အလေးအနက် တန်ဖိုးထားပုံခြင်း...

[Unicode]

တနေ့က ဖေ့စ်ဘုတ်လူမှုကွန်ရက်စာမျက်မှာ Simple ideas ကတင်ထားတဲ့ လဖက်ခြောက်ခပ်သောက်တဲ့ ရေနွေးကရားအိုးလေးပြုလုပ်နေတဲ့ ဗီဒီယိုလေးကို ကြည့်ရပါတယ်။

ရေနွေးကရားအိုးပဲကွာ ဘာဆန်းလို့လဲ လို့ပြောရင် ပြောလို့ရပါတယ်။ဒါပေမဲ့ သူဟာ သူလုပ်တဲ့ ပစ္စည်းတစ်ခုအပေါ်မှာ အလေးအနက်ထားပုံက အနုပညာတစ်ခုပမာ တန်ဖိုးထားပုံဖော်တာကိုတွေ့ရလို့ပါ။

သူက သူလုပ်နေတဲ့ ရေနွေးအိုးလေးအပေါ်မှာ ရေနွေးထည့်သောက်လို့ရယုံတင်မဟုတ်ပါဘူး။လှပမှုတိကျတဲ့ အလုံးအဝန်း၊ အပိတ်အစို့တွေ ညီညွတ်မျှတနေပြီး သေသပ်ချောမွေ့မှုတွေရှိအောင် အလေးအနက် အရမ်းဂရုစိုက်မှုတွေနဲ့ လုပ်ဆောင်နေပုံကို တွေ့ရပါတယ်။

ဒီပစ္စည်းတွေက တစ်ခုဆိုတစ်ခုပါပဲ အလေးထားနှစ်သက်မှုတွေထည့်ပေါင်းပြီး ဖော်ဆောင်ထားတာကြောင့် တန်ဖိုးကလည်း ပစ္စည်းဖြစ်ရုံထုတ်လုပ်ထားတဲ့ ပစ္စည်းတွေထက်ကို တန်ဖိုးအဆက အလွန်ကို ကွာခြားသွား ပါတယ်။

ရေနွေးအိုးလုပ်ဖို့ ရွှံ့စေးကိုင်ပုံကိုက နုညက်ချောမွေ့လှပါတယ်။အိုးရဲ့ဖင်အထိုင်၊အိုးရဲ့ အလုံးအဝန်း၊အိုးအဖုံး တို့ကို သင်္ချာနည်းနဲ့တွက်ကြည့်ရင် ကွက်တိဖြစ်အောင်လုပ်ဆောင်ထားတာကိုတွေ့ရပါတယ်။

အိုးရဲ့ဝမ်းဗိုက်ကို အတိမ်းအစောင်းမရှိ တပြေးညီဖောင်းဖောင်းလေးဖြစ်အောင် ဝါးပိုးဝါးကို ကိုယ်လိုချင်တဲ့ အဝန်းအဝိုက်ပုံမျိုးရအောင် ခပ်ဝိုက်လေးဖြတ်ထားတာတွေ့ရပါတယ်။အဲဒီဝါးပိုးဝါး အဝိုက်လေးအတိုင်း ရွှံ့စေးကိုလှည့်ဆွဲပေးလိုက်တော့ အိုးဝမ်းဗိုက်ဟာ တညီတညာထဲ အပိန်အရှုံ့၊အရွဲ့အစောင်းမရှိဘဲ လုံးလုံးဝန်းဝန်းလေးရရှိပါတယ်။

