အဘရာမိုဗစ်ချ်၏ ပေါင် သန်း ၂၅၀ ကျော်တန်ဖိုးရှိ အိမ်ခြံမြေများနှင့် ချယ်ဆီးအသင်း၏ ကံကြမ္မာ

[Unicode]

ချယ်လ်ဆီးအသင်း၏ အိမ်ကွင်းဖြစ်သော စတန်းဖို့ဒ်ဘရစ်ချ်တွင် ဘောလုံးပွဲစဉ်များကြည့်ရှုရန် လာရောက်ကြသည့် ပရိသတ်တို့သည် ဘောလုံးကွင်းဘေး ဖြတ်သန်းလမ်းလျှောက်ရာတွင် လူနေခန်း အများအပြားကို ဖြတ်သန်းခဲ့ကြမည်ဖြစ်သော်လည်း အဆိုပါအခန်းများသည် ဗြိတိန်တွင် အိမ်ခြံမြေများ တန်ဖိုးအများဆုံး ပိုင်ဆိုင်ထားသူတစ်ဦး၏ အခန်းများဖြစ်ကြောင်း သိကြလိမ့်မည် မဟုတ်ချေ။

ချယ်လ်ဆီးအသင်းပိုင်ရှင် ရိုမန် အဘရာမိုဗစ်ချ်သည် လက်ရှိတွင် ဗြိတိန်အစိုးရ၏ ပိတ်ဆို့အရေးယူခြင်း ခံထားရသူတစ်ဦး ဖြစ်သည်။

အဘရာမိုဗစ်ချ်တို့မိသားစုသည် ဗြိတိန်တွင် ပေါင် သန်း ၂၅၀ ကျော်တန်ကြေးရှိ အိမ်ခြံမြေများ ပိုင်ဆိုင်ထားသည်။

နေအိမ်ပေါင်း ၇၀ ခန့်၊ အဆောက်အအုံများနှင့် မြေများ ပါဝင်သည်။

အဘရာမိုဗစ်ချ်နှင့် ဆက်နွှယ်နေသည့် ပိုင်ဆိုင်မှု အချက်အလက်များကို ရုရှားအခြေစိုက် ပိုင်ဆိုင်မှုများ ခြေရာခံသည့်အဖွဲ့တစ်ခု၊ Organized Crime and Corruption Reporting Project အဖွဲ့နှင့် အခြားသော နိုင်ငံတကာ သတင်းအဖွဲ့အစည်းများက စုစည်းထားခဲ့ကြခြင်း ဖြစ်သည်။

အဆိုပါအဖွဲ့များသည် ရုရှားမှ သြဇာအကြီးဆုံးပုဂ္ဂိုလ်များ၏ ပ်ိုင်ဆိုင်မှုများကို လေ့လာနေကြသည့် အဖွဲ့များ ဖြစ်သည်။

၂၀၂၀ ပြည့်နှစ်မှ ယခုအချိန်အထိ ရရှိထားသောအချက်အလက်များအပေါ် အခြေခံထားသည်။

The Guardian သတင်းဌာနနှင့် လက်တွဲလုပ်ကိုင်နေသော Transparency International ကလည်း လန်ဒန်မြို့လယ်တွင် အဘရာမိုဗစ်ချ်ပိုင်ဆိုင်သည့်ကုမ္ပဏီများနှင့် ဆက်နွှယ်နေသည့် တန်ဖိုးကြီး စံအိမ် ၅၃ လုံး၊ ကူးသန်းရောင်းဝယ်ရေးဆိုင်ရာ အဆောက်အအုံများ၊ မြေကွက်များအကြောင်း အထောက်အထားများ တွေ့ရှိထားသည်။

အဘရာမိုဗစ်ချ်က ပေါင် သန်း ၁၂၀ ဖြင့် ဝယ်ယူထားသော Kensington Palace Gardens ရှီ အိပ်ခန်း ၁၅ ခန်းပါ စံအိမ်၊ စတန်းဖို့ဒ်ဘရစ်ချ်ကွင်းကြီး ပတ်လည်ရှိ Chelsea Village ဟုအမည်ရသော ဟိုတယ်နှုင့် လူနေအိမ်ရာတွင် လူနေခန်းပေါင်း ၄၂ ခန်း ပိုင်ဆိုင်ထားသည်။

