ဘယ်တော့မှမရောက်တော့မည့် တားမြစ်နေရာများ

[Unicode]

၁။ မြွေကျွန်း၊ ဘရာဇီး

- ဘရာဇီးနိုင်ငံ ဆော်ဝ်ပေါ်လိုကမ်းရိုးတန်းအလွန် ၉၃ မိုင်ခန့်မှာ ရှိပါတယ်။ အဲ့ဒီမှာ မြေ ၁၀ စတုရန်းပေတစ်ကွက်စာမှာတင် မြွေကောင်ရေ တစ်ကောင်ကနေ ငါးကောင်အကြားရှိတယ်လို့ သုတေသီတွေက ခန့်မှန်းထားပါတယ်။ ရွှေရောင်လှံတံထိပ်ပုံဦးခေါင်းတွေရှိကြတဲ့ အဲ့ဒီမြွေတွေဟာ သူတို့ကိုက်လိုက်တဲ့နေရာတစ်ဝိုက်က အသားကို တစ်စစီဖြစ်သွားစေနိုင်တဲ့ အဆိပ်တွေရှိကြပါတယ်။ ဒါကြောင့်မို့ပဲ အဲ့ဒီမြွေကျွန်းကို လူတွေလည်ပတ်ခွင့်မပြုထားတာပဲ ဖြစ်ပါတယ်။

၂။ လက်စ်ကော့လိုဏ်ဂူ၊ ပြင်သစ်

- ပြင်သစ်နိုင်ငံအနောက်တောင်ပိုင်းရှိ လက်စ်ကော့စ်လိုဏ်ဂူဟာ နှစ် ၂ သောင်းခန့် သက်တမ်းရှိ ရင်သပ်ရှုမောဖွယ် ကျောက်ခေတ်ဦးပန်းချီလက်ရာများစွာရဲ့ နေအိမ်ကြီးပဲ ဖြစ်ပါတယ်။ လိုဏ်ဂူနံရံတွေမှာ ရေးဆွဲထားတဲ့ အဲ့ဒီပန်းချီရုပ်ပုံတွေကတော့ သမင်၊ ဒရယ်၊ ကျွဲ၊ နွား၊ နွားလားဥဿဖ၊ ကြောင် စတာတွေပဲ ဖြစ်ပါတယ်။ ၁၇ ပေလောက်ရှည်တဲ့ ကျွဲတစ်ကောင်ပုံပါဝင်တဲ့ ကျွဲလေးကောင်ပါနံရံပန်းချီရှိတဲ့ကျွဲခန်းမထဲက အဲဒီပန်းချီလက်ရာကတော့ အံ့သြမင်သက်ဖွယ်အကောင်းဆုံးပဲ ဖြစ်ပါတယ်။

ဝမ်းနည်းစရာကောင်းတာကတော့ အဲ့ဒီလိုဏ်ဂူမှာ လူ့ကျန်းမာရေးကို ထိခိုက်စေနိုင်တဲ့မှိုတွေရှိလာတာကြောင့် ၁၉၆၀ ပြည့်နှစ်ကတည်းက အများပြည်သူဝင်ရောက်လည်ပတ်ခွင့်ကို တားမြစ်လိုက်တာပဲ ဖြစ်ပါတယ်။ လူသားတွေလာရောက်လည်ပတ်မှုကြောင့်ပန်းချီလက်ရာတွေပျက်စီးသွားမယ့်အရေးစိုးရိမ်တာကြောင့်လည်း ပါတာပေါ့နော်။

ဒါပေမဲ့လည်း အဲ့ဒီလိုဏ်ဂူနံဘေးမှာ ပုံစံတူလိုဏ်ဂူနဲ့ ပြတိုက်တစ်ခုကို ၂၀၁၇ ခုနှစ်က ဖွင့်လှစ်လိုက်ပြီမို့ ဝမ်းနည်းစရာမလိုတော့ပါဘူးနော်။