အဖုံးနဲ့ အောက်ခံဖင်အထိုင်ကိုလည်း စကေးကိုက်ကျအောင်လုပ်ဆောင်နေတာကိုလည်းတွေ့ရပါတယ်။ ရေနွေးအိုးရဲ့ အဖုံးကို သေချာကျနပြီး ချောမွေ့နေအောင်လုပ်ဆောင်ပါတယ်။ပြီးတဲ့အခါ အဲဒီအဖုံးကို အိုးရဲ့နှုတ်ခမ်းဝမှာတပ်ကြည့်လိုက်တော့ ကွက်တိကျဖြစ်နေတာကိုတွေ့ရပါတယ်။ ချောင်နေ ကျပ်နေတာ မရှိပါဘူး။ကွက်တိမှ တကယ့်ကွက်တိပါပဲ။ကိုယ်လုပ်လိုက်တဲ့ ပစ္စည်းရဲ့ အမှတ်တံဆိပ်ကိုလည်း အဖုံးအတွင်းမှာ ရဲရဲဝံ့ဝံ့ခပ်နှိပ်ပေးလိုက်ပါသေးတယ်။

အိုးနှုတ်သီးရဲ့ အတွင်းမှာရှိမဲ့ လဖက်ခြောက်စစ်တဲ့ ရေစစ်ပေါက်ကို လူမှမမြင်ဘဲ အပေါက်ဖြစ်ပြီးရောဆိုပြီး မလုပ်ပါဘူး။အပေါက်အဝန်းညီအောင် နှုတ်ခမ်းအနားသတ်တွေ ချောမွေ့အောင်လုပ်ဆောင်ပြီးမှ နှုတ်သီးကို သေချာတပ်ပါတယ်။နှုတ်သီးတပ်ရာမှာလည်း အဆက်နေရာတွေ မပေါ်လွင်အောင်၊ပြေပြစ်အောင် ဆက်ပါတယ်။လက်ကိုင်ကိုင်းကို တပ်ရာမှာလည်း ထို့အတူပါပဲ။

ဒီဗီဒီယိုကိုကြည့်လိုက်ရင် ပြောစရာမလိုဘဲပြီးသွားမှာပါ။ဒါပေမဲ့ အလုပ်လုပ်တဲ့နေရာမှာ သာမန်မဟုတ်ဘဲ အလေးထားပြီး တယုတယ ဖန်တီးလုပ်ကိုင်ဆောင်ရွက်လိုက်တဲ့အတွက် ဖြစ်လာတဲ့ကိစ္စရပ်တိုင်း၊ အရာဝတ္ထုတိုင်းဟာလည်း နှစ်သက်မြတ်နိုး တန်ဖိုးထားရာဖြစ်လာတာကို ခံစားမိလို့ပါပဲ။

လူတွေဟာတန်ဖိုးထားစရာကောင်းမှ တန်ဖိုးထားကြတာပါ။သာမန်ကာလျှံကာ ထုတ်လုပ်လိုက်တဲ့ ပစ္စည်း ကိုလည်း ဘယ်သူမှတန်ဖိုးမထားကြပါဘူး။ ကျကွဲလည်း နောက်တစ်လုံး ထပ်ဝယ်သုံးလိုက်မယ်လို့သာ သဘောထားကြမှာပေါ့။

ဖန်တီးသူက ကိုယ်ဖန်တီးလိုက်တဲ့ ပစ္စည်းလေးအပေါ် တန်ဖိုးရှိအောင်ပြုလုပ်လိုက်တဲ့အတွက် ဒီတန်ဖိုးကို သိမြင်တဲ့သူတွေရဲ့လက်ထဲကိုပဲ ဒီပစ္စည်းလေးဟာ တန်ဖိုးရှိရှိရောက်ရှိသွားမှာပါ။

ဒါကြောင့်ဘာပဲလုပ်လုပ် ကိုယ်လုပ်ဆောင်တဲ့လုပ်ရပ်တိုင်းကို အလေးအနက်တန်ဖိုးထား လုပ်ဆောင်လိုက်ခြင်းအားဖြင့် တန်ဖိုးတို့မြင့်လာမယ်လို့ ယူဆမိပါတယ်ဗျာ။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-966901767, 09-268022352 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

Credit to Photo

ခွန်နောင်လွင်ထူး ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

အေလးအနက္ တန္ဖိုးထားပုံျခင္း...