အဘရာမိုဗစ်ချ်မိသားစုသည် Belgravia တွင်လည်း တန်ဖိုးကြီး စံအိမ် ၂ လုံးပိုင်ဆိုင်ထားပြီး ဘေးချင်းကပ် နေအိမ်များဖြစ်ကာ သပ်ရပ်စွာတိဖြတ်ထားသော ပန်းခြုံခြံစည်းရိုးများ၊ ပန်းများဝေဆာပြည့်နှက်နေသော ပထမထပ်လသာဆောင်တို့ကို တွေ့ရသည်။

အဆိုပါနေရာမှ ၃ မိုင်ခန့်ပင် မဝေးကွာသော Kensington Palace အနီးတွင် အဘရာမိုဗစ်ချ်တို့မိသားစုသည် လွန်ခဲ့သောနှစ်အတွင်း ပေါင် ၁၇ ဒသမ ၅ သန်းတန် စံအိမ်တစ်လုံး ဝယ်ယူထားသေးသည်။

အခြားပိုင်ဆိုင်မှုများမှာ ပေါင် ၃၉ သန်းတန် Gulfstream ဂျက်လေယာဉ်နှင့် ပေါင် ၁၀ ဒသမ ၄ သန်းတန် Bombardier ဂျက်လေယာဉ်၊ Airbus ရဟတ်ယာဉ် ၂ စင်းတို့ ပါဝင်သည်။

ထို့အပြင် အလျား ၄၅၈ ပေရှိသည့် Solaris အမည်ရှိ ရွက်လှေနှင့် အလျား ၅၃၃ ပေရှိ Eclipse အမည်ရှိ ရွက်လှေတို့လည်း ပိုင်ဆိုင်ထားသေးသည်။

ထို့အပြင် အခြား ဂျက်လေယာဉ် ၂ စင်းလည်း ပိုင်ဆိုင်ထားသည်ဟူသောသတင်းကိုမူ အတည်ပြုနေဆဲ ဖြစ်သည်။

အဘရာမိုဗစ်ချ်မိသားစုနှင့် ပတ်သက်ဆက်နွှယ်မှုရှိသော Trust Fund များလည်းရှိရာ ဆိုက်ပရပ်စ်ရှိ ၂ ခုလည်း ပါဝင်သည်။

၂၀၁၆ ခုနှစ်က ပေါက်ကြားလာသော အချက်အလက်များအရ ပထမတစ်ခုမှာ HF Trust ဟုခေါ်ပြီး ကန်ဒေါ်လာ သန်း ၉၀၀ ဝန်းကျင်တန်ကြေးရှိပြီး ဒုတိယတစ်ခုမှာ Sara Trust Settlement ဟုခေါ်ကာ ကန်ဒေါ်လာ ၃၀၄ သန်းပမာဏရှိ အရောင်းအဝယ်များတွင် ပါဝင်ပတ်သက်မှုရှိနေသည်။

ပိုင်ဆိုင်မှုများကို လျှို့ဝှက်ထားခြင်းများမှာ ပိတ်ဆို့အရေးယူမှုများ အကောင်အထည်ဖော်ရေးအတွက် အဟန့်အတားဖြစ်စေနိုင်ကြောင်း အစိုးရအဖွဲ့များက သတိပေးခဲ့ကြပြီးနောက် အဘရာမိုဗစ်ချ်နှင့် ဆက်နွှယ်သော ပိုင်ဆိုင်မှုစာရင်း ပေါ်ပေါက်လာခြင်းလည်း ဖြစ်သည်။

အဘရာမိုဗစ်ချ်သည် ဗလာဒီမာပူတင်အစိုးရနှင့် သိသာသည့်ပတ်သက်မှုများရှိပြီး သွေးစွန်းနေသည့် စီးပွားရေးလုပ်ငန်းရှင်အုပ်စုတစ်ခုအတွင်း ပါဝင်ကြောင်း အစိုးရအဖွဲ့ဝန်ကြီးများက စွပ်စွဲလိုက်ပြီးနောက်ပိုင်း မတ်လအစောပိုင်းတွင် ဗြိတိန်အစိုးရက အဘရာမိုဗစ်ချ်အား ပိတ်ဆို့အရေးယူမှုများ ပြုလုပ်ခဲ့သည်။

