လိင်တူချစ်သူ၊ နိုဘယ်ဆုရ စာရေးဆရာကြီး သောမတ်စ်မန်းနေထိုင်ခဲ့သော အမေရိကန်မှအိမ်ကို ဂျာမနီအစိုးရဝယ်

[Unicode]

ပေါလ် သောမတ်စ်မန်း (ဂျာမာန်အသံထွက်မှာ ထိုမတ်စ်မန်းဖြစ်) (မွေး ၁၈၇၅- ကွယ်လွန် ၁၉၅၅ ၊ သြဂုတ်လ ၁၂ ရက်) သည် ဂျာမန်စာရေးဆရာ၊ ဝတ္ထုတိုရေးဆရာ၊ ပရဟိတသမား၊ အက်ဆေးဆရာတစ်ဦးဖြစ်ပြီး ၁၉၂၉ ခုနှစ်တွင် စာပေနိုဘယ်ဆု ရရှိခဲ့သည်။

၁၉၃၃ ခုနှစ်တွင် အဒေါ့ဖ်ဟစ်တလာ အာဏာရလာချိန်၌ သောမတ်စ်မန်းသည် ဆွစ်ဇာလန်သို့ ထွက်ပြေး တိမ်းရှောင်ခဲ့သည်။

၁၉၃၉ ခုနှစ်တွင် ဒုတိယကမ္ဘာစစ်ကြီးဖြစ်ပွားသောအခါ သောမတ်စ်မန်း အမေရိကန် ပြည်ထောင်စုသို့ ပြောင်းရွှေ့ခဲ့ပြီး ၁၉၅၂ ခုနှစ်တွင် ဆွစ်ဇာလန်နိုင်ငံတွင် ပြန်လည်အခြေချခဲ့သည်။

သောမတ်စ်မန်းသည် သူ၏မိသားစုနှင့်အတူ အမေရိကန်ပြည်ထောင်စု၊ လော့စ်အိန်ဂျလိတွင် ၁၀ နှစ်ကြာ နေထိုင်ခဲ့သည်။

သောမတ်စ်မန်း နေထိုင်သွားသောအဆိုပါအိမ်ကို ဂျာမနီအစိုးရက ဝယ်ယူလိုက်ကာ အရည်အချင်းရှိသော လူငယ်စာရေးဆရာများ တည်းခိုနေထိုင်နိုင်သည့်နေအိမ်အဖြစ် အသုံးပြုရန် စီစဉ်ထားသည်။

ဂျာမနီအစိုးရ ဝယ်ယူလိုက်သည့်အဆိုပါအိမ်မှာ လော့စ်အိန်ဂျလိမြို့၊ ပစိဖိတ် ပါလစ်ဆိတ်အရပ်၊ San Remo Drive လမ်း၊ အမှတ် ၁၅၅၀ ရှိ စံအိမ် ဖြစ်သည်။

ဤစံအိမ်တွင်နေထိုင်ရင်း သောမတ်စ်မန်းသည် သူ၏ နောက်ပိုင်းစာပေလက်ရာများဖြစ်သော "Doctor Faustus" ၊ "Lotte in Weimar" နှင့် "Joseph and His Brothers" စာအုပ်များကို ရေးသားခဲ့သည်။

သောမတ်စ်မန်းမိသားစုသည် နာဇီတို့ကြီးစိုးသော ဂျာမနီမှ ထွက်ပြေးခဲ့ကြပြီးနောက် ယခုစံအိမ်တွင် ၁၉၄၂ ခုနှစ်မှ ၁၉၅၂ ခုနှစ်အကြား နေထိုင်ခဲ့ကြသည်။

