ပေါက်ဂဏန်း

[Unicode]

ထိုနေ့က ကျွန်တော်လက်ဖက်ရည်ဆိုင်ထိုင်နေသည်။လက်ဖက်ရည်ဆိုင်ဆိုသည်က လူစုံတက်စုံရှိလှသည်။ အိမ်ပွဲစား၊ကားပွဲစား၊တစ်လုံးသမားနှစ်လုံးသမား၊သုံးလုံးသမား၊ကျားနှင့်စစ်တုရင်သမားတို့လည်းပါသည်။

ဒီလက်ဖက်ရည်ဆိုင်မှာ ဒီလူတွေဒီမျက်နှာတွေပဲ နေ့စဉ်တွေ့နေကြရသည်။နောက်နေ့လည်းတွေ့ရမည်။ တနေကုန်ထိုင်သူတွေလည်း တွေ့ရသည်။လက်ဖက်ရည်ဆိုင်ကဖွင့်ထားသည့် ရုပ်သံလိုင်းကိုထိုင်ကြည့်ရင်း အချိန်ဖြုန်းသူတွေရှိသည်။ထိုင်းလိုင်းကလာမည့် အစီအစဉ်ကိုစောင့်နေသူတွေလည်းရှိသည်။

အဲဒီလက်ဖက်ရည်ဆိုင်ရဲ့ အစည်ကားဆုံးအချိန်က နှစ်လုံးဂဏန်းထွက်ချိန်ဖြစ်သည်။ထိုအချိန်ဆိုရင် အလျှိုလျှိုပင် လက်ဖက်ရည်ဆိုင်ကိုရောက်လာကြသည်။လက်လုပ်လက်စားလူတန်းစားက အများဆုံးဖြစ်ပြီး အလယ်အလတ် တန်းစားတစ်ယောက်နှစ်လောက်သာ ဒီအပေါ်စိတ်ဝင်စားမှုကိုတွေ့ရသည်။

ကျွန်တော်က စိတ်ဝင်စားသည်က နှစ်လုံးဂဏန်းထက် နှစ်လုံးဂဏန်းထိုးသူတို့ရဲ့ နေပုံထိုင်ပုံပြောပုံဆိုပုံတို့ကို ကြည့်ရသည်ကို ပိုပြီးစိတ်ဝင်စားသည်။တစ်ပတ်မှာ စနေ၊တနင်္ဂနွေကလွဲရင် နေ့တိုင်း တစ်နေ့ကိုနှစ်ကြိမ် ပေါက်ဂဏန်းထွက်သည်။

မိုးလင်းလို့ ဒီလူတွေလက်ဖက်ရည်ဆိုင်မှာ လာတွေ့ကြရင် ညကတွက်ထားလို့ရတဲ့ဂဏန်းက ဘယ်လိုဘယ်ဝှာနဲ့ သူတွက်ထားတာနှင့် ကိုယ်တွက်ထားသည့် ဇယားချင်းတိုက်ဆိုင်ကြသည်။အရင်ကဒီလိုလာထားလို့ ဒီအချိန်မှာ ဒီလိုလာလိမ့်မယ်ဆိုတာမျိုးတွေနဲ့ ဂဏန်းကောက်ကြသည်။တစ်ခါတစ်ရံ သူတို့ကြည့်ရသည်မှာ သုတေသန သမားများလားတောင် အောင့်မေ့ရသည်။ဘယ်တုန်းက ဘယ်လိုဖြစ်ခဲ့တာ ဆိုတာကို ကလင်ဒါချပြလို့ချပြနဲ့။

တွက်ချက်မှုတွေက သင်္ချာဆရာတောင် အရှုံးပေးရလောက်ပါသည်။တစ်ယောက်တွက် တစ်ယောက်တွက်နှင့် သူတို့အတွက် အကောင်းဆုံးဂဏန်းတွေ ထွက်လာသည်။

တွက်ချက်မှုတွေကနေရလာသည့် ဂဏန်းအပေါ် တကယ်ပဲ အပြည့်အဝ ယုံကြည်ပြီလားဆိုတော့ အဲဒီလိုလည်း မဟုတ်ပြန်။လိုရမယ်ရ “အာ”ကြပြန်သေးသည်။အာတယ်ဆို ရှေ့နောက်တစ်ပြန်စီထားပြီး ထိုးခြင်းဖြစ်သည်။ နှစ်လုံးကိုအာတော့ နှစ်ကွက်ရသည်။