၃။ Area 51၊ အမေရိကန်

- နီဗားဒါးကန္တာရထဲက ဖုံးကွယ်ထားတဲ့ ဒီစစ်အခြေစိုက်စခန်း Area 51 ဟာ သူရဲ့ရည်ရွယ်ချက်ကို လျှို့ဝှက်ချက်တစ်ခုအဖြစ် အချိန်အတန်ကြာထိန်းသိမ်းလာပါတယ်။ လူတော်တော်များများကတော့ Area 51 ဟာ နိုင်ငံရပ်ခြားတိုင်းတစ်ပါးသားတွေကို စမ်းသပ်ဖို့အတွက်လို့ ထင်မြင်နေကြပါတယ်။ သေချာတာတစ်ခုကတော့ အဲ့ဒီတားမြစ်နေရာကို ဝင်ရောက်ဖို့ကြိုးပမ်းမယ်ဆို အန္တရာယ်များမှာပါပဲ။ ဘာလို့ဆို အဲ့ဒီမြေပြင်ကို မိုင်းတွေနဲ့ အခြားအကာအကွယ်တွေနဲ့ ကာကွယ်ထားတာမို့ပါ။

၄။ North Sentinel ကျွန်း (မြောက်ကင်းကျွန်း)၊ အိန္ဒိယ

- ဘင်္ဂလားပင်လယ်အော်ရှိ အန်ဒမန်ကျွန်းစုရှိ ကျွန်းငယ်လေးတစ်ခုဖြစ်တဲ့ မြောက်ကင်းကျွန်းက ကျွန်းသူကျွန်းသားတွေဟာ ယနေ့ခေတ်ကမာ္ဘကြီးရဲ့ လွှမ်းမိုးမှုတွေကို ကာလရှည်ကြာဆန့်ကျင်လာခဲ့တာပါ။ သူတို့တွေဟာ ကျွန်းပြင်ပလောကက အပြင်လူတွေနဲ့ အဆက်အသွယ်လုပ်ဖို့ကို ငြင်းဆန်ထားကြပြီး သူတို့ရဲ့ သီးခြားဖြစ်တည်မှုကို အပြင်းအထန်ကာကွယ်ဖို့ပဲ ဆန္ဒရှိနေကြပါတယ်။ ၂၀၀၄ ဆူနာမီပြီးနောက် အိန္ဒိယကမ်းရိုးတန်းလုံခြုံရေးတပ်ဖွဲ့ဟာ အဲ့ဒီကျွန်းဝေဟင်ပေါ်ကနေ ထောက်လှမ်းမှုတစ်ခုပြုလုပ်စဉ်မှာ ကျွန်းပေါ်က တောအုပ်တွေထဲကနေ လူတွေထွက်ပေါ်လာပြီး တပ်ဖွဲ့ရဲ့ ရဟတ်ယာဉ်ကို မြားတွေနဲ့ပစ်ခဲ့ကြပါတယ်။

မြောက်ကင်းကျွန်းသူကျွန်းသားတွေ အဲ့ဒီကျွန်းပေါ်မှာ နေထိုင်လာခဲ့ကြတာဟာ နှစ်ပေါင်း ခြောက်သောင်းခန့်ရှိပါပြီ။ သူတို့ကို အိန္ဒိယအစိုးရက အကာအကွယ်ပေးထားပြီး ဘယ်လိုဧည့်သည်မျိုးမှ မသွားရောက်ကြဖို့ တားမြစ်ပေးထားပါတယ်။

၅။ ဘိုဟီးမီးယန်းတောအုပ်၊ အမေရိကန်

- ကယ်လီဖိုးနီးယားပြည်နယ် မွန်တီရီယိုမြို့ရှိ ဧကပေါင်း နှစ်သောင်းခုနစ်ထောင်ကျယ်ဝန်းတဲ့ဒီအထူးပြင်ဆင်ထားတဲ့တောအုပ်ထဲမှာ နှစ်စဉ်ဇူလိုင်လတိုင်း ကမာ္ဘ့ထိပ်တန်းအရေးကြီးပုဂ္ဂိုလ်တွေအတွက် သီတင်းပတ်နှစ်ပတ်ကြာ စိတ်လွတ်ကိုယ်လွတ်စားသောက်ပျော်ရွှင်ပွဲကြီးကို ကျင်းပလေ့ရှိပါတယ်။ ဒီတောအုပ်ကို အမေရိကန်သမ္မတတွေ၊ အစိုးရအဖွဲ့ဝင်တွေ၊ ထိပ်တန်းစီးပွားရေးခေါင်းဆောင်တွေ၊ အနုပညာရှင်တွေနဲ့ ဂီတပညာတွေပဲ လာရောက်ခွင့်ရှိပါတယ်။