လူငယ်စာရေးဆရာများ ဆုံစည်းကြရာနေရာ-

ဂျာမနီ နိုင်ငံခြားရေးယန်ကြီး Frank-Walter Steinmeier က "Süddeutsche Zeitung" သတင်းစာကို ပြောကြားခဲ့ဖူးသည်မှာ သောမတ်စ်မန်း၏ နေအိမ်သည် အမိနိုင်ငံတော်အား ပိုမိုကောင်းမွန်သည့်အနာဂတ် ဆောင်ကြဉ်းပေးနိုင်ရန် ကြိုးပမ်းကြမည့်၊ ပွင့်လင်း လူ့အဖွဲ့အစည်းတစ်ရပ် လမ်းခင်းပေးမည့်၊ အတ္တလန္တိတ် ဖြတ်ကျော် ဘုံစံနှုန်းများ ချခင်းပေးမည့် ဂျာမန်လူမျိုးများအတွက်ဖြစ်ကြောင်း ပြောကြားသည်။

“ကျွန်တော်တို့အနေနဲ့ သောမတ်စ်မန်းရဲ့အိမ်ကို ဒီလိုစိတ်ဝိဉာဉ်မျိုးနဲ့ ပြန်လည်ရှင်သန်စေလိုပါတယ်”ဟု Steinmeier က ပြောခဲ့သည်။

(သောမတ်စ်မန်းသည် ၁၉၄၄ ခုနှစ်တွင် အမေရိကန်နိုင်ငံသားအဖြစ် ခွင့်ပြုချက်ရရှိခဲ့သည်)

သောမတ်စ်မန်း၏ စံအိမ်သည် ကန်ဒေါ်လာ ၁၅ သန်းဖြင့် အရောင်းဈေးကွက်ဝင်ခဲ့ခြင်းဖြစ်ပြီး ဂျာမန်အစိုးရက ညှိနှိုင်းမှုများ ပြုလုပ်ကာ အပြီးသတ်ဝယ်ယူမှု ပြုလုပ်နိုင်ခဲ့ကြောင်း "Süddeutsche Zeitung" သတင်းစာက ဖော်ပြသည်။

နေအိမ်ကြီးကို အရောင်းဈေးကွက်တင်လျှင် ဝယ်လက်သစ်က ဖျက်သိမ်းဖွယ်ရှိသည့် အခြေအနေဖြစ်ပေါ်နေရာ ဂျာမနီနိုင်ငံအတွင်း ပြည်သူတို့၏ စိုးရိမ်မှုများ မြင့်တက်ခဲ့သည်။

ဂျာမာန်ပညာရှင်အသိုင်းအဝိုင်းနှင့် အနုပညာထိန်းသိမ်းစောင့်ရှောက်သူတို့က ဂျာမနီအစိုးရအား သောမတ်စ်မန်း၏ စံအိမ်ကို ဝယ်ယူရန် တိုက်တွန်းခဲ့ကြသည်။

သောမတ်စ်မန်း၏ အိမ်ကို ဖျက်သိမ်းခံရမည့်အရေးမှ ကယ်တင်ရန် အင်တာနက်တွင် အသနားခံမှု (petition) တစ်ခုပြုလုပ်ခဲ့ရာ လက်မှတ်ထိုးသူ ၃၀၀၀ ခန့်ရှိခဲ့သည်။ ၂၀၀၉ ခုနှစ် စာပေနိုဘယ်ဆုရှင် Herta Muller လည်း ဝင်ရောက်လက်မှတ်ထိုးခဲ့သည်ဟု ဆိုသည်။

ယခုအခါ သောမတ်စ်မန်း၏ စံအိမ်ကို ယဉ်ကျေးမှုဖလှယ်ရာနှင့် လူငယ်စာရေးဆရာများ ဆုံစည်းရာနေရာအဖြစ် အသုံးပြုထားသည်။

သောမတ်စ်မန်းစံအိမ်သည် အနီးရှိ စံအိမ်တော်တစ်ခုဖြစ်သော Villa Aurora နှင့် ပူးတွဲလုပ်ဆောင်မှုများ ပြုလုပ်ကြသည်။

Villa Aurora သည် ဂျာမန်-ဂျူး ဝတ္ထုနှင့် ပြဇာတ်ဆရာ Lion Feuchtwanger နေထိုင်ခဲ့သော စံအိမ်ဖြစ်သည်။