တေန႔က ေဖ့စ္ဘုတ္လူမႈကြန္ရက္စာမ်က္မွာ Simple ideas ကတင္ထားတဲ့ လဖက္ေျခာက္ခပ္ေသာက္တဲ့ ေရေႏြးကရားအိုးေလးျပဳလုပ္ေနတဲ့ ဗီဒီယိုေလးကို ၾကည့္ရပါတယ္။

ေရေႏြးကရားအိုးပဲကြာ ဘာဆန္းလို႔လဲ လို႔ေျပာရင္ ေျပာလို႔ရပါတယ္။ဒါေပမဲ့ သူဟာ သူလုပ္တဲ့ ပစၥည္းတစ္ခုအေပၚမွာ အေလးအနက္ထားပုံက အႏုပညာတစ္ခုပမာ တန္ဖိုးထားပုံေဖာ္တာကိုေတြ႔ရလို႔ပါ။

သူက သူလုပ္ေနတဲ့ ေရေႏြးအိုးေလးအေပၚမွာ ေရေႏြးထည့္ေသာက္လို႔ရယုံတင္မဟုတ္ပါဘူး။လွပမႈတိက်တဲ့ အလုံးအဝန္း၊ အပိတ္အစို႔ေတြ ညီညြတ္မွ်တေနၿပီး ေသသပ္ေခ်ာေမြ႔မႈေတြရွိေအာင္ အေလးအနက္ အရမ္းဂရုစိုက္မႈေတြနဲ႔ လုပ္ေဆာင္ေနပုံကို ေတြ႔ရပါတယ္။

ဒီပစၥည္းေတြက တစ္ခုဆိုတစ္ခုပါပဲ အေလးထားႏွစ္သက္မႈေတြထည့္ေပါင္းၿပီး ေဖာ္ေဆာင္ထားတာေၾကာင့္ တန္ဖိုးကလည္း ပစၥည္းျဖစ္ရုံထုတ္လုပ္ထားတဲ့ ပစၥည္းေတြထက္ကို တန္ဖိုးအဆက အလြန္ကို ကြာျခားသြား ပါတယ္။

ေရေႏြးအိုးလုပ္ဖို႔ ရႊံ႕ေစးကိုင္ပုံကိုက ႏုညက္ေခ်ာေမြ႔လွပါတယ္။အိုးရဲ႕ဖင္အထိုင္၊အိုးရဲ႕ အလုံးအဝန္း၊အိုးအဖုံး တို႔ကို သခ်ၤာနည္းနဲ႔တြက္ၾကည့္ရင္ ကြက္တိျဖစ္ေအာင္လုပ္ေဆာင္ထားတာကိုေတြ႔ရပါတယ္။

အိုးရဲ႕ဝမ္းဗိုက္ကို အတိမ္းအေစာင္းမရွိ တေျပးညီေဖာင္းေဖာင္းေလးျဖစ္ေအာင္ ဝါးပိုးဝါးကို ကိုယ္လိုခ်င္တဲ့ အဝန္းအဝိုက္ပုံမ်ိဳးရေအာင္ ခပ္ဝိုက္ေလးျဖတ္ထားတာေတြ႔ရပါတယ္။အဲဒီဝါးပိုးဝါး အဝိုက္ေလးအတိုင္း ရႊံ႕ေစးကိုလွည့္ဆြဲေပးလိုက္ေတာ့ အိုးဝမ္းဗိုက္ဟာ တညီတညာထဲ အပိန္အရႈံ႕၊အရြဲ႕အေစာင္းမရွိဘဲ လုံးလုံးဝန္းဝန္းေလးရရွိပါတယ္။