သုံးလုံးဂဏန်းကိုလည်း ဒီလိုပါပဲ။အာလိုက်တော့ အကွက်တွေပွားများလာသည်။ပုံသေတွက်နည်းတွေနဲ့ အဖြေထုတ် တွက်ချက်ထားပေမယ့် လူတွေဟာ ကံကြမ္မာကို မယုံရဲပြန်ပါဘူး။တကယ်တွက်ချက်မှုမှန်တယ်လို့ အဖြေထုတ်ဝံ့ရင် တစ်ကွက်ထဲနဲ့ ပြီးရမှာဖြစ်သည်။အဲဒီတော့ ဟိုအကွက်နည်းနည်း ဒီအကွက်နည်းနည်း တကယ်ပေါက်ဂဏန်းပါလို့ ပေါက်တော့လည်း ရတာလေးကနည်းနည်းပါပဲ။

စားစရာမရှိပေမဲ့ ထိုးစရာကိုတော့ ရအောင်ရှာပြီးထိုးကြသည်။ယောက်ျားတွေလားဆိုတော့ မိန်းမတွေလည်း များလှသည်။

ဒီလိုနဲ့နေ့စဉ်ရက်ဆက်ထိုးကြသည် ထိုးသားတွေကိုကြည့်ရာ လူလူသူသူ တောက်ပြောင်လာသလားဆိုတော့ လက်ခွဲဒိုင်လောက်တောင် တောက်ပြောင်လာတာမတွေ့ရ။

လက်ခွဲဒိုင်ကမှ စက်ဘီးကနေ ဆိုင်ကယ်ဖြစ်လာသေးသည်။ပျဉ်ထောင်အိမ်ကနေ အုတ်နံရံကတ်ဖြစ်လာ သေးသည်။ဒါပေမဲ့ အားလုံးဟာ ကြွေတစ်လှည့်ကြက်တစ်ခုန်ပါပဲ။ရေရာသေချာသည့် စီးပွားရှာခြင်းမဟုတ်ပေ။

တချို့ကံလေးစွတ်လို့ တစ်ခါရပါသည်။နောက်တစ်ခါရနိုးနှင့် အချိန်တိုင်းထိုးရင်းနှင့် အိမ်ပျောက်ယာပျောက်နှင့် ဘဝတို့ပျောက်ပျက်ကုန်ကြသည်။

ဒါပေမဲ့ မိုးလင်းလို့ ဒီလက်ဖက်ရည်ဆိုင်ရဲ့မြင်ကွင်းမှာ သူတို့တွေနဲ့စည်ကားနေဦးမည်။ တွက်ချက်မှုတွေနဲ့ အလုပ်တွေရှုပ်နေကြဦးမည်။ငြင်းခုန်မှုတွေနဲ့ အဖြေရှာကြပေဦးမည်။

ကံကြမ္မာကိုတွက်ချက်ပြီး အဖြေရှာတာတောင်လွဲချော်နေသေးရင်….ကျွန်တော်စဉ်းစားနေမိသည်။

ထိုအချိန် လက်ဖက်ရာဆိုင်ရှေ့ ကားလမ်းမပေါ်တွင် ဟိုခပ်ဝေးဝေးကနေပြီး ပြေးလာနေသည့် ကားတန်းရှည်တို့မှ သံဝေဂတေးတို့ဖွင်လာသံ ကျွန်တော်ကြားရသည်။သံဝေဂတေးကိုနာရေးပို့ဆောင်သည့် ကားတို့မှသာဖွင့်ကြသည်။

အကြံတစ်ခုရလိုက်သည်။သူများတွေလိုတွက်ဂဏန်းတွေရှာမနေတော့ ဖြတ်သွားမည့်ကားမှ သေသူ၏ အသက်နဲ့ ကျွန်တော့်ကံကြမ္မာကိုထပ်ကြည်လိုက်ဖို့ အလျင်အမြန်လိုက်မှတ်လိုက်ပါတော့သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-966901767, 09-268022352 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ကိုမေတ္တာ (တောင်ပေါ်သား) ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

ေပါက္ဂဏန္း

ထိုေန႔က ကၽြန္ေတာ္လက္ဖက္ရည္ဆိုင္ထိုင္ေနသည္။လက္ဖက္ရည္ဆိုင္ဆိုသည္က လူစုံတက္စုံရွိလွသည္။ အိမ္ပြဲစား၊ကားပြဲစား၊တစ္လုံးသမားႏွစ္လုံးသမား၊သုံးလုံးသမား၊က်ားႏွင့္စစ္တုရင္သမားတို႔လည္းပါသည္။