Villa Aurora ကို ၁၉၉၄ ခုနှစ်မှစတင်ပြီး ဂျာမန်-အမေရိကန်ယဉ်ကျေးမှုဖလှယ်ရာနေရာအဖြစ် အသုံးပြုခဲ့သည်။

(၁၉၂၄ ခုနှစ်က ရိုက်ကူးခဲ့သောဓာတ်ပုံဖြစ်သည်။)

(သောမတ်စ်မန်းသည် ၁၉၀၁ ခုနှစ်တွင် ထုတ်ဝေခဲ့သော Buddenbrooks စာအုပ်ဖြင့် ကမ္ဘာကျော်ခဲ့သည်။ သူ၏မိသားစုက သောမတ်စ်မန်းကို magician ဟုခေါ်ကြသည်။ ၁၉၂၄ ခုနှစ်တွင် ထုတ်ဝေခဲ့သော သူ၏ ဝတ္ထုဖြစ်သော "The Magic Mountain" ကို အစွဲပြုကာ ထိုသို့ခေါ်ဝေါ်ကြခြင်းဖြစ်သည်။ သောမတ်စ်မန်းသည် ၁၉၂၉ ခုနှစ်တွင် နိုဘယ်ဆု ရရှိခဲ့သည်။)

[ဓာတ်ပုံတွင် ပါဝင်သူများ- Gustaf Gründgens (သောမတ်စ်မန်း၏ သားမက်၊ ရုပ်ရှင်မင်းသား)၊ Erika Mann (သောမတ်စ်မန်း၏ သမီး၊ ရုပ်ရှင်မင်းသမီး)၊ Pamela Wedekind (သောမတ်စ်မန်း၏ ချွေးမ၊ ရုပ်ရှင်မင်းသမီး) နှင့် Klaus Mann (သောမတ်စ်မန်း၏သား၊ စာရေးဆရာ) ]

(သုံးပွင့်ဆိုင်အချစ်- သောမတ်စ်မန်း၏သမီး Erika သည် ရုပ်ရှင်မင်းသား Gustav နှင့် လက်ထပ်။ သောမတ်စ်မန်း၏သား Klaus က ရုပ်ရှင်မင်းသမီး Pamela နှင့် စေ့စပ်။ သောမတ်စ်မန်း၏ သမီး Erika သည် ရုပ်ရှင်မင်းသမီး Pamela နှင့်လည်း လိင်တူချစ်ကြိုက်လျက်ရှိကြ၏။ သောမတ်စ်မန်းမိသားစုသည် ၎င်းတို့၏ လိင်တူစုံမက်မှုများအကြောင်း ပွင့်လင်းစွာ ဖော်ထုတ်ကြလေ့ရှိသည်)

(သောမတ်စ်မန်း၏ သား၊ ဂျာမန်စာရေးဆရာ/သမိုင်းပညာရှင် Golo Mann) (မိသားစု၏ ပြင်ပဆက်ဆံရေးပုဂ္ဂိုလ်- သောမတ်စ်မန်း၏ သမီး ရုပ်ရှင်မင်းသမီး Erika သည် နာဇီတို့ရန်မှ လွတ်ရန် ၎င်းတို့မိသားစုလိုက် အမေရိကသို့ ထွက်ပြေးနေရစဉ် မိသားစု၏ ပြောရေးဆိုခွင့်ရပုဂ္ဂိုလ်သဖွယ် ရပ်တည်ခဲ့ပြီး ဟစ်တလာကြောင့် မိမိတို့မိသားစု ရုန်းကန်ခဲ့ရပုံများကို ထုတ်ဖော်ဖွင့်ဟခဲ့သူ ဖြစ်သည်)

(သောမတ်စ်မန်း၏အစ်ကို စာရေးဆရာ Heinrich Mann သည်လည်း နာဇီတို့အပေါ် အပြင်းအထန် ဝေဖန်လေ့ရှိသူ ဖြစ်သည်။ Lahme ၏ အတ္ထုပ္ပတ္တိစာအုပ်တွင်မူ သူ့အကြောင်း မပါဝင်ချေ။)

