မိသားစုတစ်ခု၊ နေအိမ်တစ်လုံး သာယာပျော်ရွှင်နိုင်ဖို့ဆိုတာလည်း မိဘတွေရဲ့ရတနာ သားသားမီးမီးလေးတွေလိုအပ်ပါတယ်။ ကလေး တွေရှိတဲ့ နေအိမ်တိုင်းမှာဆိုရင် တီတီတာတာနဲ့ ချစ်စရာအသံလေး တွေ ချစ်စရာအပြုအမူလေးတွေကြောင့် နေအိမ်လေးကသာယာ ပျော်ရွှင်လာကြတာပါပဲ။ ဒီလိုမျိုးချစ်စရာကောင်းတဲ့သားသားမီးမီး လေးတွေ ပျော်ပျော်ရွှင်ရွှင်နဲ့ နေထိုင်ကစားကြဖို့ သင်တို့ရဲ့အိမ် ကလေးကိုလည်း လုံလုံခြုံခြုံနဲ့နေချင်စဖွယ်ဖြစ်အောင် ဖန်တီးပေး ဖို့လိုအပ်ပါသေးတယ်။ဒီတော့သင့်တို့ရဲ့ရင်သွေးငယ်လေးတွေရဲ့ နေချင်စရာအိပ်ခန်းလေးတွေကို ဘယ်လိုဖန်တီးပေးရမလဲဆိုတာ လေ့လာကြည့်လိုက်ကြရအောင်………
၁။ ကလေးတစ်ယောက်တည်းမဟုတ်ပဲ ဘုစုကရုလေးတွေ အများ ကြီးရှိတဲ့နေအိမ်မှာဆိုရင်တော့ သူတိုရဲ့အိပ်ခန်းမှာ အပေါ်ထပ် အောက်ထပ်နှစ်ထပ်ကုတင်၊ အဆင့်လေးတွေနဲ့တက်ရတဲ့ ကုတင် လေးတွေကို တည်ဆောက်ပေးလိုက်ပါ။ ကလေးတို့သဘာဝတက် ရ၊ ဆင်းရဆော့ကစားတတ်ကြတာမို့ ဒီလို ကုတင်မျိုးလေးတွေကို နှစ်သက်သဘောကျမှာပါ။ အခန်းထဲ သီးသန့်ကြီးဆောက်တာမျိုး မဟုတ်ပဲ နံရံမှာကပ်ပြီးဆောက်လိုက်တာက အခန်းထဲဆော့ကစား ဖို့ နေရာလွတ်ပိုရသွားမှာပါ။
၂။ ကစားကွင်းနဲ့ ကလေးငယ်တို့ရဲ့အိပ်ခန်းကို တစ်ခန်းတည်းဖွဲ့ လိုက်ပါ။ သူတို့လေးတွေ ဆော့ကစားချင်တိုင်း ကစားလို့ရတဲ့ နေရာ မို့လို့ ဒီနေရာကို သူတို့သဘောကျနှစ်သက်ကြမှာပါ။ ကစားစရာ အများကြီး စုပြုံနေတာမျိုးမဟုတ်ပဲ သူ့နေရာနဲ့ သူသပ်သပ်ရပ်ရပ် သိမ်းဆည်းလို့ရတဲ့ နေရာဖန်တီးပေးရမှာပါ။
ကစားတွေနဲ့ဆော့ ကစားလို့ပြီးပြီဆိုတာနဲ့ အိပ်ဖို့အရေးကို ခက်ခက်ခဲခဲတိုက်တွန်း ထိန်းကျောင်းပေးစရာ မလိုလောက်အောင် မောမောနဲ့ပဲ အိပ်ယာ ထက်မှာ အိပ်ပျော်သွားစေမှာဖြစ်ပါတယ်။
၃။ အလင်းရောင်ကောင်းကောင်းနဲ့ လေကောင်းလေသန့်ရဖို့အ တွက် ပြတင်းတံခါးပေါက်ကျယ်ကျယ်တွေကို ကလေးငယ်တွေ ရဲ့ အိပ်ခန်းတွေမှာ ထည့်သွင်းထားပါ။
အပြင်ဘက်ကသဘာဝကျတဲ့ ရှုခင်းတွေနဲ့ လတ်ဆတ်တဲ့ခံစားမှုတွေ ခံစားနိုင်တာကြောင့် အိပ် စက်အနားယူဖို့ အဆင်ပြေနိုင်မှာဖြစ်ပါတယ်။
၎။ သပ်ရပ်တဲ့ ကုတင်နဲ့ အိပ်ခန်းအပြင်အဆင်ကို တည်ဆောက် လိုက်ပါ။ ကလေးငယ်လေးတွေစိတ်ဝင်စားတတ်တဲ့ အရုပ်ကလေး တွေ၊ အရောင်ကလေးတွေ၊ စာအုပ်စင်ကလေးတွေကို အိပ်ခန်းထဲ မှာ ထည့်သွင်းထားတာက သူတို့ကိုပိုပြီး စွဲဆောင်စေနိုင်မှာပါ။ ကု တင်လေးတွေကိုလည်း သူတို့စိတ်ဝင်စားတဲ့ ဒီဇိုင်းလေးတွေ၊ အ ရောင်စပ်ကလေးတွေ၊ အရုပ်ခေါင်းအုံးကလေးတွေ၊ စောင်ကလေး တွေနဲ့အပြင် အခြားလိုအပ်မယ့် အခန်းတွင်းပစ္စည်းလေးတွေကို ထည့်သွင်းပေးလိုက်ပါ။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