ဒီလက္ဖက္ရည္ဆိုင္မွာ ဒီလူေတြဒီမ်က္ႏွာေတြပဲ ေန႔စဥ္ေတြ႔ေနၾကရသည္။ေနာက္ေန႔လည္းေတြ႔ရမည္။ တေနကုန္ထိုင္သူေတြလည္း ေတြ႔ရသည္။လက္ဖက္ရည္ဆိုင္ကဖြင့္ထားသည့္ ရုပ္သံလိုင္းကိုထိုင္ၾကည့္ရင္း အခ်ိန္ျဖဳန္းသူေတြရွိသည္။ထိုင္းလိုင္းကလာမည့္ အစီအစဥ္ကိုေစာင့္ေနသူေတြလည္းရွိသည္။

အဲဒီလက္ဖက္ရည္ဆိုင္ရဲ႕ အစည္ကားဆုံးအခ်ိန္က ႏွစ္လုံးဂဏန္းထြက္ခ်ိန္ျဖစ္သည္။ထိုအခ်ိန္ဆိုရင္ အလွ်ိဳလွ်ိဳပင္ လက္ဖက္ရည္ဆိုင္ကိုေရာက္လာၾကသည္။လက္လုပ္လက္စားလူတန္းစားက အမ်ားဆုံးျဖစ္ၿပီး အလယ္အလတ္ တန္းစားတစ္ေယာက္ႏွစ္ေလာက္သာ ဒီအေပၚစိတ္ဝင္စားမႈကိုေတြ႔ရသည္။

ကၽြန္ေတာ္က စိတ္ဝင္စားသည္က ႏွစ္လုံးဂဏန္းထက္ ႏွစ္လုံးဂဏန္းထိုးသူတို႔ရဲ႕ ေနပုံထိုင္ပုံေျပာပုံဆိုပုံတို႔ကို ၾကည့္ရသည္ကို ပိုၿပီးစိတ္ဝင္စားသည္။တစ္ပတ္မွာ စေန၊တနဂၤေႏြကလြဲရင္ ေန႕တိုင္း တစ္ေန႔ကိုႏွစ္ႀကိမ္ ေပါက္ဂဏန္းထြက္သည္။

မိုးလင္းလို႔ ဒီလူေတြလက္ဖက္ရည္ဆိုင္မွာ လာေတြ႔ၾကရင္ ညကတြက္ထားလို႔ရတဲ့ဂဏန္းက ဘယ္လိုဘယ္ဝွာနဲ႔ သူတြက္ထားတာႏွင့္ ကိုယ္တြက္ထားသည့္ ဇယားခ်င္းတုိက္ဆိုင္ၾကသည္။အရင္ကဒီလိုလာထားလို႔ ဒီအခ်ိန္မွာ ဒီလိုလာလိမ့္မယ္ဆိုတာမ်ိဳးေတြနဲ႕ ဂဏန္းေကာက္ၾကသည္။တစ္ခါတစ္ရံ သူတို႔ၾကည့္ရသည္မွာ သုေတသန သမားမ်ားလားေတာင္ ေအာင့္ေမ့ရသည္။ဘယ္တုန္းက ဘယ္လိုျဖစ္ခဲ့တာ ဆိုတာကို ကလင္ဒါခ်ျပလို႔ခ်ျပနဲ႔။

တြက္ခ်က္မႈေတြက သခ်ၤာဆရာေတာင္ အရႈံးေပးရေလာက္ပါသည္။တစ္ေယာက္တြက္ တစ္ေယာက္တြက္ႏွင့္ သူတို႔အတြက္ အေကာင္းဆုံးဂဏန္းေတြ ထြက္လာသည္။

တြက္ခ်က္မႈေတြကေနရလာသည့္ ဂဏန္းအေပၚ တကယ္ပဲ အျပည့္အဝ ယုံၾကည္ၿပီလားဆိုေတာ့ အဲဒီလိုလည္း မဟုတ္ျပန္။လိုရမယ္ရ “အာ”ၾကျပန္ေသးသည္။အာတယ္ဆို ေရွ႔ေနာက္တစ္ျပန္စီထားၿပီး ထိုးျခင္းျဖစ္သည္။ ႏွစ္လုံးကိုအာေတာ့ ႏွစ္ကြက္ရသည္။