(တိုင်းပြည်မှ ထွက်ပြေးရခြင်းက မိသားစုအား စည်းလုံးစေသည်။ သူတို့သည် ငွေရေးကြေးရေးအပါအဝင် တစ်ဦးပေါ်တစ်ဦး မှီခိုကြရသည်။)

(ဘောလ်တစ်ပင်လယ်တွင် ၁၉၃၀ ပြည့်နှစ်က ရိုက်ကူးခဲ့သော ဓာတ်ပုံဖြစ်သည်။ သောမတ်စ်မန်းကို သူ၏ ကလေးများနှင့်အတူ Nida စံအိမ်ရှေ့တွင် တွေ့ရပုံဖြစ်သည်။ ယင်းသို့ သာယာသော အခိုက်အတန့်များသည် ပျော်ရွှင်ဖွယ် အဆုံးသတ်မရှိခဲ့ချေ။ Klaus Mann သည် ၁၉၄၉ ခုနှစ်တွင် မိမိကိုယ်ကို အဆုံးစီရင်သွားပြီး သောမတ်စ်မန်းမှာ ၁၉၅၅ ခုနှစ်တွင် ကွယ်လွန်ခဲ့သည်)

(အငယ်ဆုံးသမီး Elisabeth Mann-Borgese။ သောမတ်စ်မန်း၏ နောက်ဆုံးမိသားစုဝင် Elisabeth သည် ၂၀၀၂ ခုနှစ်၊ ဖေဖော်ဝါရီလ ၈ ရက်တွင် ကွယ်လွန်ခဲ့သည်။ Elisabeth သည် သောမတ်စ်မန်း၏ အချစ်ဆုံးကလေးလည်း ဖြစ်သည်။ Elisabeth သည် မကွယ်လွန်မီ တစ်ရက်တွင် ဆွစ်ဇာလန်နိုင်ငံ၊ St. Moritz ၌ နှင်းလျှောစီးခဲ့သေးသည်။)

(မြန်မာဘာသာသို့ ပြန်ဆိုထားသော သောမတ်စ်မန်း၏ စာပေလက်ရာများ) ဆရာဇော်ဂျီသည် နိုဘယ်လ်ဆုရ စာရေးဆရာများနှင့် သူတို့၏ ကမ္ဘာကျော်ဝတ္ထုတိုများကို ရွေးချယ်ထုတ်နှုတ် မြန်မာပြန်ထားသည့် လမ်းသစ်နှင့် အခြားဝတ္ထုတိုများစာအုပ်တွင် သောမတ်စ်မန်း၏ A disillusionment အမည်ရှိ ဝတ္ထုတိုကို “ငါသိပြီကွယ်” ဟူသောအမည်ဖြင့် မြန်မာပြန်ဆို ထည့်သွင်းဖော်ပြခဲ့သည်။သောမတ်စ်မန်း၏ Buddenbrooks ကို ဝင့်ပြုံးမြင့်က ဘူဒင်ဘရွတ်ခ်ဟူသောအမည်ဖြင့် မြန်မာပြန်ထားသည်။ ထို့အပြင် The Magic Mountain ဝတ္ထုကိုလည်း မြန်မာဘာသာသို့ ပြန်ဆိုထားမှုရှိသည်ဟု သိရသည်)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-966901767, 09-268022352 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Germany buys Thomas Mann's California villa (dw.com)

[Zawgyi]

လိင္တူခ်စ္သူ၊ ႏိုဘယ္ဆုရ စာေရးဆရာၾကီး ေသာမတ္စ္မန္းေနထိုင္ခဲ့ေသာ အေမရိကန္မွအိမ္ကို ဂ်ာမနီအစိုးရဝယ္

ေပါလ္ ေသာမတ္စ္မန္း (ဂ်ာမာန္အသံထြက္မွာ ထိုမတ္စ္မန္းျဖစ္) (ေမြး ၁၈၇၅- ကြယ္လြန္ ၁၉၅၅ ၊ ၾသဂုတ္လ ၁၂ ရက္) သည္ ဂ်ာမန္စာေရးဆရာ၊ ဝတၳဳတိုေရးဆရာ၊ ပရဟိတသမား၊ အက္ေဆးဆရာတစ္ဦးျဖစ္ျပီး ၁၉၂၉ ခုႏွစ္တြင္ စာေပႏိုဘယ္ဆု ရရွိခဲ့သည္။

