အိမ်တစ်အိမ်လုံးစာ ပြင်ဆင်တည်ဆောက်မှုအတွက် သစ်သားကုန် ကြမ်းတွေကို အသုံးပြုပြီးနောက်မှာ ကျန်ခဲ့တဲ့ သစ်သားအပိုင်းအစ၊ အသုံးမလိုတော့တဲ့ အပိုသစ်ချောင်း၊ သစ်ချပ်ပြားလေးတွေ ရှိနေခဲ့ မယ်ဆိုရင် မလွှင့်ပစ်လိုက်ပါနဲ့။
ဒီအပိုဖြစ်နေတဲ့ သစ်သားအပိုင်းအ စလေးတွေက သင့်နေအိမ်မှာ ဆောက်လုပ်ပြီးစီးသွားတဲ့အပြင်ကို ဘာတွေအသုံးပြုလို့ရမလဲဆိုတာ ဖော်ပြပေးချင်လို့ပါ။
အိမ်ရဲ့ပရိ ဘောဂတွေအပြင်ကို အခြားအိမ်သုံးပစ္စည်းအသေးစားလေးတွေ၊ အသုံးဝင်မယ့် အသုံးအဆောင်လေးတွေကို ဒီသစ်သားအပိုင်းအစ အပိုလေးတွေနဲ့ ပြုလုပ်နိုင်ပါတယ်။ လေ့လာကြည့်ရအောင်…..
၁။ သစ်ပင်ကြီးတစ်ပင်စာရှိတဲ့ သစ်သားအပိုင်းအစကြီးတစ်ခုက ထင်းစိုက်၊ မီးစွဲဖို့အပြင် ဘယ်နေရာမှအသုံးမဝင်တော့ဘူးလို့ မထင်လိုက်ပါနဲ့။ အခုဒီမှာ ပြင်ဆင်ထားတဲ့အတိုင်းပါပဲ။ တကယ့်ကို အသုံးတည့်တဲ့ မိသားစုထမင်းစားပွဲတစ်ခု ပြင်ဆင်လို့ရနိုင်ပါတယ်။
သစ်သားပင်စည်ကြီးရဲ့ အကိုင်းအခတ်နဲ့ ခွတွေဖြာထွက်နေတာကို အပေါ်ဘက်ထောင်ထားပြီးတော့ ထမင်းစားပွဲထောက်အဖြစ် အသုံး ပြုနိုင်ပါတယ်။
အပေါ်မှာ ဖန်ချပ်ပြား၊ အခင်းပြားတင်ပြီးတော့ စားပွဲ ကြီးတစ်ခုလို အသုံးပြုလို့ရတာ ဖြစ်ပါတယ်။
နောက်ပြီး ကော်ဖီစားပွဲ၊ ဆက်တီစားပွဲ စာကြည့်စားပွဲ တို့အဖြစ်လည်း အသုံးပြုလို့ရနိုင်ပါ တယ်။
၂။ သစ်သားပင်စည်တုံးလေးတွေက ထင်းပုံထဲမှာ ထားပြီးထင်းအ ဖြစ်မစိုက်ခင်မှာ သင့်အိမ်ရဲ့စွဲဆောင်မှုရှိတဲ့ အိမ်အလှဆင်ပစ္စည်း အဖြစ်အသုံးပြုလို့ရနိုင်ပါသေးတယ်။
အလှတင်စားပွဲလေးတွေ အပြင်၊ အခုလိုမျိုး စာအုပ်စင်ငယ်ကလေးတွေ၊ အတွင်းသားလေး တွေကို အပေါက်ဖောက်ပြီးတော့ စာအုပ်ကလေးတွေ ထားတဲ့နေရာ လေးတွေ ပြုလုပ်ပြီးတော့အိမ်ရဲ့အဆင်ပြေသင့်တော်မယ့်နေရာမှာ ထားရှိပြင်ဆင်နိုင်ပါတယ်။
၃။ နောက်ပြီး အိမ်ရဲ့နံရံ၊ ကြမ်းခင်းပြင်တွေမှာလည်း ဒီသစ်သားအ ပိုင်းအစလေးတွေနဲ့ အိမ်အလှပြင်ဆင်နိုင်ပါသေးတယ်။
အိမ်ခန်း တွေရဲ့နံရံမှာဆိုရင် သာမန်အတိုင်း ရှုခင်းနဲ့၊ နံရံကပ်လှလှကလေး တွေတပ်ဆင် ပြင်ဆင်မယ့်အစား၊ ဒီလို သစ်သားဝိုင်းပြားလေးတွေ၊ ဒီဇိုင်းပုံဖော်ပြီးတော့ နံရံ၊ ကြမ်းခင်းပြင်လေးတွေမှာ ကပ်ပြီးတော့ ပြင်ဆင်လိုက်တာက ပိုပြီးတော့ထူးခြားဆန်းပြားကာ ၊ စွဲဆောင်မှုရှိ စေနိုင်ပါတယ်။
၎။ နောက် အလှဆင်ပစ္စည်းအသေးလေးတွေအဖြစ် စာကြည့်မီးအိမ်၊ စားပွဲတင်မီးစလောင်းလေးတွေ၊ ပန်းအိုး၊
အလှတင်ခွက်လေး တွေ၊ ဆေးရောင်စုံသုတ်ပြင်ဆင်ထားပြီး မိမိပုံဖော်လိုတဲ့ ဒီဇိုင်းလေး တွေနဲ့ အိမ်အလှဆင်တဲ့ ပစ္စည်းလေးတွေအဖြစ် ပုံဖော်ဖန်တီးလို့ ရနိုင်ပါသေးတယ်။
မီးဖိုခန်းတွေ၊ အိပ်ခန်းတွေ၊ ရေချိုးခန်းတွေမှာ လည်း ဒီသစ်သားအပိုင်းအစလေးတွေကို တခြားအသုံးအဆောင် တွေ အသုံးပြုတဲ့နေရာတွေမှာ အစားထိုးပြင်ဆင်ပြီးတော့လည်း အသုံးပြုနိုင်ပါသေးတယ်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