သုံးလုံးဂဏန္းကိုလည္း ဒီလိုပါပဲ။အာလိုက္ေတာ့ အကြက္ေတြပြားမ်ားလာသည္။ပုံေသတြက္နည္းေတြနဲ႔ အေျဖထုတ္ တြက္ခ်က္ထားေပမယ့္ လူေတြဟာ ကံၾကမၼာကို မယုံရဲျပန္ပါဘူး။တကယ္တြက္ခ်က္မႈမွန္တယ္လို႔ အေျဖထုတ္ဝံ႔ရင္ တစ္ကြက္ထဲနဲ႔ ၿပီးရမွာျဖစ္သည္။အဲဒီေတာ့ ဟိုအကြက္နည္းနည္း ဒီအကြက္နည္းနည္း တကယ္ေပါက္ဂဏန္းပါလို႔ ေပါက္ေတာ့လည္း ရတာေလးကနည္းနည္းပါပဲ။

စားစရာမရွိေပမဲ့ ထိုးစရာကိုေတာ့ ရေအာင္ရွာၿပီးထိုးၾကသည္။ေယာက်္ားေတြလားဆိုေတာ့ မိန္းမေတြလည္း မ်ားလွသည္။

ဒီလိုနဲ႔ေန႔စဥ္ရက္ဆက္ထိုးၾကသည္ ထိုးသားေတြကိုၾကည့္ရာ လူလူသူသူ ေတာက္ေျပာင္လာသလားဆိုေတာ့ လက္ခြဲဒိုင္ေလာက္ေတာင္ ေတာက္ေျပာင္လာတာမေတြ႔ရ။

လက္ခြဲဒိုင္ကမွ စက္ဘီးကေန ဆိုင္ကယ္ျဖစ္လာေသးသည္။ပ်ဥ္ေထာင္အိမ္ကေန အုတ္နံရံကတ္ျဖစ္လာ ေသးသည္။ဒါေပမဲ့ အားလုံးဟာ ေၾကြတစ္လွည့္ၾကက္တစ္ခုန္ပါပဲ။ေရရာေသခ်ာသည့္ စီးပြားရွာျခင္းမဟုတ္ေပ။

တခ်ိဳ႕ကံေလးစြတ္လို႔ တစ္ခါရပါသည္။ေနာက္တစ္ခါရႏုိးႏွင့္ အခ်ိန္တိုင္းထိုးရင္းႏွင့္ အိမ္ေပ်ာက္ယာေပ်ာက္ႏွင့္ ဘဝတို႔ေပ်ာက္ပ်က္ကုန္ၾကသည္။

ဒါေပမဲ့ မိုးလင္းလို႔ ဒီလက္ဖက္ရည္ဆိုင္ရဲ႕ျမင္ကြင္းမွာ သူတို႔ေတြနဲ႔စည္ကားေနဦးမည္။ တြက္ခ်က္မႈေတြနဲ႔ အလုပ္ေတြရႈပ္ေနၾကဦးမည္။ျငင္းခုန္မႈေတြနဲ႔ အေျဖရွာၾကေပဦးမည္။

ကံၾကမၼာကိုတြက္ခ်က္ၿပီး အေျဖရွာတာေတာင္လြဲေခ်ာ္ေနေသးရင္….ကၽြန္ေတာ္စဥ္းစားေနမိသည္။

ထိုအခ်ိန္ လက္ဖက္ရာဆိုင္ေရွ႕ ကားလမ္းမေပၚတြင္ ဟိုခပ္ေဝးေဝးကေနၿပီး ေျပးလာေနသည့္ ကားတန္းရွည္တို႔မွ သံေဝဂေတးတို႔ဖြင္လာသံ ကၽြန္ေတာ္ၾကားရသည္။သံေဝဂေတးကိုနာေရးပို႔ေဆာင္သည့္ ကားတို႔မွသာဖြင့္ၾကသည္။

အၾကံတစ္ခုရလိုက္သည္။သူမ်ားေတြလိုတြက္ဂဏန္းေတြရွာမေနေတာ့ ျဖတ္သြားမည့္ကားမွ ေသသူ၏ အသက္နဲ႔ ကၽြန္ေတာ့္ကံၾကမၼာကိုထပ္ၾကည္လိုက္ဖို႔ အလ်င္အျမန္လိုက္မွတ္လိုက္ပါေတာ့သည္။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-966901767, 09-268022352 သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ကိုေမတၱာ (ေတာင္ေပၚသား) ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com