“သေရမှာကြောက်စရာလား ဆိုတော့”

[Unicode]

သေရမှာကြောက်စရာလားဆိုတော့ မသေခင်မှာ ခံစားရတာတွေက ပိုပြီးကြောက်စရာလို့ ထင်ပါသည်။

သေသွားရင် ဒီဘဝအတွက် လက်ရှိခံစားနေရသည့် ဝေဒနာတွေကနေ ချုပ်ငြိမ်းသွားလို့ ပူလောင်ခြင်းတွေကနေ လွတ်မြောက်သွားပြီလို့ ထင်တတ်ပါသည်။အမတနိဗ္ဗာန်ဘုံသို့ သွားတာမဟုတ်သည့်အတွက်တော့ ဝေဒနာတွေရဲ့ ခံစားမှုအဆုံးမှာ နောက်ထပ်ခရီးသစ်ကိုထွက်ခွါသွားကြရမှာကတော့ သေချာပါသည်။

သေသည့်နေရာတွင် လူများသည် ဖျိုးကနဲ ဖျတ်ကနဲ ရုတ်တရက်ချက်ချင်း သေဆုံးသွားခြင်းကို တောင့်တကြသည်။ ဒါကဝေဒနာ မခံစားရဘူးထင်တာကြောင့်လည်းဖြစ်နိုင်သလို ဝေဒနာကို တာရှည်မခံစားလိုခြင်းကြောင့်လည်း ဖြစ်မည်ထင်သည်။

ဒါပေမဲ့ သေခြင်းကို ရုတ်တရက်ကြုံလိုက်သည့် အခိုက်အတန့်လေးအတွင်းမှာတောင် အပြင်းထန်ဆုံးသော ဝေဒနာကို ခံစားသွားကြရသည်ဟု စာရေးသူအနေနှင့်ထင်မြင်ယူဆသည်။

ဒါကလည်း လူမှုကွန်ရက်တွင် ရုတ်တရက်သေဖို့ကြုံသွားသူများ၏ ဖြစ်ရပ်များကို တင်ထားရာတွင် တွေ့မြင်ရသည့် မြင်ကွင်းများက ခံစားရသည့် ဝေဒနာတို့၏ ပြင်းထန်မှုကို သိနိုင်သည်။

မိုးရွာနေစဉ် လမ်းဖြတ်ကူးသူတစ်ယောက်သည် လမ်းအလယ်တွင်ချော်ပြီး ပက်လက်လန်လဲကျသွားရာ ဦးခေါင်းနောက်ဖက်သည် လမ်းနှင့်စောင့်မိသွားသည်ကိုတွေ့ရသည်။ကြည့်နေသူအနေနှင့် မြင်ကွင်းအရ ပြန်ထနိုင်လိမ့်မည်ဟု ထင်မိသော်လည်း ခြေနှင့်လက်တို့ အကြောများဆွဲကာ ခဏအတွင်း ငြိမ်သက်သေဆုံးသွားသည်ကို တွေ့ရသည်။

နောက်တစ်ဦးက မိသားစုနှင့်တီဗီကြည့်ရင်း ကော်ဖီသောက်နေစဉ် ရုတ်တရက် ခန္ဓာကိုယ်သည် ပြာနှမ်းသွားသလိုဖြစ်ကာ တောင့်တောင့်မတ်မတ်ကြီးလဲကျကာ သေဆုံးသွားသည်။

အချိန်တိုသော်လည်း ဝေဒနာ၏ပြင်းထန်မှုကိုသိနိုင်သည်။ဝေဒနာ မခံစားနိုင်တော့ခြင်း၏နောက်တွင် အသက်ဇီဝိန်တို့ ချုပ်ငြိမ်းခြင်းသို့ ရောက်ရသည်။

အချို့သောသူများသည် မသေခင်ဝေဒနာကို အလူးအလိမ့်ခံစားပြီး ရုန်းရင်ဆန်ခတ်ဖြစ်ကာ သေကြရသည်။ အချို့သည် ဝေဒနာကို အပြင်းအထန်ခံစားခဲ့ရသော်လည်း အတော်ကြာငြိမ်သက်သွားပြီးမှ သတိထားပြီး ကြည့်သူမှသာ သိနိုင်သော ထွက်သက်လေးကို မှုတ်ထုတ်ပြီး သေဆုံးသွားကြသည်။

အချို့သော သူများသည် ဘာအနာရောဂါမှာမရှိသလိုပါဘဲ နိမိတ်ပြစကားတွေကို အားရအောင်ပြောခြင်း၊ သူငယ်ချင်းမိတ်ဆွေများနှင့် ပြောဆိုနောက်ပြောင်၊ခွဲခွာစကားတွေပြောကာ ပုံမှန်အတိုင်း အိပ်ရာဝင်ခဲ့ပြီး နောက်နေ့မနက်တွင် အသက်ကင်းမဲ့နေသည်သူများလည်း တွေ့ကြရသည်။

