ဆောင်းချယ်ရီ နွေပိတောက် (ချယ်ရီပွင့်ရာ တောင်ကြီးမြေ)

[Unicode]

ဆရာကြီးတက္ကသိုလ်ဘုန်းနိုင်က သူ့ရဲ့ဝတ္ထုတွေထဲမှာ ဇာတ်အိမ်တည်ရာ ဒေသတွေရဲ့ အလှတရားတွေကို အလွန်ပဲဖွဲ့နွဲ့ပေးခဲ့ပါတယ်။

ဆရာကြီးဟာပန်းတိုင်းကိုချစ်ပါလိမ့်မယ်။တခုတ်တရနဲ့ အဖွဲ့များတာကတော့ ပိတောက်ပန်းကို အဖွဲများခဲ့ ပါတယ်။ဆရာကြီးရဲ့ဝတ္ထုတွေမှာတောင် “ပိတောက်ပွင့်ဆဲ လသာဆဲဝယ်” “ပိတောက်နှင့်ကြိုပါမည် မာရီယာ” “ပိတောက်နှောင်းကိုရေမလောင်းပါ”တို့ဆိုပြီး ခေါင်းစဉ်တို့တပ်ပြီး ပိတောက်ကိုဖွဲ့နွဲ့ခဲ့ပါသေးတယ်။

ဒါ့အပြင် တောင်ကြီးတက္ကသိုလ်မှာတာဝန်ထမ်းဆောင်တော့ တောင်ကြီးမြေရဲ့အလှတွေနဲ့ဖန်တီးခဲ့တဲ့ ဝတ္ထုတွေကလည်း ပေါ်ထွက်လာခဲ့ပါတယ်။ “လွမ်းပါလေရစ်သည်သောင်ငွေဦး” “မျက်ရည်လောက၏ ဟိုမှာဘက်” ဆိုတဲ့ ဝတ္ထုတွေမှာ တောင်ကြီးမြေမှာ ရှင်သန်ပေါက်ရောက်ကြတဲ့ ချယ်ရီနဲ့ စိန်ပန်းပြာတို့ရဲ့ အလှတွေကိုလည်း မှတ်မှတ်ရရ အမွှန်းတင်ခဲ့ပါတယ်။

ဆရာကြီးရဲ့ အဖွဲ့နွဲ့တွေက ကိုယ်ကိုယ်တိုင် ဝတ္ထုထဲကဇာတ်ကောင် ဖြစ်သွားပြီး ဇာတ်အိမ်တည်ရာက ဒေသအလှတွေနဲ့ ကျေနပ်ကျင်လည်နေမိသည်အထိ ဖြစ်ရပါတယ်။

အခုတော့ ချယ်ရီနဲ့စိန်ပန်းပြာတို့က တောင်ကြီးမြေကို အလှတို့ဆင်မြန်းပေးနေပါသေးရဲ့လား။တချို့သော တောင်ကြီးချစ်သူတို့က ယခင်ကထက် ချယ်ရီတွေလျော့ပါးသွားလို့ ထိန်းသိမ်းသင့်ကြပြီဆိုတဲ့ အကြောင်းတွေနဲ့ သတိပေးမှုတွေ တွေ့နေရတော့ ဝတ္ထုထဲကပုံရိပ်တွေနဲ့ မြင်ခွင့်ချစ်ခွင့်ရတဲ့တောင်ကြီးမြေရဲ့ အလှသရုပ်ကို မလျော့ပါးစေဘဲ ရှိစေချင်မိပါတယ်။

ချယ်ရီတွေဟာ နှစ်စဉ် ဒီဇင်ဘာ၊ဇန်နဝါရီနဲ့ဖေဖေါ်ဝါရီလများအတွင်း ဖူးပွင့်တတ်ကြတယ်လို့ သိရပါတယ်။ ဒါပေမဲ့ နောက်ပိုင်းမှာ လမ်းချဲ့တာနဲ့ တောမီးရှို့တာတွေကြောင့် ချယ်ရီပင်တွေ လျော့ပါး သွားတယ်လို့လည်း သိရပါတယ်။အဲဒါတွေလုပ်တဲ့ အခါမှာ သဘာဝကပေးတဲ့ မိမိတို့ဒေသရဲ့ ဂုဏ်ကိုဆောင်နေတဲ့ အလှတရားတွေကို မပျက်စီးအောင်လည်း သတိထားလုပ်ကြရမယ့် ကိစ္စတွေပါပဲ။

အဲဒါအပြင် ပန်းကိုမင်လို့ ကိုင်းချိုးကာ ပန်ဆင်သူတွေကြောင့်လည်း ချယ်ရီပင်တွေဟာ ပျက်စီးမှုရှိကြောင်းလည်း သိရပါတယ်။လှပါစေ အပင်မှာပဲလှပါစေ။

