ ေမာင့္အေၾကာင္း၊ေမာင့္ပုံရိပ္လႊာတို႔က ရင္မွာ အသစ္တစ္ဖန္ ဝင္ေရာက္လာေသး၏။

သတိတရ အမွတ္ရစရာတို႔တြင္ ဤေနရာသည္လည္း တစ္ခုအပါအဝင္ပင္ျဖစ္သည္။ဂုဏ္ေတာ္ေတြကို ဘုရားကိုးဆူ တစ္ဆူကိုးပတ္ ပုတီးစိပ္ရာတြင္ တစ္ရက္တည္း အၿပီးစိတ္ဖို႔ အဓိဌာန္ျပဳရာတစ္ခုအျဖစ္ ယခုဘုရားသည္လည္း အပါအဝင္ျဖစ္ခဲ့သည္။

ထိုေနရာတြင္ ဝတ္ျပဳမႈ ခဏလုပ္ၿပီး ေရႊတိဂုံဘုရားကို လက္ယာရစ္ပတ္၏။ကၽြန္မေမြးေန႔ေထာင့္ ဘုရားကို ခ်န္ထားခဲ့ၿပီး ေမာင့္ေမြးေန႔ တနဂၤေႏြေထာင့္ရွိဘုရားအား ေမာင့္အသက္ႏွင့္ထပ္တူ ေရစင္သြန္းျဖန္းကာ ပူေဇာ္လိုက္သည္။ဘုရား၊တရား၊သံဃာ ရတနာသုံးပါးကို ရည္ရြယ္၍ ဖေယာင္းတိုင္သုံးတိုင္ကို မီးထြန္းညွိပူေဇာ္လိုက္၏။အေမႊးတိုင္ႏွစ္ထုပ္ယူလာရာ တစ္ထုပ္ေဖာက္ၿပီး အေမႊးနံ႔သာထြန္းၫွိပူေဇာ္လိုက္၏။ ၿပီးမွ ဘုရားဝတ္ျပဳဖို႔ စၾကၤန္ေႂကြျပားရွိ သစ္သားအခင္းေပၚတြင္ထိုင္ကာ ေမာင့္အတြက္ ဆုေတာင္းျခင္း၊ ေမတၱာပို႔ျခင္းေတြကိုျပဳလုပ္၏။

တိုင္တည္သစၥာတို႔ျပဳၿပီးကာမွ ေမာင္နဲ႔ကၽြန္မကို ဘယ္ကံၾကမၼာဆိုးက ေကြကြဲေစခဲ့ေလသနည္း။ေမာင့္အေန နဲ႔ေတာ့မသိဘူး။

ေစာင့္ထိန္း ရခက္သည့္ သစၥာကို ကၽြန္မကေတာ့ ျမတ္ျမတ္ႏိုးႏိုးေစာင့္ထိန္းခဲ့သည္။ေမာင္လည္း ကၽြန္မနဲ႔ တစ္သေဘာတည္းရွိမည္ဟုထင္ပါသည္။

……………………………………..

ကာလအတိုင္းအတာကို သတိရျခင္းဆိုတဲ့ အလြမ္းေတြနဲ႔ ကၽြန္မျဖတ္သန္းခဲ့ရသည္။ ျပန္ဆုံခ်ိန္ေရာက္တိုင္း သစၥာျပဳရာဤဌာနသို႔ ကၽြန္မမွန္မွန္လာခဲ့သည္။ဤရက္ေရာက္တိုင္း ေမာင့္ရဲ႕ေမြးေန႔ေထာင့္မွာ သူ႕ကိုေတြ႕ခဲ့ရသည္။

တိုက္ဆိုင္မႈေတြက တစ္ႀကိမ္တည္းမဟုတ္။ေမာင္နဲ႔ သစၥာထားခဲ့သည့္ရက္မွ ေမာင္ေပ်ာက္ဆုံးသြားသည့္ ငါးႏွစ္တိုင္ေအာင္ သူ႔ကို ဒီအခ်ိန္တိုင္း ဒီေနရာမွာ တိုက္ဆိုင္စြာ ဆုံျဖစ္ေနခဲ့သည္။