၁၉၃၃ ခုႏွစ္တြင္ အေဒါ့ဖ္ဟစ္တလာ အာဏာရလာခ်ိန္၌ ေသာမတ္စ္မန္းသည္ ဆြစ္ဇာလန္သို႔ ထြက္ေျပး တိမ္းေရွာင္ခဲ့သည္။

၁၉၃၉ ခုႏွစ္တြင္ ဒုတိယကမၻာစစ္ၾကီးျဖစ္ပြားေသာအခါ ေသာမတ္စ္မန္း အေမရိကန္ ျပည္ေထာင္စုသို႔ ေျပာင္းေရႊ႕ခဲ့ျပီး ၁၉၅၂ ခုႏွစ္တြင္ ဆြစ္ဇာလန္ႏိုင္ငံတြင္ ျပန္လည္အေျခခ်ခဲ့သည္။

ေသာမတ္စ္မန္းသည္ သူ၏မိသားစုႏွင့္အတူ အေမရိကန္ျပည္ေထာင္စု၊ ေလာ့စ္အိန္ဂ်လိတြင္ ၁၀ ႏွစ္ၾကာ ေနထိုင္ခဲ့သည္။

ေသာမတ္စ္မန္း ေနထိုင္သြားေသာအဆိုပါအိမ္ကို ဂ်ာမနီအစိုးရက ဝယ္ယူလိုက္ကာ အရည္အခ်င္းရွိေသာ လူငယ္စာေရးဆရာမ်ား တည္းခိုေနထုိင္ႏိုင္သည့္ေနအိမ္အျဖစ္ အသံုးျပဳရန္ စီစဥ္ထားသည္။

ဂ်ာမနီအစိုးရ ဝယ္ယူလိုက္သည့္အဆိုပါအိမ္မွာ ေလာ့စ္အိန္ဂ်လိျမိဳ႕၊ ပစိဖိတ္ ပါလစ္ဆိတ္အရပ္၊ San Remo Drive လမ္း၊ အမွတ္ ၁၅၅၀ ရွိ စံအိမ္ ျဖစ္သည္။

ဤစံအိမ္တြင္ေနထုိင္ရင္း ေသာမတ္စ္မန္းသည္ သူ၏ ေနာက္ပိုင္းစာေပလက္ရာမ်ားျဖစ္ေသာ "Doctor Faustus" ၊ "Lotte in Weimar" ႏွင့္ "Joseph and His Brothers" စာအုပ္မ်ားကို ေရးသားခဲ့သည္။

ေသာမတ္စ္မန္းမိသားစုသည္ နာဇီတို႔ၾကီးစိုးေသာ ဂ်ာမနီမွ ထြက္ေျပးခဲ့ၾကျပီးေနာက္ ယခုစံအိမ္တြင္ ၁၉၄၂ ခုႏွစ္မွ ၁၉၅၂ ခုႏွစ္အၾကား ေနထိုင္ခဲ့ၾကသည္။

လူငယ္စာေရးဆရာမ်ား ဆံုစည္းၾကရာေနရာ-

ဂ်ာမနီ ႏိုင္ငံျခားေရးယန္ၾကီး Frank-Walter Steinmeier က "Süddeutsche Zeitung" သတင္းစာကို ေျပာၾကားခဲ့ဖူးသည္မွာ ေသာမတ္စ္မန္း၏ ေနအိမ္သည္ အမိႏိုင္ငံေတာ္အား ပိုမိုေကာင္းမြန္သည့္အနာဂတ္ ေဆာင္ၾကဥ္းေပးႏိုင္ရန္ ၾကိဳးပမ္းၾကမည့္၊ ပြင့္လင္း လူ႔အဖြဲ႔အစည္းတစ္ရပ္ လမ္းခင္းေပးမည့္၊ အတၱလႏၱိတ္ ျဖတ္ေက်ာ္ ဘံုစံႏႈန္းမ်ား ခ်ခင္းေပးမည့္ ဂ်ာမန္လူမ်ဳိးမ်ားအတြက္ျဖစ္ေၾကာင္း ေျပာၾကားသည္။