အဖုံးနဲ႔ ေအာက္ခံဖင္အထိုင္ကိုလည္း စေကးကိုက္က်ေအာင္လုပ္ေဆာင္ေနတာကိုလည္းေတြ႔ရပါတယ္။ ေရေႏြးအိုးရဲ႕ အဖုံးကို ေသခ်ာက်နၿပီး ေခ်ာေမြ႔ေနေအာင္လုပ္ေဆာင္ပါတယ္။ၿပီးတဲ့အခါ အဲဒီအဖုံးကို အိုးရဲ႕ႏႈတ္ခမ္းဝမွာတပ္ၾကည့္လိုက္ေတာ့ ကြက္တိက်ျဖစ္ေနတာကိုေတြ႔ရပါတယ္။ ေခ်ာင္ေန က်ပ္ေနတာ မရွိပါဘူး။ကြက္တိမွ တကယ့္ကြက္တိပါပဲ။ကိုယ္လုပ္လိုက္တဲ့ ပစၥည္းရဲ႕ အမွတ္တံဆိပ္ကိုလည္း အဖုံးအတြင္းမွာ ရဲရဲဝံ႔ဝံ႔ခပ္ႏွိပ္ေပးလိုက္ပါေသးတယ္။

အိုးႏႈတ္သီးရဲ႕ အတြင္းမွာရွိမဲ့ လဖက္ေျခာက္စစ္တဲ့ ေရစစ္ေပါက္ကို လူမွမျမင္ဘဲ အေပါက္ျဖစ္ၿပီးေရာဆိုၿပီး မလုပ္ပါဘူး။အေပါက္အဝန္းညီေအာင္ ႏႈတ္ခမ္းအနားသတ္ေတြ ေခ်ာေမြ႔ေအာင္လုပ္ေဆာင္ၿပီးမွ ႏႈတ္သီးကို ေသခ်ာတပ္ပါတယ္။ႏႈတ္သီးတပ္ရာမွာလည္း အဆက္ေနရာေတြ မေပၚလြင္ေအာင္၊ေျပျပစ္ေအာင္ ဆက္ပါတယ္။လက္ကိုင္ကိုင္းကို တပ္ရာမွာလည္း ထို႔အတူပါပဲ။

ဒီဗီဒီယိုကိုၾကည့္လိုက္ရင္ ေျပာစရာမလိုဘဲၿပီးသြားမွာပါ။ဒါေပမဲ့ အလုပ္လုပ္တဲ့ေနရာမွာ သာမန္မဟုတ္ဘဲ အေလးထားၿပီး တယုတယ ဖန္တီးလုပ္ကိုင္ေဆာင္ရြက္လိုက္တဲ့အတြက္ ျဖစ္လာတဲ့ကိစၥရပ္တိုင္း၊ အရာဝတၳဳတိုင္းဟာလည္း ႏွစ္သက္ျမတ္ႏိုး တန္ဖိုးထားရာျဖစ္လာတာကို ခံစားမိလို႔ပါပဲ။

လူေတြဟာတန္ဖိုးထားစရာေကာင္းမွ တန္ဖိုးထားၾကတာပါ။သာမန္ကာလွ်ံကာ ထုတ္လုပ္လိုက္တဲ့ ပစၥည္း ကိုလည္း ဘယ္သူမွတန္ဖိုးမထားၾကပါဘူး။ က်ကြဲလည္း ေနာက္တစ္လုံး ထပ္ဝယ္သုံးလိုက္မယ္လို႔သာ သေဘာထားၾကမွာေပါ့။

ဖန္တီးသူက ကိုယ္ဖန္တီးလိုက္တဲ့ ပစၥည္းေလးအေပၚ တန္ဖိုးရွိေအာင္ျပဳလုပ္လိုက္တဲ့အတြက္ ဒီတန္ဖိုးကို သိျမင္တဲ့သူေတြရဲ႕လက္ထဲကိုပဲ ဒီပစၥည္းေလးဟာ တန္ဖိုးရွိရွိေရာက္ရွိသြားမွာပါ။

ဒါေၾကာင့္ဘာပဲလုပ္လုပ္ ကိုယ္လုပ္ေဆာင္တဲ့လုပ္ရပ္တိုင္းကို အေလးအနက္တန္ဖိုးထား လုပ္ေဆာင္လိုက္ျခင္းအားျဖင့္ တန္ဖိုးတို႔ျမင့္လာမယ္လို႔ ယူဆမိပါတယ္ဗ်ာ။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-966901767, 09-268022352 သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

Credit to Photo

ခြန္ေနာင္လြင္ထူး ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com