ဗြိတိန်အစိုးရ၏ ခြေလှမ်းကြောင့် အသိသာဆုံးရိုက်ခတ်မှုမှာ ရုရှားသူဌေးကြီး အဘရာမိုဗစ်ချ်၏ ချယ်လ်ဆီးအသင်းမှာ လက်မှတ်ရောင်းချခြင်းများ ကန့်သတ်ခံလိုက်ရမှုကြောင့် အကျပ်ဆိုက်သွားခြင်းဖြစ်၏။

လက်ရှိတွင် ချယ်လ်ဆီးအသင်းကို ရောင်းချရန် စီစဉ်ထားပြီး ပြီးခဲ့သော ရက်သတ္တပတ်အတွင်းက ပေါင် ၂ ဘီလီယံဖြင့် ဝယ်ယူရန် ကမ်းလှမ်းထားသူများ ရှိသည်။

ချယ်လ်ဆီးအသင်းရောင်းချမှုမှ ရရှိလာသော အမြတ်အစွန်းများကို ပရဟိတအဖွဲ့များသို့ လှူဒါန်းခြင်း (သို့မဟုတ်) ထိန်းချုပ်ထားသည့် ဘဏ်စာရင်းတစ်ခုတွင် ထိန်းသိမ်းထားခြင်းများ ပြုလုပ်ဖွယ်ရာရှိသည်ဟု ခန့်မှန်းရသည်။

အဘရာမိုဗစ်ချ်ပိုင်ဆိုင်သည့် ထင်ရှားသောအခြားတစ်ခုမှာ လန်ဒန်စတော့အိတ်ချိန်းစာရင်းဝင် စတီးလ်နှင့် သတ္တုတွင်းကုမ္ပဏီ Evraz တွင် ရှယ်ယာ ၂၉ ရာခိုင်နှုန်း ပိုင်ဆိုင်ထားခြင်း ဖြစ်သည်။ Evraz သည် ၂၀၂၁ ခုနှစ် နှစ်ကုန်ပိုင်းအချက်အလက်များအရ ပေါင် ၂ ဒသမ ၅ ဘီလီယံ တန်ကြေးရှိသည်။

ယူကရိန်းအကျပ်အတည်းပေါ်ပေါက်ပြီးနောက် ရှယ်ယာဈေးများထိုးကျသွားကာ အဘရာမိုဗစ်ချ်၏ ရှယ်ယာတန်ဖိုးမှာ ပေါင် ၃၃၈ သန်းခန့် ဖြစ်သည်။

အဘရာမိုဗစ်ချ်အပေါ် ဗြိတိန်အစိုးရက အရေးယူပိတ်ဆို့မှုများ ပြုလုပ်ခဲ့ကာ ကုမ္ပဏီမှ ရှယ်ယာများမှာ ဆိုင်းငံ့ခံလိုက်ရပြီးနောက် ယခုလအတွင်း Evraz ၏ ဒါရိုက်တာအဖွဲ့ဝင် ၁၀ ဦးနှုတ်ထွက်သွားခဲ့သည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Inside the £250m Abramovich property portfolio (theguardian)

[Zawgyi]

အဘရာမိုဗစ္ခ်္၏ ေပါင္ သန္း ၂၅၀ ေက်ာ္တန္ဖိုးရွိ အိမ္ျခံေျမမ်ားႏွင့္ ခ်ယ္ဆီးအသင္း၏ ကံၾကမၼာ