ချယ်ရီတွေ ပိတောက်တွေဟာ အပင်ပေါ်မှာ တစ်ဆုပ်တစ်ခဲနဲ့ ပိုပြီးလှပါတယ်။ဒီလိုအပင်ပေါ်မှာတောင် အလှသက်တမ်း မရှည်ကြပါဘူး။ခူးပြီးခဏမှာပဲ ညှိုးလျော်သွားပါတယ်။အပင်မှာပဲ အလှတို့ဝင့်ကြွားတာကို ကျွန်တော်တို့ ဂုဏ်ယူမြတ်နိူးတတ်ရပါလိမ့်မယ်။ဒါမှကိုယ်ဒေသရဲ့ အမှတ်တရအလှကိုဖော်ဆောင်ပေးတဲ့ ပုံရိပ်တို့ မပျောက်ပျက် မဆိတ်သုဉ်းမှာပေါ့။

ချယ်ရီတွေပေါက်ရောက်ရှင်သန် ပွင့်ဖူးကြတဲ့ အခြားနိုင်ငံတွေကတော့ ဒီအပင်တွေရဲ့ပန်းပွင့်ရာသီမှာ ပန်းတွေကို မခူးကြပဲ ပန်းပွဲတော်လုပ်ပြီးလာကြည့်ကြတဲ့အထိ တန်ဖိုးထားကြပါတယ်။ကျွန်တော်တို့လည်း တန်ဖိုးထားကြရပါလိမ့်မယ်။

မကြာခင်ရောက်လာတော့မယ့် ဒီဇင်ဘာမှာ ချယ်ရီပန်းတွေပွင့်မယ့် တောင်ကြီးမြေကို အလည်အပတ် သွားနိုင်ကြဖို့ နှိုးဆော်မှုနဲ့အတူ ဒီဆောင်းပါးလေးကိုရေးရခြင်းပါ။

ဒီတော့ဗျာ ချယ်ရီပန်းချစ်သူတွေ တင်ထားတဲ့ ပုံရိပ်လေးတွေကို မြတ်နိုးတန်ဖိုးထားတာနဲ့ အတူ အခြားသူတွေကိုလည်း ခံစားတန်ဖိုးထားစေချင်လို့ ပုံရိပ်ပိုင်ရှင်တွေကို အသိအမှတ်ပြုပြီး ပြန်လည်ဖော်ပြပေးလိုက်ရပါတယ်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-966901767, 09-268022352 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ဥက္ကာသစ္စာ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

ေဆာင္းခ်ယ္ရီ ေႏြပိေတာက္ (ခ်ယ္ရီပြင့္ရာ ေတာင္ႀကီးေျမ)

ဆရာႀကီးတကၠသိုလ္ဘုန္းႏိုင္က သူ႔ရဲ႕ဝတၳဳေတြထဲမွာ ဇာတ္အိမ္တည္ရာ ေဒသေတြရဲ႕ အလွတရားေတြကို အလြန္ပဲဖြဲ႔ႏြဲ႔ေပးခဲ့ပါတယ္။

ဆရာႀကီးဟာပန္းတိုင္းကိုခ်စ္ပါလိမ့္မယ္။တခုတ္တရနဲ႔ အဖြဲ႔မ်ားတာကေတာ့ ပိေတာက္ပန္းကို အဖြဲမ်ားခဲ့ ပါတယ္။ဆရာႀကီးရဲ႕ဝတၳဳေတြမွာေတာင္ “ပိေတာက္ပြင့္ဆဲ လသာဆဲဝယ္” “ပိေတာက္ႏွင့္ႀကိဳပါမည္ မာရီယာ” “ပိေတာက္ေႏွာင္းကိုေရမေလာင္းပါ”တို႔ဆိုၿပီး ေခါင္းစဥ္တို႔တပ္ၿပီး ပိေတာက္ကိုဖြဲ႔ႏြဲ႔ခဲ့ပါေသးတယ္။

ဒါ့အျပင္ ေတာင္ႀကီးတကၠသိုလ္မွာတာဝန္ထမ္းေဆာင္ေတာ့ ေတာင္ႀကီးေျမရဲ႕အလွေတြနဲ႔ဖန္တီးခဲ့တဲ့ ဝတၳဳေတြကလည္း ေပၚထြက္လာခဲ့ပါတယ္။ “လြမ္းပါေလရစ္သည္ေသာင္ေငြဦး” “မ်က္ရည္ေလာက၏ ဟိုမွာဘက္” ဆိုတဲ့ ဝတၳဳေတြမွာ ေတာင္ႀကီးေျမမွာ ရွင္သန္ေပါက္ေရာက္ၾကတဲ့ ခ်ယ္ရီနဲ႔ စိန္ပန္းျပာတို႔ရဲ႔ အလွေတြကိုလည္း မွတ္မွတ္ရရ အမႊန္းတင္ခဲ့ပါတယ္။

ဆရာႀကီးရဲ႕ အဖြဲ႔ႏြဲ႔ေတြက ကိုယ္ကိုယ္တိုင္ ဝတၳဳထဲကဇာတ္ေကာင္ ျဖစ္သြားၿပီး ဇာတ္အိမ္တည္ရာက ေဒသအလွေတြနဲ႔ ေက်နပ္က်င္လည္ေနမိသည္အထိ ျဖစ္ရပါတယ္။