၆။ Ise (အီဆေး) မဟာဗိမာန် ၊ ဂျပန်

- ဗိမာန်ပေါင်း ၈ သောင်းလောက်ရှိတဲ့ ကျွန်းနိုင်ငံ ဂျပန်မှာ အိုင်ဆဲမဟာဗိမာန်လောက် ဘယ်ဗိမာန်ကမှ ပိုအရေးမကြီးပါဘူး။ သူ့ရဲ့အနုစိတ်ဗိသုကာလက်ရာတွေကြောင့် နိုင်ငံ့တန်ဖိုးအကြီးဆုံးဗိမာန်တစ်ခုလည်း ဖြစ်ပါတယ်။ ဒေါ်လာတစ်သန်းတန်တယ်လို့ သိရပါတယ်။ သဘာဝတရားရဲ့ သေဆုံးခြင်းနဲ့ အသစ်ပြန်လည်ဖြစ်ပေါ်ခြင်းကို ကိုယ်စားပြုတဲ့ ရှင်တိုဓလေ့ရိုးရာအရ ဒီဗိမာန်ကို နှစ် ၂၀ ကြာတိုင်း ပြန်လည်တည်ဆောက်ပါတယ်။ ၂၀၁၃ ခုနှစ်က နောက်ဆုံးအကြိမ်ပြန်လည်တည်ဆောက်ထားတာပါ။ ဂျပန်တော်ဝင်မိသားစုဝင်တွေပဲ ဒီဗိမာန်ထဲကို ဝင်ခွင့်ရှိတာပါ။

၇။ ဟာ့ဒ်ကျွန်း၊ သြစတြေးလျ

- ကမာ္ဘ့အစွန်အဖျား၊ ဝေးလံခေါင်သီဆုံးကျွန်းတစ်ကျွန်းဖြစ်ပါတယ်။ ဟာ့ဒ်ကျွန်းကို ဥပဒေသတ်မှတ်ချက်အရ သြစတြေးလျက ပိုင်ပေမဲ့ သူ့ကို မာဒါဂတ်စ်ကာနဲ့ အန္တာတိကအကြားတစ်နေရာမှာ တွေ့နိုင်ပါတယ်။ သူ့ရဲ့ အသက်ဝင်ဆဲမီးတောင်နှစ်လုံးကြောင့် လူသိများပြီး ကျွန်းရဲ့ဧရိယာတော်တော်များများက ရေခဲလွှမ်းခံထားရပါတယ်။ ပင်လယ်ဖျံ၊ ငှက်တွေနဲ့ ပင်ဂွင်းအမျိုးအစားလေးမျိုးတို့ နေထိုင်ကျက်စားကြပါတယ်။ လူတွေသွားရောက်လည်ပတ်ခွင့်မရှိပေမဲ့ သိပ္ပံပညာရပ်ဆိုင်ရာအကြောင်းပြချက်တွေအတွက်တော့ အနီးရှိမက်ဒေါ်နယ်ကျွန်းအထိ သွားရောက်လို့ရပါတယ်။