ခ်ယ္လ္ဆီးအသင္း၏ အိမ္ကြင္းျဖစ္ေသာ စတန္းဖို႔ဒ္ဘရစ္ခ်္တြင္ ေဘာလံုးပြဲစဥ္မ်ားၾကည့္ရႈရန္ လာေရာက္ၾကသည့္ ပရိသတ္တို႔သည္ ေဘာလံုးကြင္းေဘး ျဖတ္သန္းလမ္းေလွ်ာက္ရာတြင္ လူေနခန္း အမ်ားအျပားကို ျဖတ္သန္းခဲ့ၾကမည္ျဖစ္ေသာ္လည္း အဆိုပါအခန္းမ်ားသည္ ျဗိတိန္တြင္ အိမ္ျခံေျမမ်ား တန္ဖိုးအမ်ားဆံုး ပိုင္ဆိုင္ထားသူတစ္ဦး၏ အခန္းမ်ားျဖစ္ေၾကာင္း သိၾကလိမ့္မည္ မဟုတ္ေခ်။

ခ်ယ္လ္ဆီးအသင္းပိုင္ရွင္ ရိုမန္ အဘရာမိုဗစ္ခ်္သည္ လက္ရွိတြင္ ျဗိတိန္အစိုးရ၏ ပိတ္ဆို႔အေရးယူျခင္း ခံထားရသူတစ္ဦး ျဖစ္သည္။

အဘရာမိုဗစ္ခ်္တို႔မိသားစုသည္ ျဗိတိန္တြင္ ေပါင္ သန္း ၂၅၀ ေက်ာ္တန္ေၾကးရွိ အိမ္ျခံေျမမ်ား ပိုင္ဆိုင္ထားသည္။

ေနအိမ္ေပါင္း ၇၀ ခန္႔၊ အေဆာက္အအံုမ်ားႏွင့္ ေျမမ်ား ပါဝင္သည္။

အဘရာမိုဗစ္ခ်္ႏွင့္ ဆက္ႏႊယ္ေနသည့္ ပိုင္ဆိုင္မႈ အခ်က္အလက္မ်ားကို ရုရွားအေျခစိုက္ ပိုင္ဆိုင္မႈမ်ား ေျခရာခံသည့္အဖြဲ႔တစ္ခု၊ Organized Crime and Corruption Reporting Project အဖြဲ႔ႏွင့္ အျခားေသာ ႏိုင္ငံတကာ သတင္းအဖြဲ႔အစည္းမ်ားက စုစည္းထားခဲ့ၾကျခင္း ျဖစ္သည္။

အဆိုပါအဖြဲ႔မ်ားသည္ ရုရွားမွ ၾသဇာအၾကီးဆံုးပုဂၢိဳလ္မ်ား၏ ပို္င္ဆိုင္မႈမ်ားကို ေလ့လာေနၾကသည့္ အဖြဲ႔မ်ား ျဖစ္သည္။

၂၀၂၀ ျပည့္ႏွစ္မွ ယခုအခ်ိန္အထိ ရရွိထားေသာအခ်က္အလက္မ်ားအေပၚ အေျခခံထားသည္။

The Guardian သတင္းဌာနႏွင့္ လက္တြဲလုပ္ကိုင္ေနေသာ Transparency International ကလည္း လန္ဒန္ျမိဳ႕လယ္တြင္ အဘရာမိုဗစ္ခ်္ပိုင္ဆိုင္သည့္ကုမၸဏီမ်ားႏွင့္ ဆက္ႏႊယ္ေနသည့္ တန္ဖိုးၾကီး စံအိမ္ ၅၃ လံုး၊ ကူးသန္းေရာင္းဝယ္ေရးဆိုင္ရာ အေဆာက္အအံုမ်ား၊ ေျမကြက္မ်ားအေၾကာင္း အေထာက္အထားမ်ား ေတြ႔ရိွထားသည္။

အဘရာမိုဗစ္ခ်္က ေပါင္ သန္း ၁၂၀ ျဖင့္ ဝယ္ယူထားေသာ Kensington Palace Gardens ရွီ အိပ္ခန္း ၁၅ ခန္းပါ စံအိမ္၊ စတန္းဖို႔ဒ္ဘရစ္ခ်္ကြင္းၾကီး ပတ္လည္ရွိ Chelsea Village ဟုအမည္ရေသာ ဟိုတယ္ႏွုင့္ လူေနအိမ္ရာတြင္ လူေနခန္းေပါင္း ၄၂ ခန္း ပိုင္ဆိုင္ထားသည္။