“ကၽြန္ေတာ္တို႔အေနနဲ႔ ေသာမတ္စ္မန္းရဲ႕အိမ္ကို ဒီလိုစိတ္ဝိဥာဥ္မ်ဳိးနဲ႔ ျပန္လည္ရွင္သန္ေစလိုပါတယ္”ဟု Steinmeier က ေျပာခဲ့သည္။

(ေသာမတ္စ္မန္းသည္ ၁၉၄၄ ခုႏွစ္တြင္ အေမရိကန္ႏိုင္ငံသားအျဖစ္ ခြင့္ျပဳခ်က္ရရွိခဲ့သည္)

ေသာမတ္စ္မန္း၏ စံအိမ္သည္ ကန္ေဒၚလာ ၁၅ သန္းျဖင့္ အေရာင္းေစ်းကြက္ဝင္ခဲ့ျခင္းျဖစ္ျပီး ဂ်ာမန္အစိုးရက ညွိႏႈိင္းမႈမ်ား ျပဳလုပ္ကာ အျပီးသတ္ဝယ္ယူမႈ ျပဳလုပ္ႏိုင္ခဲ့ေၾကာင္း "Süddeutsche Zeitung" သတင္းစာက ေဖာ္ျပသည္။

ေနအိမ္ၾကီးကို အေရာင္းေစ်းကြက္တင္လွ်င္ ဝယ္လက္သစ္က ဖ်က္သိမ္းဖြယ္ရွိသည့္ အေျခအေနျဖစ္ေပၚေနရာ ဂ်ာမနီႏိုင္ငံအတြင္း ျပည္သူတို႔၏ စိုးရိမ္မႈမ်ား ျမင့္တက္ခဲ့သည္။

ဂ်ာမာန္ပညာရွင္အသိုင္းအဝိုင္းႏွင့္ အႏုပညာထိန္းသိမ္းေစာင့္ေရွာက္သူတို႔က ဂ်ာမနီအစိုးရအား ေသာမတ္စ္မန္း၏ စံအိမ္ကို ဝယ္ယူရန္ တိုက္တြန္းခဲ့ၾကသည္။

ေသာမတ္စ္မန္း၏ အိမ္ကို ဖ်က္သိမ္းခံရမည့္အေရးမွ ကယ္တင္ရန္ အင္တာနက္တြင္ အသနားခံမႈ (petition) တစ္ခုျပဳလုပ္ခဲ့ရာ လက္မွတ္ထုိးသူ ၃၀၀၀ ခန္႔ရွိခဲ့သည္။ ၂၀၀၉ ခုႏွစ္ စာေပႏိုဘယ္ဆုရွင္ Herta Muller လည္း ဝင္ေရာက္လက္မွတ္ထုိးခဲ့သည္ဟု ဆိုသည္။

ယခုအခါ ေသာမတ္စ္မန္း၏ စံအိမ္ကို ယဥ္ေက်းမႈဖလွယ္ရာႏွင့္ လူငယ္စာေရးဆရာမ်ား ဆံုစည္းရာေနရာအျဖစ္ အသံုးျပဳထားသည္။

ေသာမတ္စ္မန္းစံအိမ္သည္ အနီးရွိ စံအိမ္ေတာ္တစ္ခုျဖစ္ေသာ Villa Aurora ႏွင့္ ပူးတြဲလုပ္ေဆာင္မႈမ်ား ျပဳလုပ္ၾကသည္။

Villa Aurora သည္ ဂ်ာမန္-ဂ်ဴး ဝတၳဳႏွင့္ ျပဇာတ္ဆရာ Lion Feuchtwanger ေနထိုင္ခဲ့ေသာ စံအိမ္ျဖစ္သည္။