သေခြင်းဟာ နာခြင်းကင်းသွားတာပါပဲ။လူတွေကြောက်သည်က မသေခင်ခံစားရမည့် နာကျင်ခြင်းကိုသာ ကြောက်ရွံ့ကြခြင်းဖြစ်သည်။

လူရယ်လို့ဖြစ်ခဲ့ကတည်းက နာကျင်ခြင်းဝေဒနာတွေက ကြုံခဲ့ကြသည်။ကြုံနေရသေးသည်။မသေဆုံးခင်ထိ ကြုံတွေ့ကြရဦးမည်။

လူတိုင်းအဆုံးသတ်ခရီးဖြစ်သည့် သေရမှာကိုကြောက်မနေပါနှင့်။မသေခင်ကြုံတွေ့နေကြရသည့် စိတ်နှင့်ခန္ဓာတို့တွင် ဖြစ်တတ်သည့် ဝေဒနာတို့ကို သက်သာလျော့ပါးအောင် ဒါန၊သီလ၊ဘာဝနာတရားတို့ကို ကိုယ့်စိတ်မှာ အသင့်အမြဲရှိနေအောင်နဲ့လုပ်ထားကြရပါမည်။မမေ့မလျော့ မပေါ့ဆသည့် သတိတရားတို့ အားကောင်းထားသူတစ်ယောက်သည် သေပေါက်ဝကို ရောက်နေရင်တောင် ခံနိုင်ရည်ကောင်းကောင်းနဲ့ ကြောက်ရွံ့ခြင်းကင်းစွာဖြတ်ကျော်နိုင်ပါလိမ့်မည်ဟု ယုံကြည်မိပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-966901767, 09-268022352 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ဥက္ကာသစ္စာ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

“ေသရမွာေၾကာက္စရာလား ဆိုေတာ့”

ေသရမွာေၾကာက္စရာလားဆိုေတာ့ မေသခင္မွာ ခံစားရတာေတြက ပိုၿပီးေၾကာက္စရာလို႔ ထင္ပါသည္။

ေသသြားရင္ ဒီဘဝအတြက္ လက္ရွိခံစားေနရသည့္ ေဝဒနာေတြကေန ခ်ဳပ္ၿငိမ္းသြားလို႔ ပူေလာင္ျခင္းေတြကေန လြတ္ေျမာက္သြားၿပီလို႔ ထင္တတ္ပါသည္။အမတနိဗၺာန္ဘုံသို႔ သြားတာမဟုတ္သည့္အတြက္ေတာ့ ေဝဒနာေတြရဲ႕ ခံစားမႈအဆုံးမွာ ေနာက္ထပ္ခရီးသစ္ကိုထြက္ခြါသြားၾကရမွာကေတာ့ ေသခ်ာပါသည္။

ေသသည့္ေနရာတြင္ လူမ်ားသည္ ဖ်ိဳးကနဲ ဖ်တ္ကနဲ ရုတ္တရက္ခ်က္ခ်င္း ေသဆုံးသြားျခင္းကို ေတာင့္တၾကသည္။ ဒါကေဝဒနာ မခံစားရဘူးထင္တာေၾကာင့္လည္းျဖစ္ႏိုင္သလို ေဝဒနာကို တာရွည္မခံစားလိုျခင္းေၾကာင့္လည္း ျဖစ္မည္ထင္သည္။

ဒါေပမဲ့ ေသျခင္းကို ရုတ္တရက္ၾကဳံလိုက္သည့္ အခိုက္အတန္႔ေလးအတြင္းမွာေတာင္ အျပင္းထန္ဆုံးေသာ ေဝဒနာကို ခံစားသြားၾကရသည္ဟု စာေရးသူအေနႏွင့္ထင္ျမင္ယူဆသည္။

ဒါကလည္း လူမႈကြန္ရက္တြင္ ရုတ္တရက္ေသဖို႔ၾကဳံသြားသူမ်ား၏ ျဖစ္ရပ္မ်ားကို တင္ထားရာတြင္ ေတြ႔ျမင္ရသည့္ ျမင္ကြင္းမ်ားက ခံစားရသည့္ ေဝဒနာတို႔၏ ျပင္းထန္မႈကို သိႏိုင္သည္။