၈။ ပိုဗေဂလီယာ၊ အီတလီ

- အီတလီမြောက်ပိုင်းရှိ ဗင်းနစ်နဲ့ လီဒိုမြို့တို့အကြားက ကျွန်းငယ်လေးဖြစ်ပါတယ်။ အဲ့ဒီကျွန်းဟာ သေဆုံးသွားသူတွေရဲ့ အဆင့်မြင့်အိမ်ခြံမြေတစ်ခုအဖြစ် ရာစုနှစ်များစွာ ဖြစ်တည်လာပါတယ်။ ၁၄ ရာစုမှာ ပလိပ်ရောဂါကူးစက်ခံရသူတွေကို သီးခြားခွဲထုတ်ထားရာနယ်မြေတစ်ခုဖြစ်လာခဲ့ပါတယ်။ ၁၉ ရာစုနှစ်မှာတော့ အီတလီမြောက်ပိုင်းက စိတ်မကျန်းမာသူတွေအတွက် ခိုလှုံရာနေရာတစ်ခုဖြစ်လာခဲ့ပါတယ်။ အဲ့ဒီကျွန်းမှာ ရက်စက်ကြမ်းကြုတ်တဲ့ဆရာဝန်တစ်ယောက်က လူနာတွေကို စမ်းသပ်မှုတွေပြုလုပ်ခဲ့တယ်လို့လည်း ကောလာဟလတွေရှိခဲ့ပါတယ်။ ဒီကနေ့မှာတော့ အဲ့ဒီမှာနေထိုင်ခဲ့ပြီး နှိပ်စက်ခံရကာသေဆုံးသွားခဲ့ပြီး သရဲတစ္ဆေတွေအဖြစ် မကျွတ်မလွတ်ကြသေးတဲ့ ဝိညာဉ်တွေရဲ့ ကျက်စားရာနေရာတစ်ခုအဖြစ် စွန့်ပစ်ခံထားရပါတယ်။ အီတလီနိုင်ငံသားတွေရော ခရီးသွားဧည့်သည်တွေကိုပါ သွားရောက်လည်ပတ်ခြင်းမပြုဖို့ တားမြစ်ထားပါတယ်။ အီတလီရဲ့ သရဲအခြောက်ဆုံးနေရာအဖြစ် ယူဆခံထားရတယ်လို့လည်း သိရှိရပါတယ်ရှင်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

[Zawgyi]

ဘယ္ေတာ့မွမေရာက္ေတာ့မည့္ တားျမစ္ေနရာမ်ား

၁။ ေႁမြကြၽန္း၊ ဘရာဇီး

- ဘရာဇီးႏိုင္ငံ ေဆာ္ဝ္ေပၚလိုကမ္း႐ိုးတန္းအလြန္ ၉၃ မိုင္ခန႔္မွာ ရွိပါတယ္။ အဲ့ဒီမွာ ေျမ ၁၀ စတုရန္းေပတစ္ကြက္စာမွာတင္ ေႁမြေကာင္ေရ တစ္ေကာင္ကေန ငါးေကာင္အၾကားရွိတယ္လို႔ သုေတသီေတြက ခန႔္မွန္းထားပါတယ္။ ေ႐ႊေရာင္လွံတံထိပ္ပုံဦးေခါင္းေတြရွိၾကတဲ့ အဲ့ဒီေႁမြေတြဟာ သူတို႔ကိုက္လိုက္တဲ့ေနရာတစ္ဝိုက္က အသားကို တစ္စစီျဖစ္သြားေစႏိုင္တဲ့ အဆိပ္ေတြရွိၾကပါတယ္။ ဒါေၾကာင့္မို႔ပဲ အဲ့ဒီေႁမြကြၽန္းကို လူေတြလည္ပတ္ခြင့္မျပဳထားတာပဲ ျဖစ္ပါတယ္။

၂။ လက္စ္ေကာ့လိုဏ္ဂူ၊ ျပင္သစ္

- ျပင္သစ္ႏိုင္ငံအေနာက္ေတာင္ပိုင္းရွိ လက္စ္ေကာ့စ္လိုဏ္ဂူဟာ ႏွစ္ ၂ ေသာင္းခန႔္ သက္တမ္းရွိ ရင္သပ္ရႈေမာဖြယ္ ေက်ာက္ေခတ္ဦးပန္းခ်ီလက္ရာမ်ားစြာရဲ႕ ေနအိမ္ႀကီးပဲ ျဖစ္ပါတယ္။ လိုဏ္ဂူနံရံေတြမွာ ေရးဆြဲထားတဲ့ အဲ့ဒီပန္းခ်ီ႐ုပ္ပုံေတြကေတာ့ သမင္၊ ဒရယ္၊ ကြၽဲ၊ ႏြား၊ ႏြားလားဥႆဖ၊ ေၾကာင္ စတာေတြပဲ ျဖစ္ပါတယ္။ ၁၇ ေပေလာက္ရွည္တဲ့ ကြၽဲတစ္ေကာင္ပုံပါဝင္တဲ့ ကြၽဲေလးေကာင္ပါနံရံပန္းခ်ီရွိတဲ့ကြၽဲခန္းမထဲက အဲဒီပန္းခ်ီလက္ရာကေတာ့ အံ့ၾသမင္သက္ဖြယ္အေကာင္းဆုံးပဲ ျဖစ္ပါတယ္။

