လီယိုနာဒို ဒီကာပရီယို၏ လော့စ်အိန်ဂျလိစံအိမ် ဝယ်လက်ရှာတွေ့

[Unicode] တိုက်တန်းနစ်သရုပ်ဆောင် လီယိုနာဒို ဒီကာပရီယိုသည် လော့စ်အိန်ဂျလိမြို့၊ လော့စ် ဖီလစ်ဇ်အရပ်မှ စံအိမ်အတွက် ဝယ်လက်တစ်ဦး ရှာဖွေတွေ့ရှိသွားပြီ ဖြစ်သည်။

စပိန်ကိုလိုနီဗိသုကာဟန်ဖြင့် ဆောက်လုပ်ထားသော စံအိမ်ကို ၂၀၂၁ ခုနှစ်၊ သြဂုတ်လတွင်းက အရောင်းဈေးကွက်တင်ခဲ့ဖူးပြီး ထိုစဉ်ကခေါ်ဈေးမှာ ကန်ဒေါ်လာ ၅ ဒသမ ၇၅ သန်း ဖြစ်သည်။ စက်တင်ဘာတွင်မူ ခေါ်ဈေးကို ကန်ဒေါ်လာ ၅၄၉၅၀၀၀ သို့ လျှော့ချပေးခဲ့သည်။

ယင်းနောက် ယခုနှစ် ဇန်နဝါရီတွင် အရောင်းဈေးကွက်သို့ ပိုမိုလျှော့ချထားသော ဈေးနှုန်းဖြစ်သည့် ကန်ဒေါ်လာ ၄၈၉၅၀၀၀ ဖြင့် ပြန်လည်ဝင်ရောက်လာပြန်သည်။

အဆိုပါခေါ်ဈေးမှာ ဝယ်လက်တစ်လက်တစ်ဦး ဆွဲဆောင်နိုင်ခဲ့ဟန်ရပြီး ယခုအခါ အဆိုပါစံအိမ်မှာ ဝယ်လက်၏ ကမ်းလှမ်းမှုကို လက်ခံထားသည့် စာရင်းသို့ ရောက်ရှိနေသည်။

အသက် ၄၇ နှစ်ရှိပြီဖြစ်သော လီယိုနာဒို ဒီကာပရီယိုသည် ယခုစံအိမ်ကို ဂီတပညာရှင် ဒီဂျေ မိုဘီထံမှ ၂၀၁၈ ခုနှစ်အတွင်း ကန်ဒေါ်လာ ၄ ဒသမ ၉ သန်းဖြင့် ဝယ်ယူခဲ့ခြင်း ဖြစ်သည်။

၁၉၂၆ ခုနှစ်က ဆောက်လုပ်ခဲ့သော အဆိုပါစံအိမ်ကို လီယိုနာဒိုက မိသားစုဝင်တစ်ဦးအတွက် ဝယ်ယူခဲ့ခြင်းဖြစ်သည်ဟူသော သတင်းများလည်း ရှိသည်။

လက်ရှိ ၎င်းကိုယ်တိုင်နေထိုင်နေသည်မှာ ဝယ်ယူထားသော စံအိမ်များအနက် တန်ဖိုးကြီးစံအိမ်တစ်ခုဖြစ်သော လော့စ်အိန်ဂျလိမြို့၊ Bird Streets အရပ်ရှိ နေအိမ် ၂ လုံးပါ ခြံဝန်းအတွင်းတွင် ဖြစ်သည်။

ယခုအရောင်းအဝယ်ဖြစ်မြောက်သွားမည်ဆိုပါက လီယိုနာဒို ဒီကာပရီယိုအတွက် အနည်းငယ် အရှုံးပေါ်မည် ဖြစ်သည်။

ဈေးကွက်တင်မှတ်တမ်းတွင် ဖော်ပြချက်အရ Red Oak Manor ဟု အမည်ပေးထားသော စံအိမ်ကြီးကို ဒီဂျေမိုဘီက အလုံးစုံပြန်လည်မွမ်းမံမှုများပြုလုပ်ခဲ့ကြောင်း သိရသည်။

စံအိမ်အကျယ် ၄၆၄၄ စတုရန်းပေရှိပြီး အိပ်ခန်း ၅ ခန်း၊ ရေချိုးခန်း ၆ ခန်းပါဝင်သည်။

လီယိုနာဒို ဒီကာပရီယို၏ အောင်မြင်မှုအရဆုံး ရုပ်ရှင်ဇာတ်ကားများမှာ “The Wolf of Wall Street,” “Titanic,” “The Departed,” “Django Unchained,” နှင့် “Once Upon a Time in Hollywood” ဇာတ်ကားများ ဖြစ်ကြသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Leo DiCaprio Reportedly Finds a Buyer for Los Feliz Home, Sells in Malibu (realtor)

[Zawgyi]