မိုးရြာေနစဥ္ လမ္းျဖတ္ကူးသူတစ္ေယာက္သည္ လမ္းအလယ္တြင္ေခ်ာ္ၿပီး ပက္လက္လန္လဲက်သြားရာ ဦးေခါင္းေနာက္ဖက္သည္ လမ္းႏွင့္ေစာင့္မိသြားသည္ကိုေတြ႔ရသည္။ၾကည့္ေနသူအေနႏွင့္ ျမင္ကြင္းအရ ျပန္ထႏိုင္လိမ့္မည္ဟု ထင္မိေသာ္လည္း ေျခႏွင့္လက္တို႔ အေၾကာမ်ားဆြဲကာ ခဏအတြင္း ၿငိမ္သက္ေသဆုံးသြားသည္ကို ေတြ႔ရသည္။

ေနာက္တစ္ဦးက မိသားစုႏွင့္တီဗီၾကည့္ရင္း ေကာ္ဖီေသာက္ေနစဥ္ ရုတ္တရက္ ခႏၶာကိုယ္သည္ ျပာႏွမ္းသြားသလိုျဖစ္ကာ ေတာင့္ေတာင့္မတ္မတ္ႀကီးလဲက်ကာ ေသဆုံးသြားသည္။

အခ်ိန္တိုေသာ္လည္း ေဝဒနာ၏ျပင္းထန္မႈကိုသိႏိုင္သည္။ေဝဒနာ မခံစားႏိုင္ေတာ့ျခင္း၏ေနာက္တြင္ အသက္ဇီဝိန္တို႔ ခ်ဳပ္ၿငိမ္းျခင္းသို႔ ေရာက္ရသည္။

အခ်ိဳ႕ေသာသူမ်ားသည္ မေသခင္ေဝဒနာကို အလူးအလိမ့္ခံစားၿပီး ရုန္းရင္ဆန္ခတ္ျဖစ္ကာ ေသၾကရသည္။ အခ်ိဳ႕သည္ ေဝဒနာကို အျပင္းအထန္ခံစားခဲ့ရေသာ္လည္း အေတာ္ၾကာၿငိမ္သက္သြားၿပီးမွ သတိထားၿပီး ၾကည့္သူမွသာ သိႏိုင္ေသာ ထြက္သက္ေလးကို မႈတ္ထုတ္ၿပီး ေသဆုံးသြားၾကသည္။

အခ်ိဳ႕ေသာ သူမ်ားသည္ ဘာအနာေရာဂါမွာမရွိသလိုပါဘဲ နိမိတ္ျပစကားေတြကို အားရေအာင္ေျပာျခင္း၊ သူငယ္ခ်င္းမိတ္ေဆြမ်ားႏွင့္ ေျပာဆိုေနာက္ေျပာင္၊ခြဲခြာစကားေတြေျပာကာ ပုံမွန္အတိုင္း အိပ္ရာဝင္ခဲ့ၿပီး ေနာက္ေန႔မနက္တြင္ အသက္ကင္းမဲ့ေနသည္သူမ်ားလည္း ေတြ႕ၾကရသည္။

ေသျခင္းဟာ နာျခင္းကင္းသြားတာပါပဲ။လူေတြေၾကာက္သည္က မေသခင္ခံစားရမည့္ နာက်င္ျခင္းကိုသာ ေၾကာက္ရြံ႕ၾကျခင္းျဖစ္သည္။

လူရယ္လို႔ျဖစ္ခဲ့ကတည္းက နာက်င္ျခင္းေဝဒနာေတြက ႀကဳံခဲ့ၾကသည္။ႀကံဳေနရေသးသည္။မေသဆုံးခင္ထိ ႀကဳံေတြ႔ၾကရဦးမည္။

လူတိုင္းအဆုံးသတ္ခရီးျဖစ္သည့္ ေသရမွာကိုေၾကာက္မေနပါႏွင့္။မေသခင္ႀကဳံေတြ႔ေနၾကရသည့္ စိတ္ႏွင့္ခႏၶာတို႔တြင္ ျဖစ္တတ္သည့္ ေဝဒနာတို႔ကို သက္သာေလ်ာ့ပါးေအာင္ ဒါန၊သီလ၊ဘာဝနာတရားတို႔ကို ကိုယ့္စိတ္မွာ အသင့္အျမဲရွိေနေအာင္နဲ႔လုပ္ထားၾကရပါမည္။မေမ့မေလ်ာ့ မေပါ့ဆသည့္ သတိတရားတို႔ အားေကာင္းထားသူတစ္ေယာက္သည္ ေသေပါက္ဝကို ေရာက္ေနရင္ေတာင္ ခံႏိုင္ရည္ေကာင္းေကာင္းနဲ႔ ေၾကာက္ရြံ႕ျခင္းကင္းစြာျဖတ္ေက်ာ္ႏိုင္ပါလိမ့္မည္ဟု ယုံၾကည္မိပါသည္။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-966901767, 09-268022352 သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ဥကၠာသစၥာ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com