ဝမ္းနည္းစရာေကာင္းတာကေတာ့ အဲ့ဒီလိုဏ္ဂူမွာ လူ႔က်န္းမာေရးကို ထိခိုက္ေစႏိုင္တဲ့မႈိေတြရွိလာတာေၾကာင့္ ၁၉၆၀ ျပည့္ႏွစ္ကတည္းက အမ်ားျပည္သူဝင္ေရာက္လည္ပတ္ခြင့္ကို တားျမစ္လိုက္တာပဲ ျဖစ္ပါတယ္။ လူသားေတြလာေရာက္လည္ပတ္မႈေၾကာင့္ပန္းခ်ီလက္ရာေတြပ်က္စီးသြားမယ့္အေရးစိုးရိမ္တာေၾကာင့္လည္း ပါတာေပါ့ေနာ္။

ဒါေပမဲ့လည္း အဲ့ဒီလိုဏ္ဂူနံေဘးမွာ ပုံစံတူလိုဏ္ဂူနဲ႔ ျပတိုက္တစ္ခုကို ၂၀၁၇ ခုႏွစ္က ဖြင့္လွစ္လိုက္ၿပီမို႔ ဝမ္းနည္းစရာမလိုေတာ့ပါဘူးေနာ္။

၃။ Area 51၊ အေမရိကန္

- နီဗားဒါးကႏၲာရထဲက ဖုံးကြယ္ထားတဲ့ ဒီစစ္အေျခစိုက္စခန္း Area 51 ဟာ သူရဲ႕ရည္႐ြယ္ခ်က္ကို လွ်ိဳ႕ဝွက္ခ်က္တစ္ခုအျဖစ္ အခ်ိန္အတန္ၾကာထိန္းသိမ္းလာပါတယ္။ လူေတာ္ေတာ္မ်ားမ်ားကေတာ့ Area 51 ဟာ ႏိုင္ငံရပ္ျခားတိုင္းတစ္ပါးသားေတြကို စမ္းသပ္ဖို႔အတြက္လို႔ ထင္ျမင္ေနၾကပါတယ္။ ေသခ်ာတာတစ္ခုကေတာ့ အဲ့ဒီတားျမစ္ေနရာကို ဝင္ေရာက္ဖို႔ႀကိဳးပမ္းမယ္ဆို အႏၲရာယ္မ်ားမွာပါပဲ။ ဘာလို႔ဆို အဲ့ဒီေျမျပင္ကို မိုင္းေတြနဲ႔ အျခားအကာအကြယ္ေတြနဲ႔ ကာကြယ္ထားတာမို႔ပါ။

၄။ North Sentinel ကြၽန္း (ေျမာက္ကင္းကြၽန္း)၊ အိႏၵိယ

- ဘဂၤလားပင္လယ္ေအာ္ရွိ အန္ဒမန္ကြၽန္းစုရွိ ကြၽန္းငယ္ေလးတစ္ခုျဖစ္တဲ့ ေျမာက္ကင္းကြၽန္းက ကြၽန္းသူကြၽန္းသားေတြဟာ ယေန႔ေခတ္ကမာၻႀကီးရဲ႕ လႊမ္းမိုးမႈေတြကို ကာလရွည္ၾကာဆန႔္က်င္လာခဲ့တာပါ။ သူတို႔ေတြဟာ ကြၽန္းျပင္ပေလာကက အျပင္လူေတြနဲ႔ အဆက္အသြယ္လုပ္ဖို႔ကို ျငင္းဆန္ထားၾကၿပီး သူတို႔ရဲ႕ သီးျခားျဖစ္တည္မႈကို အျပင္းအထန္ကာကြယ္ဖို႔ပဲ ဆႏၵရွိေနၾကပါတယ္။ ၂၀၀၄ ဆူနာမီၿပီးေနာက္ အိႏၵိယကမ္း႐ိုးတန္းလုံၿခဳံေရးတပ္ဖြဲ႕ဟာ အဲ့ဒီကြၽန္းေဝဟင္ေပၚကေန ေထာက္လွမ္းမႈတစ္ခုျပဳလုပ္စဥ္မွာ ကြၽန္းေပၚက ေတာအုပ္ေတြထဲကေန လူေတြထြက္ေပၚလာၿပီး တပ္ဖြဲ႕ရဲ႕ ရဟတ္ယာဥ္ကို ျမားေတြနဲ႔ပစ္ခဲ့ၾကပါတယ္။