Villa Aurora ကို ၁၉၉၄ ခုႏွစ္မွစတင္ျပီး ဂ်ာမန္-အေမရိကန္ယဥ္ေက်းမႈဖလွယ္ရာေနရာအျဖစ္ အသံုးျပဳခဲ့သည္။

(၁၉၂၄ ခုႏွစ္က ရိုက္ကူးခဲ့ေသာဓာတ္ပံုျဖစ္သည္။)

(ေသာမတ္စ္မန္းသည္ ၁၉၀၁ ခုႏွစ္တြင္ ထုတ္ေဝခဲ့ေသာ Buddenbrooks စာအုပ္ျဖင့္ ကမၻာေက်ာ္ခဲ့သည္။ သူ၏မိသားစုက ေသာမတ္စ္မန္းကို magician ဟုေခၚၾကသည္။ ၁၉၂၄ ခုႏွစ္တြင္ ထုတ္ေဝခဲ့ေသာ သူ၏ ဝတၳဳျဖစ္ေသာ "The Magic Mountain" ကို အစြဲျပဳကာ ထိုသို႔ေခၚေဝၚၾကျခင္းျဖစ္သည္။ ေသာမတ္စ္မန္းသည္ ၁၉၂၉ ခုႏွစ္တြင္ ႏိုဘယ္ဆု ရရွိခဲ့သည္။)

[ဓာတ္ပံုတြင္ ပါဝင္သူမ်ား- Gustaf Gründgens (ေသာမတ္စ္မန္း၏ သားမက္၊ ရုပ္ရွင္မင္းသား)၊ Erika Mann (ေသာမတ္စ္မန္း၏ သမီး၊ ရုပ္ရွင္မင္းသမီး)၊ Pamela Wedekind (ေသာမတ္စ္မန္း၏ ေခၽြးမ၊ ရုပ္ရွင္မင္းသမီး) ႏွင့္ Klaus Mann (ေသာမတ္စ္မန္း၏သား၊ စာေရးဆရာ) ]

(သံုးပြင့္ဆိုင္အခ်စ္- ေသာမတ္စ္မန္း၏သမီး Erika သည္ ရုပ္ရွင္မင္းသား Gustav ႏွင့္ လက္ထပ္။ ေသာမတ္စ္မန္း၏သား Klaus က ရုပ္ရွင္မင္းသမီး Pamela ႏွင့္ ေစ့စပ္။ ေသာမတ္စ္မန္း၏ သမီး Erika သည္ ရုပ္ရွင္မင္းသမီး Pamela ႏွင့္လည္း လိင္တူခ်စ္ၾကိဳက္လ်က္ရွိၾက၏။ ေသာမတ္စ္မန္းမိသားစုသည္ ၎တို႔၏ လိင္တူစံုမက္မႈမ်ားအေၾကာင္း ပြင့္လင္းစြာ ေဖာ္ထုတ္ၾကေလ့ရွိသည္)

(ေသာမတ္စ္မန္း၏ သား၊ ဂ်ာမန္စာေရးဆရာ/သမိုင္းပညာရွင္ Golo Mann) (မိသားစု၏ ျပင္ပဆက္ဆံေရးပုဂၢိဳလ္- ေသာမတ္စ္မန္း၏ သမီး ရုပ္ရွင္မင္းသမီး Erika သည္ နာဇီတို႔ရန္မွ လြတ္ရန္ ၎တို႔မိသားစုလိုက္ အေမရိကသို႔ ထြက္ေျပးေနရစဥ္ မိသားစု၏ ေျပာေရးဆိုခြင့္ရပုဂၢိဳလ္သဖြယ္ ရပ္တည္ခဲ့ျပီး ဟစ္တလာေၾကာင့္ မိမိတို႔မိသားစု ရုန္းကန္ခဲ့ရပံုမ်ားကို ထုတ္ေဖာ္ဖြင့္ဟခဲ့သူ ျဖစ္သည္)