အဘရာမိုဗစ္ခ်္မိသားစုသည္ Belgravia တြင္လည္း တန္ဖိုးၾကီး စံအိမ္ ၂ လံုးပိုင္ဆိုင္ထားျပီး ေဘးခ်င္းကပ္ ေနအိမ္မ်ားျဖစ္ကာ သပ္ရပ္စြာတိျဖတ္ထားေသာ ပန္းျခံဳျခံစည္းရိုးမ်ား၊ ပန္းမ်ားေဝဆာျပည့္ႏွက္ေနေသာ ပထမထပ္လသာေဆာင္တို႔ကို ေတြ႔ရသည္။

အဆိုပါေနရာမွ ၃ မိုင္ခန္႔ပင္ မေဝးကြာေသာ Kensington Palace အနီးတြင္ အဘရာမိုဗစ္ခ်္တို႔မိသားစုသည္ လြန္ခဲ့ေသာႏွစ္အတြင္း ေပါင္ ၁၇ ဒသမ ၅ သန္းတန္ စံအိမ္တစ္လံုး ဝယ္ယူထားေသးသည္။

အျခားပိုင္ဆိုင္မႈမ်ားမွာ ေပါင္ ၃၉ သန္းတန္ Gulfstream ဂ်က္ေလယာဥ္ႏွင့္ ေပါင္ ၁၀ ဒသမ ၄ သန္းတန္ Bombardier ဂ်က္ေလယာဥ္၊ Airbus ရဟတ္ယာဥ္ ၂ စင္းတို႔ ပါဝင္သည္။

ထို႔အျပင္ အလ်ား ၄၅၈ ေပရွိသည့္ Solaris အမည္ရွိ ရြက္ေလွႏွင့္ အလ်ား ၅၃၃ ေပရွိ Eclipse အမည္ရွိ ရြက္ေလွတို႔လည္း ပိုင္ဆိုင္ထားေသးသည္။ ထို႔အျပင္ အျခား ဂ်က္ေလယာဥ္ ၂ စင္းလည္း ပိုင္ဆိုင္ထားသည္ဟူေသာသတင္းကိုမူ အတည္ျပဳေနဆဲ ျဖစ္သည္။

အဘရာမိုဗစ္ခ်္မိသားစုႏွင့္ ပတ္သက္ဆက္ႏႊယ္မႈရွိေသာ Trust Fund မ်ားလည္းရွိရာ ဆိုက္ပရပ္စ္ရွိ ၂ ခုလည္း ပါဝင္သည္။

၂၀၁၆ ခုႏွစ္က ေပါက္ၾကားလာေသာ အခ်က္အလက္မ်ားအရ ပထမတစ္ခုမွာ HF Trust ဟုေခၚျပီး ကန္ေဒၚလာ သန္း ၉၀၀ ဝန္းက်င္တန္ေၾကးရွိျပီး ဒုတိယတစ္ခုမွာ Sara Trust Settlement ဟုေခၚကာ ကန္ေဒၚလာ ၃၀၄ သန္းပမာဏရွိ အေရာင္းအဝယ္မ်ားတြင္ ပါဝင္ပတ္သက္မႈရွိေနသည္။

ပိုင္ဆိုင္မႈမ်ားကို လွ်ိဳ႕ဝွက္ထားျခင္းမ်ားမွာ ပိတ္ဆို႔အေရးယူမႈမ်ား အေကာင္အထည္ေဖာ္ေရးအတြက္ အဟန္႔အတားျဖစ္ေစႏိုင္ေၾကာင္း အစိုးရအဖြဲ႔မ်ားက သတိေပးခဲ့ၾကျပီးေနာက္ အဘရာမိုဗစ္ခ်္ႏွင့္ ဆက္ႏႊယ္ေသာ ပိုင္ဆိုင္မႈစာရင္း ေပၚေပါက္လာျခင္းလည္း ျဖစ္သည္။