ေျမာက္ကင္းကြၽန္းသူကြၽန္းသားေတြ အဲ့ဒီကြၽန္းေပၚမွာ ေနထိုင္လာခဲ့ၾကတာဟာ ႏွစ္ေပါင္း ေျခာက္ေသာင္းခန႔္ရွိပါၿပီ။ သူတို႔ကို အိႏၵိယအစိုးရက အကာအကြယ္ေပးထားၿပီး ဘယ္လိုဧည့္သည္မ်ိဳးမွ မသြားေရာက္ၾကဖို႔ တားျမစ္ေပးထားပါတယ္။

၅။ ဘိုဟီးမီးယန္းေတာအုပ္၊ အေမရိကန္

- ကယ္လီဖိုးနီးယားျပည္နယ္ မြန္တီရီယိုၿမိဳ႕ရွိ ဧကေပါင္း ႏွစ္ေသာင္းခုနစ္ေထာင္က်ယ္ဝန္းတဲ့ဒီအထူးျပင္ဆင္ထားတဲ့ေတာအုပ္ထဲမွာ ႏွစ္စဥ္ဇူလိုင္လတိုင္း ကမာၻ႔ထိပ္တန္းအေရးႀကီးပုဂၢိဳလ္ေတြအတြက္ သီတင္းပတ္ႏွစ္ပတ္ၾကာ စိတ္လြတ္ကိုယ္လြတ္စားေသာက္ေပ်ာ္႐ႊင္ပြဲႀကီးကို က်င္းပေလ့ရွိပါတယ္။ ဒီေတာအုပ္ကို အေမရိကန္သမၼတေတြ၊ အစိုးရအဖြဲ႕ဝင္ေတြ၊ ထိပ္တန္းစီးပြားေရးေခါင္းေဆာင္ေတြ၊ အႏုပညာရွင္ေတြနဲ႔ ဂီတပညာေတြပဲ လာေရာက္ခြင့္ရွိပါတယ္။

၆။ Ise (အီေဆး) မဟာဗိမာန္ ၊ ဂ်ပန္

- ဗိမာန္ေပါင္း ၈ ေသာင္းေလာက္ရွိတဲ့ ကြၽန္းႏိုင္ငံ ဂ်ပန္မွာ အိုင္ဆဲမဟာဗိမာန္ေလာက္ ဘယ္ဗိမာန္ကမွ ပိုအေရးမႀကီးပါဘူး။ သူ႔ရဲ႕အႏုစိတ္ဗိသုကာလက္ရာေတြေၾကာင့္ ႏိုင္ငံ့တန္ဖိုးအႀကီးဆုံးဗိမာန္တစ္ခုလည္း ျဖစ္ပါတယ္။ ေဒၚလာတစ္သန္းတန္တယ္လို႔ သိရပါတယ္။ သဘာဝတရားရဲ႕ ေသဆုံးျခင္းနဲ႔ အသစ္ျပန္လည္ျဖစ္ေပၚျခင္းကို ကိုယ္စားျပဳတဲ့ ရွင္တိုဓေလ့႐ိုးရာအရ ဒီဗိမာန္ကို ႏွစ္ ၂၀ ၾကာတိုင္း ျပန္လည္တည္ေဆာက္ပါတယ္။ ၂၀၁၃ ခုႏွစ္က ေနာက္ဆုံးအႀကိမ္ျပန္လည္တည္ေဆာက္ထားတာပါ။ ဂ်ပန္ေတာ္ဝင္မိသားစုဝင္ေတြပဲ ဒီဗိမာန္ထဲကို ဝင္ခြင့္ရွိတာပါ။