ေမာင္ေပ်ာက္ဆုံးသြားၿပီး ပထမတစ္ႏွစ္ကေပါ့..။ေမာင့္ေမြးနံေထာင့္ ဘုရားမွာ ေရသပၸါယ္ၿပီး ရွိခိုးရာေနရာကေန ရွိခိုးၿပီး ဘာျဖစ္ေနလည္းမသိတဲ့ေမာင့္အတြက္ ဆုေတာင္းအမွ်ေဝမႈေတြလုပ္အၿပီး ေမြးေန႔ေထာင့္ဘုရားကို ျပန္ေမာ့အဖူးမွာ ရင္ခုံမႈေတြနဲ႔ ဆက္ဆက္တုန္သြားခဲ့ရသည္။

ေမာင္… ေမာင္မွေမာင္ပါဟုစိတ္မွာထင္လိုက္မိသည္။ေရသပၸါယ္ေနသည့္ သူ႔ကို ေနာက္ေက်ာဖက္က ျမင္ေနရသည္။ျမင္ရသည့္ ဟန္ပန္က ေမာင့္ကိုယ္ဟန္ အေနအထား။ရင္ခုန္စြာႏွင့္ ထအရပ္လိုက္တြင္ မိမိဘက္ သူလွည့္လာသည္။

အို… အံ႔ေဩျခင္းႏွင့္အတူ စိတ္မေကာင္းျခင္းတို႔ ဝမ္းနည္းျခင္းတို႔ကို တစ္ၿပိဳင္တည္းခံစားလိုက္ရသည္။ သူ႔မ်က္ႏွာက ဘယ္လိုအေၾကာင္းေတြေၾကာင့္ ဒီေလာက္ေတာင္ ပ်က္ဆီးေနရသနည္း။ခ်ိဳင္းတြင္လည္း ခ်ိဳင္းေထာက္ပါသည္။ေရြလ်ားမႈကို တစ္ခုလုပ္တိုင္း ခက္ခဲပင္ပန္းစြာလုပ္ေနရသည္ကိုေတြ႕ရသည္။

သူ႔ကိုၾကည့္ၿပီး စိတ္ထဲတြင္ သံသယတို႔လည္းျဖစ္ရသည္။မ်က္ရည္တို႔လည္း အလိုလိုေဝလာမိခဲ့သည္။ ရွိခိုးေနရာကေန သူလုပ္သမွ်ကိုေစာင့္ၾကည့္ေနခဲ့မိသည္။တစ္ႏွစ္မဟုတ္ ခြဲခြာျခင္းအစျပဳခဲ့သည္မွ ယခုထိတိုင္။

ႏွစ္တိုင္းႏွစ္တိုင္း ဒီအခ်ိန္ေရာက္တိုင္း ေမာင္နဲ႔ျပန္ဆုံေတြ႕ႏိူးႏွင့္ သစၥာကိုယ္ေစာင့္ထိန္းရင္း။သူသည္လည္း ဘယ္သူ႔အတြက္ ဘယ္အေၾကာင္းေတြေၾကာင့္ ဒီေနရာ ဒီအခ်ိန္ေတြမွာ တိုက္ဆိုင္စြာလာဆုံေနခဲ့ပါသလဲ…။

ဒီလို ဘာမွန္းမသိႏိုင္သည့္ သစၥာတရားအေပၚ ျမတ္ႏိုးစြာထားခဲ့တာကို မွားတယ္လိုေျပာရင္ေတာင္ ကၽြန္မေလ ဒီမွားတဲ့သစၥာကို ကၽြန္မဆက္ၿပီးေစာင့္ထိန္းေနဦးမွာပါပဲေလ…။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767 သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ခြန္ေနာင္လြင္ထူး ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com

ဗဟုသုတ သိမွတ္ဖြယ္ရာ

Share on Facebook

Share on Twitter