အဘရာမိုဗစ္ခ်္သည္ ဗလာဒီမာပူတင္အစိုးရႏွင့္ သိသာသည့္ပတ္သက္မႈမ်ားရွိျပီး ေသြးစြန္းေနသည့္ စီးပြားေရးလုပ္ငန္းရွင္အုပ္စုတစ္ခုအတြင္း ပါဝင္ေၾကာင္း အစိုးရအဖြဲ႔ဝန္ၾကီးမ်ားက စြပ္စြဲလိုက္ျပီးေနာက္ပိုင္း မတ္လအေစာပိုင္းတြင္ ျဗိတိန္အစိုးရက အဘရာမိုဗစ္ခ်္အား ပိတ္ဆို႔အေရးယူမႈမ်ား ျပဳလုပ္ခဲ့သည္။ ျဗိတိန္အစိုးရ၏ ေျခလွမ္းေၾကာင့္ အသိသာဆံုးရိုက္ခတ္မႈမွာ ရုရွားသူေဌးၾကီး အဘရာမိုဗစ္ခ်္၏ ခ်ယ္လ္ဆီးအသင္းမွာ လက္မွတ္ေရာင္းခ်ျခင္းမ်ား ကန္႔သတ္ခံလိုက္ရမႈေၾကာင့္ အက်ပ္ဆိုက္သြားျခင္းျဖစ္၏။

လက္ရွိတြင္ ခ်ယ္လ္ဆီးအသင္းကို ေရာင္းခ်ရန္ စီစဥ္ထားျပီး ျပီးခဲ့ေသာ ရက္သတၱပတ္အတြင္းက ေပါင္ ၂ ဘီလီယံျဖင့္ ဝယ္ယူရန္ ကမ္းလွမ္းထားသူမ်ား ရွိသည္။

ခ်ယ္လ္ဆီးအသင္းေရာင္းခ်မႈမွ ရရွိလာေသာ အျမတ္အစြန္းမ်ားကို ပရဟိတအဖြဲ႔မ်ားသို႔ လွဴဒါန္းျခင္း (သို႔မဟုတ္) ထိန္းခ်ဳပ္ထားသည့္ ဘဏ္စာရင္းတစ္ခုတြင္ ထိန္းသိမ္းထားျခင္းမ်ား ျပဳလုပ္ဖြယ္ရာရွိသည္ဟု ခန္႔မွန္းရသည္။

အဘရာမိုဗစ္ခ်္ပိုင္ဆိုင္သည့္ ထင္ရွားေသာအျခားတစ္ခုမွာ လန္ဒန္စေတာ့အိတ္ခ်ိန္းစာရင္းဝင္ စတီးလ္ႏွင့္ သတၱဳတြင္းကုမၸဏီ Evraz တြင္ ရွယ္ယာ ၂၉ ရာခိုင္ႏႈန္း ပိုင္ဆိုင္ထားျခင္း ျဖစ္သည္။ Evraz သည္ ၂၀၂၁ ခုႏွစ္ ႏွစ္ကုန္ပိုင္းအခ်က္အလက္မ်ားအရ ေပါင္ ၂ ဒသမ ၅ ဘီလီယံ တန္ေၾကးရွိသည္။

ယူကရိန္းအက်ပ္အတည္းေပၚေပါက္ျပီးေနာက္ ရွယ္ယာေစ်းမ်ားထိုးက်သြားကာ အဘရာမိုဗစ္ခ်္၏ ရွယ္ယာတန္ဖိုးမွာ ေပါင္ ၃၃၈ သန္းခန္႔ ျဖစ္သည္။ အဘရာမိုဗစ္ခ်္အေပၚ ျဗိတိန္အစိုးရက အေရးယူပိတ္ဆို႔မႈမ်ား ျပဳလုပ္ခဲ့ကာ ကုမၸဏီမွ ရွယ္ယာမ်ားမွာ ဆိုင္းငံ့ခံလိုက္ရျပီးေနာက္ ယခုလအတြင္း Evraz ၏ ဒါရိုက္တာအဖြဲ႔ဝင္ ၁၀ ဦးႏႈတ္ထြက္သြားခဲ့သည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Inside the £250m Abramovich property portfolio (theguardian)