လီယိုနာဒို ဒီကာပရီယို၏ ေလာ့စ္အိန္ဂ်လိစံအိမ္ ဝယ္လက္ရွာေတြ႔

တိုက္တန္းနစ္သရုပ္ေဆာင္ လီယိုနာဒို ဒီကာပရီယိုသည္ ေလာ့စ္အိန္ဂ်လိျမိဳ႕၊ ေလာ့စ္ ဖီလစ္ဇ္အရပ္မွ စံအိမ္အတြက္ ဝယ္လက္တစ္ဦး ရွာေဖြေတြ႔ရွိသြားျပီ ျဖစ္သည္။

စပိန္ကိုလိုနီဗိသုကာဟန္ျဖင့္ ေဆာက္လုပ္ထားေသာ စံအိမ္ကို ၂၀၂၁ ခုႏွစ္၊ ၾသဂုတ္လတြင္းက အေရာင္းေစ်းကြက္တင္ခဲ့ဖူးျပီး ထိုစဥ္ကေခၚေစ်းမွာ ကန္ေဒၚလာ ၅ ဒသမ ၇၅ သန္း ျဖစ္သည္။ စက္တင္ဘာတြင္မူ ေခၚေစ်းကို ကန္ေဒၚလာ ၅၄၉၅၀၀၀ သို႔ ေလွ်ာ့ခ်ေပးခဲ့သည္။

ယင္းေနာက္ ယခုႏွစ္ ဇန္နဝါရီတြင္ အေရာင္းေစ်းကြက္သို႔ ပိုမိုေလွ်ာ့ခ်ထားေသာ ေစ်းႏႈန္းျဖစ္သည့္ ကန္ေဒၚလာ ၄၈၉၅၀၀၀ ျဖင့္ ျပန္လည္ဝင္ေရာက္လာျပန္သည္။

အဆိုပါေခၚေစ်းမွာ ဝယ္လက္တစ္လက္တစ္ဦး ဆြဲေဆာင္ႏိုင္ခဲ့ဟန္ရျပီး ယခုအခါ အဆိုပါစံအိမ္မွာ ဝယ္လက္၏ ကမ္းလွမ္းမႈကို လက္ခံထားသည့္ စာရင္းသို႔ ေရာက္ရွိေနသည္။

အသက္ ၄၇ ႏွစ္ရွိျပီျဖစ္ေသာ လီယိုနာဒို ဒီကာပရီယိုသည္ ယခုစံအိမ္ကို ဂီတပညာရွင္ ဒီေဂ် မိုဘီထံမွ ၂၀၁၈ ခုႏွစ္အတြင္း ကန္ေဒၚလာ ၄ ဒသမ ၉ သန္းျဖင့္ ဝယ္ယူခဲ့ျခင္း ျဖစ္သည္။

၁၉၂၆ ခုႏွစ္က ေဆာက္လုပ္ခဲ့ေသာ အဆိုပါစံအိမ္ကို လီယိုနာဒိုက မိသားစုဝင္တစ္ဦးအတြက္ ဝယ္ယူခဲ့ျခင္းျဖစ္သည္ဟူေသာ သတင္းမ်ားလည္း ရွိသည္။

လက္ရွိ ၎ကိုယ္တိုင္ေနထိုင္ေနသည္မွာ ဝယ္ယူထားေသာ စံအိမ္မ်ားအနက္ တန္ဖိုးၾကီးစံအိမ္တစ္ခုျဖစ္ေသာ ေလာ့စ္အိန္ဂ်လိျမိဳ႕၊ Bird Streets အရပ္ရွိ ေနအိမ္ ၂ လံုးပါ ျခံဝန္းအတြင္းတြင္ ျဖစ္သည္။

ယခုအေရာင္းအဝယ္ျဖစ္ေျမာက္သြားမည္ဆိုပါက လီယိုနာဒို ဒီကာပရီယိုအတြက္ အနည္းငယ္ အရံႈးေပၚမည္ ျဖစ္သည္။

ေစ်းကြက္တင္မွတ္တမ္းတြင္ ေဖာ္ျပခ်က္အရ Red Oak Manor ဟု အမည္ေပးထားေသာ စံအိမ္ၾကီးကို ဒီေဂ်မိုဘီက အလံုးစံုျပန္လည္မြမ္းမံမႈမ်ားျပဳလုပ္ခဲ့ေၾကာင္း သိရသည္။

စံအိမ္အက်ယ္ ၄၆၄၄ စတုရန္းေပရွိျပီး အိပ္ခန္း ၅ ခန္း၊ ေရခ်ဳိးခန္း ၆ ခန္းပါဝင္သည္။

လီယိုနာဒို ဒီကာပရီယို၏ ေအာင္ျမင္မႈအရဆံုး ရုပ္ရွင္ဇာတ္ကားမ်ားမွာ “The Wolf of Wall Street,” “Titanic,” “The Departed,” “Django Unchained,” ႏွင့္ “Once Upon a Time in Hollywood” ဇာတ္ကားမ်ား ျဖစ္ၾကသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Leo DiCaprio Reportedly Finds a Buyer for Los Feliz Home, Sells in Malibu (realtor)