အခုေတာ့ ခ်ယ္ရီနဲ႔စိန္ပန္းျပာတို႔က ေတာင္ႀကီးေျမကို အလွတို႔ဆင္ျမန္းေပးေနပါေသးရဲ႕လား။တခ်ိဳ႕ေသာ ေတာင္ႀကီးခ်စ္သူတို႔က ယခင္ကထက္ ခ်ယ္ရီေတြေလ်ာ့ပါးသြားလို႔ ထိန္းသိမ္းသင့္ၾကၿပီဆိုတဲ့ အေၾကာင္းေတြနဲ႔ သတိေပးမႈေတြ ေတြ႔ေနရေတာ့ ဝတၳဳထဲကပုံရိပ္ေတြနဲ႔ ျမင္ခြင့္ခ်စ္ခြင့္ရတဲ့ေတာင္ႀကီးေျမရဲ႕ အလွသရုပ္ကို မေလ်ာ့ပါးေစဘဲ ရွိေစခ်င္မိပါတယ္။

ခ်ယ္ရီေတြဟာ ႏွစ္စဥ္ ဒီဇင္ဘာ၊ဇန္နဝါရီနဲ႔ေဖေဖၚဝါရီလမ်ားအတြင္း ဖူးပြင့္တတ္ၾကတယ္လို႔ သိရပါတယ္။ ဒါေပမဲ့ ေနာက္ပိုင္းမွာ လမ္းခ်ဲ႕တာနဲ႔ ေတာမီးရႈိ႕တာေတြေၾကာင့္ ခ်ယ္ရီပင္ေတြ ေလ်ာ့ပါး သြားတယ္လို႔လည္း သိရပါတယ္။အဲဒါေတြလုပ္တဲ့ အခါမွာ သဘာဝကေပးတဲ့ မိမိတို႔ေဒသရဲ႕ ဂုဏ္ကိုေဆာင္ေနတဲ့ အလွတရားေတြကို မပ်က္စီးေအာင္လည္း သတိထားလုပ္ၾကရမယ့္ ကိစၥေတြပါပဲ။

အဲဒါအျပင္ ပန္းကိုမင္လို႔ ကိုင္းခ်ိဳးကာ ပန္ဆင္သူေတြေၾကာင့္လည္း ခ်ယ္ရီပင္ေတြဟာ ပ်က္စီးမႈရွိေၾကာင္းလည္း သိရပါတယ္။လွပါေစ အပင္မွာပဲလွပါေစ။

ခ်ယ္ရီေတြ ပိေတာက္ေတြဟာ အပင္ေပၚမွာ တစ္ဆုပ္တစ္ခဲနဲ႔ ပိုၿပီးလွပါတယ္။ဒီလိုအပင္ေပၚမွာေတာင္ အလွသက္တမ္း မရွည္ၾကပါဘူး။ခူးၿပီးခဏမွာပဲ ညွိဳးေလ်ာ္သြားပါတယ္။အပင္မွာပဲ အလွတို႔ဝင့္ၾကြားတာကို ကၽြန္ေတာ္တို႔ ဂုဏ္ယူျမတ္ႏိူးတတ္ရပါလိမ့္မယ္။ဒါမွကိုယ္ေဒသရဲ႕ အမွတ္တရအလွကိုေဖာ္ေဆာင္ေပးတဲ့ ပုံရိပ္တို႔ မေပ်ာက္ပ်က္ မဆိတ္သုဥ္းမွာေပါ့။

ခ်ယ္ရီေတြေပါက္ေရာက္ရွင္သန္ ပြင့္ဖူးၾကတဲ့ အျခားႏိုင္ငံေတြကေတာ့ ဒီအပင္ေတြရဲ႕ပန္းပြင့္ရာသီမွာ ပန္းေတြကို မခူးၾကပဲ ပန္းပြဲေတာ္လုပ္ၿပီးလာၾကည့္ၾကတဲ့အထိ တန္ဖိုးထားၾကပါတယ္။ကၽြန္ေတာ္တို႔လည္း တန္ဖိုးထားၾကရပါလိမ့္မယ္။

မၾကာခင္ေရာက္လာေတာ့မယ့္ ဒီဇင္ဘာမွာ ခ်ယ္ရီပန္းေတြပြင့္မယ့္ ေတာင္ႀကီးေျမကို အလည္အပတ္ သြားႏိုင္ၾကဖို႔ ႏိႈးေဆာ္မႈနဲ႔အတူ ဒီေဆာင္းပါးေလးကိုေရးရျခင္းပါ။

ဒီေတာ့ဗ်ာ ခ်ယ္ရီပန္းခ်စ္သူေတြ တင္ထားတဲ့ ပုံရိပ္ေလးေတြကို ျမတ္ႏိုးတန္ဖိုးထားတာနဲ႔ အတူ အျခားသူေတြကိုလည္း ခံစားတန္ဖိုးထားေစခ်င္လို႔ ပုံရိပ္ပိုင္ရွင္ေတြကို အသိအမွတ္ျပဳၿပီး ျပန္လည္ေဖာ္ျပေပးလိုက္ရပါတယ္။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-966901767, 09-268022352 သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ဥကၠာသစၥာ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com