(ေသာမတ္စ္မန္း၏အစ္ကို စာေရးဆရာ Heinrich Mann သည္လည္း နာဇီတို႔အေပၚ အျပင္းအထန္ ေဝဖန္ေလ့ရွိသူ ျဖစ္သည္။ Lahme ၏ အတၳဳပၸတၱိစာအုပ္တြင္မူ သူ႔အေၾကာင္း မပါဝင္ေခ်။)

(တိုင္းျပည္မွ ထြက္ေျပးရျခင္းက မိသားစုအား စည္းလံုးေစသည္။ သူတုိ႔သည္ ေငြေရးေၾကးေရးအပါအဝင္ တစ္ဦးေပၚတစ္ဦး မွီခိုၾကရသည္။)

(ေဘာလ္တစ္ပင္လယ္တြင္ ၁၉၃၀ ျပည့္ႏွစ္က ရိုက္ကူးခဲ့ေသာ ဓာတ္ပံုျဖစ္သည္။ ေသာမတ္စ္မန္းကို သူ၏ ကေလးမ်ားႏွင့္အတူ Nida စံအိမ္ေရွ႕တြင္ ေတြ႔ရပံုျဖစ္သည္။ ယင္းသို႔ သာယာေသာ အခိုက္အတန္႔မ်ားသည္ ေပ်ာ္ရႊင္ဖြယ္ အဆံုးသတ္မရွိခဲ့ေခ်။ Klaus Mann သည္ ၁၉၄၉ ခုႏွစ္တြင္ မိမိကိုယ္ကို အဆံုးစီရင္သြားျပီး ေသာမတ္စ္မန္းမွာ ၁၉၅၅ ခုႏွစ္တြင္ ကြယ္လြန္ခဲ့သည္)

(အငယ္ဆံုးသမီး Elisabeth Mann-Borgese။ ေသာမတ္စ္မန္း၏ ေနာက္ဆံုးမိသားစုဝင္ Elisabeth သည္ ၂၀၀၂ ခုႏွစ္၊ ေဖေဖာ္ဝါရီလ ၈ ရက္တြင္ ကြယ္လြန္ခဲ့သည္။ Elisabeth သည္ ေသာမတ္စ္မန္း၏ အခ်စ္ဆံုးကေလးလည္း ျဖစ္သည္။ Elisabeth သည္ မကြယ္လြန္မီ တစ္ရက္တြင္ ဆြစ္ဇာလန္ႏိုင္ငံ၊ St. Moritz ၌ ႏွင္းေလွ်ာစီးခဲ့ေသးသည္။)

(ျမန္မာဘာသာသို႔ ျပန္ဆိုထားေသာ ေသာမတ္စ္မန္း၏ စာေပလက္ရာမ်ား) ဆရာေဇာ္ဂ်ီသည္ ႏိုဘယ္လ္ဆုရ စာေရးဆရာမ်ားႏွင့္ သူတုိ႔၏ ကမၻာေက်ာ္ဝတၳဳတိုမ်ားကို ေရြးခ်ယ္ထုတ္ႏႈတ္ ျမန္မာျပန္ထားသည့္ လမ္းသစ္ႏွင့္ အျခားဝတၳဳတိုမ်ားစာအုပ္တြင္ ေသာမတ္စ္မန္း၏ A disillusionment အမည္ရွိ ဝတၳဳတိုကို “ငါသိျပီကြယ္” ဟူေသာအမည္ျဖင့္ ျမန္မာျပန္္ဆို ထည့္သြင္းေဖာ္ျပခဲ့သည္။ေသာမတ္စ္မန္း၏ Buddenbrooks ကို ဝင့္ျပံဳးျမင့္က ဘူဒင္ဘရြတ္ခ္ဟူေသာအမည္ျဖင့္ ျမန္မာျပန္ထားသည္။ ထို႔အျပင္ The Magic Mountain ဝတၳဳကိုလည္း ျမန္မာဘာသာသို႔ ျပန္ဆိုထားမႈရွိသည္ဟု သိရသည္)

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-966901767, 09-268022352 သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Germany buys Thomas Mann's California villa (dw.com)