၇။ ဟာ့ဒ္ကြၽန္း၊ ၾသစေၾတးလ်

- ကမာၻ႔အစြန္အဖ်ား၊ ေဝးလံေခါင္သီဆုံးကြၽန္းတစ္ကြၽန္းျဖစ္ပါတယ္။ ဟာ့ဒ္ကြၽန္းကို ဥပေဒသတ္မွတ္ခ်က္အရ ၾသစေၾတးလ်က ပိုင္ေပမဲ့ သူ႔ကို မာဒါဂတ္စ္ကာနဲ႔ အႏၲာတိကအၾကားတစ္ေနရာမွာ ေတြ႕ႏိုင္ပါတယ္။ သူ႔ရဲ႕ အသက္ဝင္ဆဲမီးေတာင္ႏွစ္လုံးေၾကာင့္ လူသိမ်ားၿပီး ကြၽန္းရဲ႕ဧရိယာေတာ္ေတာ္မ်ားမ်ားက ေရခဲလႊမ္းခံထားရပါတယ္။ ပင္လယ္ဖ်ံ၊ ငွက္ေတြနဲ႔ ပင္ဂြင္းအမ်ိဳးအစားေလးမ်ိဳးတို႔ ေနထိုင္က်က္စားၾကပါတယ္။ လူေတြသြားေရာက္လည္ပတ္ခြင့္မရွိေပမဲ့ သိပၸံပညာရပ္ဆိုင္ရာအေၾကာင္းျပခ်က္ေတြအတြက္ေတာ့ အနီးရွိမက္ေဒၚနယ္ကြၽန္းအထိ သြားေရာက္လို႔ရပါတယ္။

၈။ ပိုေဗဂလီယာ၊ အီတလီ

- အီတလီေျမာက္ပိုင္းရွိ ဗင္းနစ္နဲ႔ လီဒိုၿမိဳ႕တို႔အၾကားက ကြၽန္းငယ္ေလးျဖစ္ပါတယ္။ အဲ့ဒီကြၽန္းဟာ ေသဆုံးသြားသူေတြရဲ႕ အဆင့္ျမင့္အိမ္ၿခံေျမတစ္ခုအျဖစ္ ရာစုႏွစ္မ်ားစြာ ျဖစ္တည္လာပါတယ္။ ၁၄ ရာစုမွာ ပလိပ္ေရာဂါကူးစက္ခံရသူေတြကို သီးျခားခြဲထုတ္ထားရာနယ္ေျမတစ္ခုျဖစ္လာခဲ့ပါတယ္။ ၁၉ ရာစုႏွစ္မွာေတာ့ အီတလီေျမာက္ပိုင္းက စိတ္မက်န္းမာသူေတြအတြက္ ခိုလႈံရာေနရာတစ္ခုျဖစ္လာခဲ့ပါတယ္။ အဲ့ဒီကြၽန္းမွာ ရက္စက္ၾကမ္းၾကဳတ္တဲ့ဆရာဝန္တစ္ေယာက္က လူနာေတြကို စမ္းသပ္မႈေတြျပဳလုပ္ခဲ့တယ္လို႔လည္း ေကာလာဟလေတြရွိခဲ့ပါတယ္။ ဒီကေန႔မွာေတာ့ အဲ့ဒီမွာေနထိုင္ခဲ့ၿပီး ႏွိပ္စက္ခံရကာေသဆုံးသြားခဲ့ၿပီး သရဲတေစၦေတြအျဖစ္ မကြၽတ္မလြတ္ၾကေသးတဲ့ ဝိညာဥ္ေတြရဲ႕ က်က္စားရာေနရာတစ္ခုအျဖစ္ စြန႔္ပစ္ခံထားရပါတယ္။ အီတလီႏိုင္ငံသားေတြေရာ ခရီးသြားဧည့္သည္ေတြကိုပါ သြားေရာက္လည္ပတ္ျခင္းမျပဳဖို႔ တားျမစ္ထားပါတယ္။ အီတလီရဲ႕ သရဲအေျခာက္ဆုံးေနရာအျဖစ္ ယူဆခံထားရတယ္လို႔လည္း သိရွိရပါတယ္ရွင္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com